2. fundur

Undirbúningur að forvarnarviku 3.-10. október kynntur. Yfirskrift vikunnar verður "heilsueflandi samvera". Dagskrá verður fjölbreytt og er samstarfsverkefni flestra stofnana bæjarins auk annarra aðila sem koma að vinnu með börnum, unglingum og fjölskyldum.

Rætt um stöðu mála á umbótaáætlun v/ ytra mats á starfsemi Barnaskóla Hjallastefnunnar á Vífilsstöðum. Skólanefnd ítrekar að umbótaáætlun verði lokið og send ráðuneyti innan setts tímaramma sem er fyrir 24. september.

Kynning á samstarfsverkefni sveitarfélaga á höfuðborgarsvæðinu um símenntun grunnskólakennara, en fyrir liggur styrkur frá Erasmus í verkefnið. Fræðslan í ár er framhald frá fyrra ári um fræðslu fyrir kennara sem kenna nemendum með íslensku sem annað mál. Rætt um mikilvægi þess að hafa heildstæða þjónustu fyrir þennan hóp og skóladeild falið að skoða málið nánar og taka aftur upp á fundi skólanefndar í vetur.

Nýr persónuverndarfulltrúi Garðabæjar mun á næstu 4 vikum halda fræðslufundi fyrir alla starfsmenn grunnskóla bæjarins og tómstundaheimila, um áherslubreytingar á starfsemi grunnskóla vegna nýrra persónuverndarlaga.

Kynning á helstu áherslum í starfi Urriðaholtsskóla, auk kynnisferðar um húsnæðið. Skólanefnd þakkar skólastjórnendum fyrir góðar móttökur og metnaðarfulla kynningu á starfi nýs skóla.