12. fundur

Eysteinn Haraldsson bæjarverkfræðingur kemur fer yfir aðgengi að skólum, umferðar og öryggismál í grennd við grunnskólana í Garðabæ.

Eysteinn Haraldsson bæjarverkfræðingur fór yfir aðgengi að skólum, umferðar og öryggismál í grennd við grunnskólana í Garðabæ. Skólanefnd lýsir yfir ánægju með kynninguna og leggur áherslu á að tryggja í hvívetna öryggi í aðkomu og umhverfi grunnskóla bæjarins sem og að merkingar skólanna og aðkoma sé skýr s.s. aðalinngangur.

Hvað getum við gert til að efla læsi? Samvinna milli skóla/skólastiga og samvinna skóla og foreldra.

Leggja þarf áherslu á samvinnu skólastiga (leik- og grunnskóla) og einnig samvinnu grunnskóla á þessu sviði. Nauðsynlegt er að skólar hafi skilgreinda verkferla um samvinnu við foreldra í lestrarkennslunni og bjóði foreldrum nemenda með sértæka lestrarefiðleika upp á faglega aðstoð og tryggi samvinnu við þá um lestrarnám barnsins. Skólanefnd felur fræðslu og menningarsviði að kalla eftir lestrarstefnum skólanna og viðbrögðum/aðgerðum varðandi nemendur sem eru samkvæmt skimunum líklegir til að lenda í erfiðleikum með lestrarnámið.

Skólanefnd felur fræðslu og menningarsviði að kalla eftir upplýsingum frá skólunum um hvernig upplýsingatæknikennslu er háttað og hver er þeirra framtíðarsýn þar.

Skólanefnd felur fræðslu og menningarsviði að hvetja skólasjórnendur til að tengja 100 ára afmæli kosningarréttar kvenna inn í kennsluna m.a. í tengslum við faglega umræðu um jafnréttismál og samfélagsþróun.

Alþjóðaskólinn óskar eftir að færa til skipulagsdag vegna alþjóðlegrar úttektar á starfsemi skólans.

Skólanefnd fagnar því að gerð sé alþjóðleg úttekt á starfssemi skólans og samþykkir vegna sérstakra aðstæðna tilfærslu á starfsdegi. Farið er fram á að þeim nemendum sem þess óska sé tryggð viðvera í skipulögðu starfi á vegum skólans þennan dag.