Ráðning í starf sviðsstjóra fræðslu- og menningarsviðs.

Almar Guðmundsson, bæjarstjóri tók til máls og í upphafi máls síns þakkaði hann Eiríki Birni Björgvinssyni, sviðsstjóra fræðslu- og menningarsviðs fyrir farsælt starf hans í þágu Garðabæjar en Eiríkur Björn mun láta af störfum sem sviðsstjóri síðar í mánuðinum. Bæjarstjóri gerði grein fyrir umsóknum um starf sviðsstjóra fræðslu- og menningarsviðs og úrvinnslu þeirra og lagði fram tillögu um að ráða Guðbjörgu Lindu Udengård í starf sviðsstjóra fræðslu- og menningarsviðs.

Sigríður Hulda Jónsdóttir, tók til máls og tók undir þakkir til Eiríks Björns Björgvinssonar, fráfarandi sviðsstjóra.

Sara Dögg Svanhildardóttir, tók til máls og tók undir þakkir til Eiríks Björns Björgvinssonar, fráfarandi sviðsstjóra.

„Bæjarstjórn samþykkir samhljóða tillögu bæjarstjóra að ráða Guðbjörgu Lindu Udengård í starf sviðsstjóra fræðslu- og menningarsviðs. Guðbjörg Linda er með meistaragráðu í menntunarfræðum, réttindanám í þroskaþjálfun og BA próf í ferðamálafræðum. Guðbjörg Linda hefur síðan á árinu 2016 verið framkvæmdastjóri fræðslu- og frístundarsviðs Mosfellsbæjar.

Margrét Bjarnadóttur vék af fundi við umræðu og afgreiðslu málsins.

Á fundinn mætti Inga Þóra Þórisdóttir, mannauðsstjóri og gerði grein fyrir úrvinnslu umsókna um starf sviðsstjóra fræðslu- og menningarsviðs. Fram kom að alls bárust 41 umsókn um starfið en tveir umsækjendur hafa dregið umsókn sína til baka. Farið var yfir allar umsóknir og lagt mat á umsækjendur út frá þeim menntunar- og hæfniskröfum sem tilgreindar voru í auglýsingu. Sjö umsækjendur voru boðaðir í viðtöl og fjórir af þeim voru boðaðir í annað viðtal þar sem þeir kynntu verkefni sem fyrir þá var lagt og sátu fyrir svörum í framhaldi.
Embættismenn aðrir en bæjarritari og bæjarstjóri véku af fundi undir þessum dagskrárlið.

Margrét Bjarnadóttir, vék sæti við umræðu og afgreiðslu málsins.