Fundargerð bæjarráðs frá 6/2 ´24.

Björg Fenger, ræddi 1. tl., íbúa- og þjónustukönnun Gallup árið 2023 og lagði fram svohljóðandi bókun.

"Samkvæmt niðurstöðu þjónustukönnunar Gallup meðal íbúa Garðabæjar fyrir árið 2023 er Garðabær líkt og oft áður í efsta sæti meðal sveitarfélaga varðandi ánægju með þjónustu sveitarfélagsins á heildina litið, en könnunin var gerð í desember og janúar sl. Mikil ánægja er með þætti eins og skipulagsmál, gæði umhverfis, aðstöðu til íþróttaiðkunar og þjónustu grunnskóla og mælist hún meiri en víðast hvar annars staðar. Þá er ánægja með þjónustu sveitarfélagsins í heild meiri en annars staðar þekkist.
Könnunin sýnir einnig minnkandi ánægju milli ára í ýmsum málaflokkum frá könnuninni 2022, t.d. hvað varðar leikskólamál og sorphirðu. Slíkar niðurstöður þarf alltaf að greina vel til að gera betur. Rétt er að minna á að yfirstandandi eru breytingar til að bæta umgjörð og starfsaðstæður í leikskólum bæjarins og eins verður nýr, glæsilegur 6 deilda leikskóli opnaður innan fárra vikna við Holtsveg í Urriðaholti. Að ýmsu öðru hefur verið unnið síðustu mánuði og má þar nefnda umbætur skóla- og leikskólalóða, 2.áfanga Urriðaholtsskóla sem tekinn er í notkun á yfirstandandi önn, uppbygging Vinagarðs og stórfelldar endurbætur á húsnæði grunnskólanna. Allt er þetta til þess fallið að bæta þjónustu og auka ánægju íbúa enn frekar.
Niðurstaða varðandi þjónustu við fatlað fólk eru vonbrigði, enda hefur umfang og gæði þjónustunnar aukist verulega frá könnun Gallup 2022, til dæmis hefur nýr sjö íbúða búsetukjarni fyrir fatlað fólk verið tekinn í gagnið í Brekkuási. Áfram verður lögð áhersla á að rýna og bæta þjónustuna á þessu sviði.
Bæjarfulltrúar Sjálfstæðisflokksins fagna góðri niðurstöðu könnunarinnar og munu hér eftir sem hingað til vinna að því að þjónustan við bæjarbúa eflist og ánægja íbúa aukist."

Sara Dögg Svanhildardóttir, ræddi 1. tl., íbúa- og þjónustukönnun Gallup árið 2023.

Lilja Lind Pálsdóttir, ræddi 1. tl., íbúa- og þjónustukönnun Gallup árið 2023.

Almar Guðmundsson, ræddi 1. tl., íbúa- og þjónustukönnun Gallup árið 2023.

Gunnar Valur Gíslason, ræddi 12. tl., bréf Samtaka sveitarfélaga á höfuðborgarsvæðinu varðandi sex mánaða skýrslu Betri samgangna ohf.

Sara Dögg Svanhildardóttir, ræddi 12. tl., bréf Samtaka sveitarfélaga á höfuðborgarsvæðinu varðandi sex mánaða skýrslu Betri samgangna ohf.

Almar Guðmundsson, ræddi 12. tl., bréf Samtaka sveitarfélaga á höfuðborgarsvæðinu varðandi sex mánaða skýrslu Betri samgangna ohf.

Fundargerðin sem er 20 tl., er samþykkt samhljóða.