Svar við fyrirspurn Garðabæjarlistans um almenningssamgöngur í Urriðaholti.
Ferill máls
Bæjarráð Garðabæjar
01
37. (1995). fundur
Á fundi bæjarráð mætti Guðbjörg Brá Gísladóttir, deildarstjóri umhverfis og framkvæmda og gerði nánari grein fyrir svari við fyrirspurn varðandi almenningssamgöngur í Urriðaholti. Fram komu upplýsingar um nýtingu á leið 22 og pöntunarþjónustu í Urriðaholti.
Lögð fram eftirfarandi tillaga um bætta þjónustu almenningssamgangna í Urriðaholti með tíðari strætóferðum frá og með 1. október 2021. Samkvæmt tillögunni verður aukin tíðni á leið 22 Ásgarður-Urriðaholt-Ásgarður sem hér segir:
- Virka daga mun vagninn aka allan daginn á 30 mín tíðni frá kl. 07:00-20:00 og pöntunarþjónusta á 30 mín tíðni frá kl. 20:00-23:30.
- Á laugardögum mun vagninn aka allan daginn á 30 mín tíðni frá kl. 8:00-19:00 og pöntunarþjónusta á 30 mín tíðni frá kl. 19:00-23:30
- Á sunnudögum mun vagninn aka allan daginn á 30 mín tíðni frá kl. 10:00-19:00 og pöntunarþjónusta á 30 mín tíðni frá kl.19:00-23:30.
Bæjarráð samþykkir framlagða tillögu um bætta þjónustu almenningssamgangna í Urriðaholti.
Sara Dögg Svanhildardóttir lagði fram eftirfarandi bókun
„Garðabæjarlistinn fagnar þeirri ákvörðun að stórauka skuli þjónustu við íbúa Urriðaholts með aukinni tíðni strætóferða til og frá hverfi líkt og við í Garðabæjarlistanum höfum ítrekað talað fyrir og lagt til. Aukin þjónusta mun ekki síst hafa mikil áhrif á þjónustu við börn og ungmenni sem við fögnum mjög.“
Fylgiskjöl
Bæjarráð Garðabæjar
02
35. (1993). fundur
Bæjarráð felur bæjarstjóra að svara fyrirspurninni.