Ályktun um lagningu Vorbrautar við Þorrasali í Kópavogi

Ályktun húsfélags að Þorrasölum 1-3 dags.10.maí 2021 lögð fram. Skipulagsnefnd minnir á samantekt tækni-og umhverfissviðs Garðabæjar í maí 2020 sem send var íbúum í Þorrasölum þar sem að forsaga málsins er rakin. Þar kemur fram að það eigi ekki að koma eigendum eigna í Þorrasölum eða skipulagsyfirvöldum í Kópavogi á óvart að stefna Garðabæjar hefur um árabil verið sú að íbúðarbyggð í Hnoðraholti í Garðabæ verði tengd Arnarnesvegi um Leirdalsop.

Lögð fram.

Sara Dögg Svanhildardóttir, lagði fram eftirfarandi bókun.

„Ég ítreka fyrri bókun Garðabæjarlistans sem lögð var fram á bæjarstjórnarfundi 18. febrúar síðastliðinn þar sem bæjarfulltrúar Garðabæjarlistans greiddu atkvæði gegn tillögunni á þeim forsendum að engin kostnaðargreining lá fyrir né hver greiði framkvæmdina. Enda kemur á daginn að um það eru bæjarstjórar Kópavogs og Garðabæjar ósammála. Því hefur samkomulagið ekki tryggt annað en áframhaldandi óvissu.“

Fylgiskjöl

• 4849_001.pdf