Eskiás 8 - Umsókn um byggingarleyfi.

Bæjarráð samþykkir afgreiðslu byggingafulltrúa að veita Framkvæmdafélaginu Eskiási ehf., kt. 501286-1419, leyfi til að byggja fjölbýlishús á þremur hæðum með 29 íbúðum.

Lagðir fram aðaluppdrættir sem fylgja umsókn um byggingarleyfi.
Fjöldi íbúða á lóð er samkvæmt uppdráttum 29 en eru 27 samkvæmt töflu sem fram kemur í greinargerð deiliskipulags Ása og Grunda sem nær til Eskiáss. Þar sem að tafla er til viðmiðunar gerir skipulagsstjóri ekki athugasemd við umrætt frávik enda ekki um breytingu á heildarfjölda íbúða við Eskiás að ræða.
Við útreikning á bílastæðaþörf er hluti bílastæða innan lóðar og hluti í götu. Ef horft er til byggingarmagns og íbúðarfjölda í næstu húsum er ljóst að framboð bílastæða í götu nærri íbúðum að Eskiás 8 er í samræmi við ákvæði deiliskipulagsins.
Hæðarkóti húss nærri götu er 30 cm hærri en hæðarkóti á hæðarblaði en hámarkshæð húss er skilgreind í deiliskipulagi og fer heildarhæð húss ekki upp fyrir þá hæð.
Skipulagsstjóri gerir ekki athugasemd við að við veitingu byggingarleyfis verið vikið frá kröfum 2.mgr. 43.gr. skipulagslaga nr.123/2010 sbr. 3.mgr.sömu greinar hvað ofangreind atriði varðar.
Um ákvörðun skipulagsstjóra vísast til viðauka II við samþykkt um stjórn Garðabæjar nr.1182/2022.