3. fundur

Lögð fram tillaga að breytingu Aðalskipulags Garðabæjar 2016-2030 sem nær til svonefnds Arnarlands norðan Arnarnesvegar og austan Hafnarfjarðarvegar.

Tillagan gerir ráð fyrir því að landnotkun svæðisins breytist úr því að vera svæði fyrir verslun og þjónustu í miðsvæði. Ennfremur er gert ráð fyrir því að Borgarlína liggi um landnotkunarreitinn frá Arnarnesvegi að bæjarmörkum við Kópavog. Nákvæm lega Borgarlínu innan reitsins er ekki skilgreind enda er það viðfangsefni deiliskipulags sem er í mótun.

Skipulagsnefnd samþykkir að vísa tillögunni til auglýsingar í samræmi við 3.mgr.30.gr.skipulagslaga nr.123/2010. Skipulagsstjóra falið að senda tillögunni til athugunar hjá Skipulagsstofnun.

Tillagan skal auglýst samhliða tillögu að deiliskipulagi Arnarlands sem nær til sama svæðis.

Jóhanna Helgadóttir hjá Nordic arkitektum og Lilja Karlsdóttir samgönguverkfræðingur hjá VSB gerðu grein fyrir drögum að tillögu deiliskipulags fyrir Arnarland og með hvaða hætti unnið hefur verið úr ábendingum og umsögnum sem borist hafa við forkynningu tillögunnar.

Tillögu vísað til deiliskipulagsráðgjafa og umhverfissviðs til úrvinnslu.

Lögð fram tillaga að útfærslu sorpskýlis verslunar að Lambamýri 3 og tengsl hennar við spennistöð.

Lögð fram umsögn deiliskipulagshöfundar.

Skipulagsnefnd telur að framlögð útfærsla á sorpskýli og spennistöð sé ekki fullnægjandi og vísar til hugmynda um útfærslu sem koma fram í umsögn deiliskipulagshöfundar.

Skipulagsnefnd gerir ekki athugasemd við útfærslu á yfirborði "göngugötu" eins og tillaga Landhönnunar gerir ráð fyrir og vísar í því sambandi til umsagnar deiliskipulagshöfundar.

Útfærslu á sorpskýli vísað til frekari úrvinnslu hjá framkvæmdaaðila, umhverfissviði og deiliskipulagshöfundi.

Lögð fram tillaga að breytingu deiliskipulags Breiðumýrar sem nær til Grásteinsmýrar sem gerir ráð fyrir fjölgun íbúðareininga sem stuðlar að meiri fjölbreytni á stærðum íbúða í Breiðumýri.

Skipulagsnefnd samþykkir að vísa tillögu sem gerir ráð fyrir því að hámarksfjöldi íbúða aukist úr 84 íbúðum í 102 til auglýsingar.

Tillagan verði auglýst sem breyting á deiliskipulagi Breiðumýrar í samræmi við 2.mgr.43.gr. og 41.gr.skipulagslaga nr.123/2010.

Lögð fram umsókn um byggingarleyfi fyrir breytingar á einbýlishúsinu að Engimýri. M.a. er sóttu um að fá leyfi fyrir þegar byggðum kjallara undir húsinu sem ætlað er að nýtist sem vinnuaðstaða og geymslur.

Ekkert deiliskipulag telst í gildi í Hofstaðamýri.

Skipulagsnefnd vísar umsókninni til grenndarkynningar í samræmi við 44.gr.skipulagslaga.

Grenndarkynna skal eigendum að Engimýri 3,4,5,7 8 og 10.

Tillaga að uppfærðu deiliskipulagi Hnoðraholts norður lögð fram að lokinni kynningu. Athugasemdir og umsagnir sem borist hafa lagðar fram.

Vísað til úrvinnslu á umhverfissviði og hjá deiliskipulagsráðgjafa.

Tillaga að breytingu á deiliskipulagi Hnoðraholts norður lögð fram að lokinni kynningu. Athugasemdir og umsagnir sem borist hafa lagðar fram.

Vísað til úrvinnslu á umhverfissviði og hjá deiliskipulagsráðgjafa.

Lögð fram fyrirspurn lóðarhafa að raðhúslengjunni Útholt 5-9 um óverulega minnkun á byggingarreit, á miðlóð og stækkun á endalóðum sem því nemur.

Skipulagsnefnd samþykkir breytinguna sem óverulega breytingu deiliskipulags Hnoðraholts norður í samræmi við 2.mgr.43.gr.skipulagslaga nr.123/2010. Í samræmi við 2.ml.3.mgr.44.gr.sömu laga fellir skipulagsnefnd niður grenndarkynningu þar sem að breytingin varðar ekki hagsmuni annarra en lóðarhafa og Garðabæjar.

Lögð fram fyrirspurn lóðarhafa um byggingarmagn, útbyggingar og byggingarreit.

Svar: Vísað er til umsagnar deiliskipulagshöfundar. Skipulagsnefnd fellst á að hámarksbyggingarmagni verði breytt í 240 fermetra til samræmis til viðmiðunarflatarmáls gatnagerðargjalda. Ekki er fallist á að stækka byggingarreit né breyta ákvæðum um útbyggingar.

Skipulagsnefnd vísar fyrirspurn til tillögu að uppfærslu deiliskipulagsskilmála sem athugasemd en uppfærslan hefur verið í auglýsingu og liggur fyrir þessum fundi.

Lögð fram fyrirspurn lóðarhafa um útbygginga, útfærslu þaks, byggingarmagn og byggingarreit.

Svar: Vísað er til umsagnar deiliskipulagshöfundar og tekur skipulagnefnd undir hana í flestum atriðum. Skipulagsnefnd fellst á að hámarksbyggingarmagni verði breytt í 240 fermetra til samræmis til viðmiðunarflatarmáls gatnagerðargjalda.

Skipulagsnefnd vísar fyrirspurn til tillögu að uppfærslu deiliskipulagsskilmála sem athugasemd en uppfærslan hefur verið í auglýsingu og liggur fyrir þessum fundi.

Lögð fram fyrirspurn lóðarhafa og umsögn deiliskipulagshöfundar. Lýtur fyrirspurn að því hvort heimilað verði að fjölga íbúðareiningum í raðhúslengjunni um eina, úr fjórum í fimm.

Skipulagsnefnd telur að til greina komi að fjölga íbúðum í raðhúslengjum sem hafa nú þegar 4 íbúðareiningar eða fleiri ef að byggingarmagn eykst ekki. Það kallar hinsvegar á breytingu á viðmiðunarfjölda íbúðareininga í Hnoðraholti norður sem sett er fram í rammahluta aðalskipulags Vífilsstaðalands. Skipulagsnefnd felur skipulagsstjóra að vinna að tillögu að verkefnislýsingu fyrir aðalskipulagsbreytingu og deiliskipulagsbreytingu sem gerir ráð fyrir fjölgun íbúðareininga í raðhúslengjum um eina sbr.ofangreint.

Lögð fram tillaga að breytingu deiliskipulags Hnoðraholts Norður sem nær til einbýlishúslóðarinnar Stekkholt 22.

Tillögu vísað til umsagnar deiliskipulagshöfundar.

Lögð fram fyrirspurn lóðarhafa fjölbýlishúslóðanna Vorbraut 5,9,11,15 og 17.

Fyrirspurn vísað til tillögu að breytingu deiliskipulags Hnoðraholts norður sem athugasemd.

Lögð fram fyrirspurn lóðarhafa Vorbrautar 8-12. Lýtur fyrirspurn að því hvort heimilað verði að fjölga íbúðareiningum í fjölbýlishúsinu um tvær, úr tólf í fjórtán.

Skipulagsnefnd telur að til greina komi að fjölga íbúðum í fjögurra hæða fjölbýlishúsum sunnan Vorbrautar ef að byggingarmagn eykst ekki. Það kallar hinsvegar á breytingu á viðmiðunarfjölda íbúðareininga í Hnoðraholti norður sem sett er fram í rammahluta aðalskipulags Vífilsstaðalands. Skipulagsnefnd felur skipulagsstjóra að vinna að tillögu að verkefnislýsingu fyrir aðalskipulagsbreytingu og deiliskipulagsbreytingu sem gerir ráð fyrir fjölgun íbúðareininga fjölbýlishúsum sunnan Vorbrautar um tvær sbr.ofangreint.

Lögð fram tillaga að breytingu deiliskipulags Hnoðraholts Norður sem gerir ráð fyrir eftirfarandi breytingum:

-hámarkshæð húss númer 2 hækki um 2,5 m en breidd byggingareitsins minnki um 3 metra

-að austurhluti 1.hæðar í húsi númer 2 verði atvinnurými í stað bílageymslu

-að kjallarar verði 4 í stað 2-3

-að kjallari 2 verði atvinnurými í stað bílageymslu

-að 3.000 m2 bætist við bílageymslu í kjallara

-að staðsetning dælustöðvar færist til.

Skipulagsnefnd vísar tillögunni til auglýsingar í samræmi við 1.mgr.43.gr.skipulagslaga nr.123/2010.

Vekja skal athygli á auglýsingunni með því að senda erindi til eigenda annarra eigna í Þorraholti og í Útholti 2,4,6,8 og 10 sem og Útholti 1-3, 5-9 og 11-17.

Lögð fram tillaga að breytingu Urriðaholts norðurhluta 3 sem nær til lóðarinnar Vinastræti 22-28. Skipulagsstjóri gerði grein fyrir fundi með þeim sem gerðu athugasemdir.

Vísað til áframhaldandi úrvinnslu hjá umhverfissviði, arkitektum hússins og deiliskipulagshöfundi.

Lögð fram tillaga að breytingu deiliskipulags Kjóavalla að lokinni auglýsingu.

Deiliskipulagsbreytingin felst í breikkun byggingarreita úr 12m í 13m á öllum hesthúsalóðum innan Garðabæjar á Kjóavöllum. Auk þess felst breytingin í því að viðhalda núverandi þakformi á hesthúsum í Andvarahverfi, bæði á núverandihesthúsum og 8 nýjum hesthúsum vestast í Andvarahverfinu, um leið og heimildir fyrir kvistum og þakgluggum eru rýmkaðar.

Skilmálar fyrir þakform húsa norðan megin við Andvaravelli 2a-8a, haldast óbreyttir.

Engar athugasemdir bárust á auglýsingartíma og er tillagan því samþykkt sem breyting á deiliskipulagi Kjóavalla. Senda skal tillöguna Kópavogsbæ til afgreiðslu þar sem að deiliskipulag Kjóavalla nær til beggja sveitarfélaga.

Þráinn Hauksson landslagsarkitekt hjá Landslagi ehf gerði grein fyrir stöðu mótunar tillögu að deiliskipulag Vetrarmýrar og Smalaholts. Vísað til áframhaldandi mótunar.

Lögð fram umsókn umhverfissviðs um viðbótar efnislosun í Glerhallardýi. Umsókn fylgir uppdráttur Landslags ehf sem sýnir staðsetningu og umfang efnislosunar með ákveðnum skilyrðum.

Efnislosun er til bráðabirgða þar til deiliskipulag Norðurness liggur fyrir en samkvæmt aðalskipulagi er umrætt svæði og aðliggjandi svæði ætluð undir golfvöll og mun efnið þá nýtast til landslagsmótunar. Að öðrum kosti þarf að flytja efni sem losnar vegna framkvæmda í Breiðumýri um langan veg með tilheyrandi umhverfisáhrifum.

Skipulagsnefnd samþykkir framkvæmdaleyfi fyrir 30.600 m3 til viðbótar í Glerhallardýi í samræmi við 13.gr.skipulagslaga nr.123/2010 sem eru í samræmi við framlögð gögn með þeim skilyrðum að það verði nýtt til landslagsmótunar þegar að uppbygging golfvallar verður hafin.

Skipulagsnefnd Garðabæjar gerir ekki athugasemd við tillöguna.

Fundargerð lögð fram.