Miðhraun 2 -Umsókn um byggingarleyfi

Bæjarstjórn samþykkir tillögu skipulagsnefndar um að hafna umsókn lóðarhafa að Miðhrauni 2 um frávik frá skipulagsskilmálum varðandi uppsetningu á ljósaskilti.

Bæjaráð samþykkir að leggja til við bæjarstjórn að samþykkja tillögu skipulagsnefndar um að hafna umsókn lóðarhafa að Miðhrauni 2 um frávik frá skipulagsskilmálum varðandi uppsetningu á ljósaskilti.

Lögð fram tillaga að útfærslum ljósaskilta við þakbrún á lyftuhúsi verslunarhússins sem er hærri en þak hússins. Skipulagsnefnd bendir á að meðan að skilti eru neðan við þakbrún eru þau heimil samkvæmt tillögu að endurskoðuðu deiliskipulagi Molduhrauns. Fyrir umrædda lóð eru til sérstök ákvæði sem staðfest voru með deiliskipulagsbreytingu en þar er einnig kveðið á um að skilti skulu vera neðan við þakbrún og ennfremur að ekki sé heimilt að vera með upplýst skilti á norðurhlið. Samkvæmt tillögu er skilti ofan við þakbrún og brýtur því í bága við deiliskipulagákvæði. Skipulagsnefnd mun ekki fallast á að deiliskipulagsákvæðum verði breytt hvað þetta varðar enda eru þau sett í samræmi við ákvæði aðalskipulags Garðabæjar 2016-2030 sem sett eru fram í kafla 3.2.4. í greinargerð með aðalskipulagi.