50. fundur

Starfsáætlun menningar- og safnanefndar fyrir starfsárið 23/24 samþykkt.

Fylgiskjöl

• Starfsáætlun 23-24.docx

Menningarfulltrúi kynnti menningardagskrá fyrir almenning haustið 2023. Bæklingur liggur frammi í menningarstofnunum bæjarins og í þjónustuveri en verður borinn í hús þann 7. september. Í bæklingi eru fjölskyldustundir á Bókasafni og Hönnunarsafni kynntar, erindi og fróðleiksmolar, bókmenntakynningar og leiðsagnir sömuleiðis. Þá er dagskrá tónleikaraðarinnar Tónlistarnæring kynnt og hátíðirnar Rökkvan og aðventuhátíð Garðabæjar sömuleiðis.

Fylgiskjöl

• haustdagskrá 2023.jpg

Drög að dagskrá fyrir skólahópa kynnt. Skipulögð dagskrá fer fram í Hönnunarsafni, Bókasafni Garðabæjar og í Tónlistarskóla Garðabæjar auk þess sem Minjagarðurinn á HOfsstöðum og margmiðlunarsýningin Aftur til Hofsstaða ásamt vefsíðunni www.afturtilhofsstada.is er kynnt kennurum og skólastjórnendum í upphafi hausts.

Kynning á dagskrá Rökkvunnar.

Einar Örn Magnússon og Guðrún Ágústa Gunnarsdóttir stigu á fund og sögðu frá dagskrá Rökkvunnar sem fer fram 29. og 30. september næstkomandi. Fjöldi ungra tónlistarmanna koma fram á stóra sviðinu og á Rökkvukránni og auk þess verður markaður ungra hönnuða og listamanna staðsettur á Garðatorgi. Á stóra sviði koma einnig fram sveitirnar Moses Hightower og Dikta. Ungir tónlistarmenn í Garðabæ unnu að skipulagningu hátíðarinnar í sumarstarfi

í Skapandi sumarstörfum í félagi við menningarfulltrúa bæjarins. Kynningin bar því vitni að hópurinn hefur skipulagt dagskrá á stóra sviði, á göngugötu og í Rökkvukránni af nákvæmni og innan fjárhagsramma.

Fylgiskjöl

• Dagskrá Rökkvunnar 29. og 30. september

Hvernig tókst til?

Starfsmenn Skapandi sumarstarfa voru að þessu sinni 17 auk verkefnastjóra og aðstoðarverkefnastjóra. Á viðburði í lok júlí voru mjög fjölbreytt verkefni kynnt og ljóst að um metnaðarfulla vinnu hjá ungu listafólki í Garðabær var að ræða. Hluti hópsins vann að skipulagi Rökkvunnar í sumar auk þess sem hópurinn lék á tvennum tónleikum.