13. fundur

Fyrirtækið Gagarín er nú að vinna að tillögu að 1. áfanga eða svokölluðum hönnunarfasa í tengslum við minjagarðinn á Hofsstöðum. Þar verður gert grein fyrir markmiðum verkefnisins, möguleg frásagnarleið fyrir gesti garðsins samin og mögulegri heildarupplifun þeirra lýst. Gagarín tekur um leið að sér frumhönnun sýningaratriða í samvinnu við verkkaupa og sérfræðinga með greinargóðum lýsingum og skissum ásamt því að útbúa tíma og kostnaðaráætlun fyrir framleiðslu þeirra.

Hringur Hafsteinsson og Lemke Meijer frá Gagarín mættu á fund nefndarinnar og kynntu stöðu mála varðandi hugmyndavinnu í tengslum við minjagarðinn á Hofsstöðum.

Umræður voru um stöðu hugmyndavinnunnar. Nefndarmenn beðnir um að fara yfir drögin sem lögð voru fram og senda inn ábendingar ef einhverjar eru.

Áætlað er að niðurstöður með tillögum að hugmyndahönnun og mögulega áfangaskiptingu verði tilbúnar fljótlega.