Niðurstöður stofnana um styttingu vinnutíma dagvinnufólks samkvæmt kjarasamningum.

Á fund bæjarráð undir þessum dagskrárlið voru Inga Þóra Þórisdóttir, mannauðsstjóri og Auður Jóhannsdóttir, deildarstjóri kjaradeildar og gerðu þær grein fyrir vinnu við innleiðingu á styttingu vinnutímans í stofnunum bæjarins.

Niðurstöður liggja fyrir í öllum stofnum bæjarins.

Bæjarráð samþykkir tillögur stofnana um styttingu vinnutímans og felur bæjarstjóra að staðfesta nýtt vinnutímafyrirkomulag fyrir hverja einstaka stofnun til að gilda frá 1. janúar 2021

Á fund bæjarráðs undir þessum dagskrárlið voru Inga Þóra Þórisdóttir, mannauðsstjóri og Auður Jóhannsdóttir, deildarstjóri kjarasviðs. Gerðu þær grein fyrir ákvæðum í kjarasamningum um styttingu vinnutíma dagvinnufólks þar sem almennt er gert ráð fyrir að vinnutími styttist um 13 mínútur á dag eða 65 mínútur á viku. Sögðu þær frá undirbúningi að mótun tillagna um fyrirkomulag á styttingu vinnutímans sem verða bornar undir atkvæði starfsmanna í leynilegri kosningu. Niðurstaðan verður lögð fyrir bæjarstjórn til staðfestingar.

Fram kom að mannauðsstjórar sveitarfélaganna á höfuðborgarsvæðinu hafa samráð við mótun tillagna og þá leiðir Samband íslenskra sveitarfélaga samráð um málið á landsvísu.