Bréf Íþróttasambands fatlaðra varðandi launað leyfi starfsmanns dags 28.07.21.

Í bréfinu er farið fram á að Kári Jónsson, íþrótta-, tómstunda- og forvarnarfulltrúi fái leyfi á launum dagana 16. ágúst-3. september 2021 vegna þátttöku sem landsliðsþjálfari Íþróttafélags fatlaðra í frjálsum íþróttum.

Bæjarráð tekur jákvætt í erindið og vísar því til afgreiðslu bæjarstjóra. Bæjarráð bendir á mikilvægi afreksstarfs og hvetur ríkisstjórn Íslands og Afrekssjóð ÍSÍ að stuðla að frekari eflingu afreksstarfs meðal íslenskra íþróttamanna meðal annars með greiðslu vinnutaps þjálfara, starfsmanna og íþróttafólks vegna þátttöku á Ólympíuleikum og öðrum alþjóðlegum mótum.