Fundargerð bæjarráðs frá 22/10 ´24.

Rakel Steinberg Sölvadóttir ræddi 7.tl. bréf Umf. Stjörnunnar varðandi rekstur á íþróttahúsinu Mýrinni.

Ingvar Arnarson ræddi 9.tl. svar við fyrirspurn Garðabæjarlistans um söluþóknun fasteignasala og lagði fram eftirfarandi bókun:

„Garðabæjarlistinn þakkar góðar umræður um málið í bæjarráði. Í svarinu kemur fram að greiðslur til fasteignasala nemi tæplega 58 milljónum á árunum 2021 - 2024. Stærstur hluti þessara greiðslna eru á árunum 2023 og 2024 eða 14 milljónir árið 2023 og 41 milljón árið 2024. Greiðslurnar eru nánast að öllu leyti fyrir sölu á lóðum í eigu Garðabæjar. Flest sveitarfélög sjá alfarið um sölu á lóðum í sinni eigu sjálf og teljum við í Garðarbæjarlistanum að Garðabær eigi að fara þá leið. Að okkar mati er Garðabær að greiða of hátt gjald fyrir þessa þjónustu og mikilvægt að leitað verði leiða til að lækka kostnað þegar að kemur að sölu lóða og þar af leiðandi fara betur með fjármuni Garðabæjar.
Bæjarfulltrúar Garðabæjarlistans“

Almar Guðmundsson ræddi 7.tl. bréf Umf. Stjörnunnar varðandi rekstur á íþróttahúsinu Mýrinni og 9.tl. svar við fyrirspurn Garðabæjarlistans um söluþóknun fasteignasala.

Ingvar Arnarson tók til máls að nýju og ræddi 9.tl. svar við fyrirspurn Garðabæjarlistans um söluþóknun fasteignasala.

Almar Guðmundsson tók til máls að nýju og ræddi 9.tl. svar við fyrirspurn Garðabæjarlistans um söluþóknun fasteignasala.

Fundargerðin sem er 9.tl. er samþykkt samhljóða.