13. fundur

Vilborg Einarsdóttir framkvæmdastjóri kynnti gæðakerfið Bravo lesson og fór yfir innleiðingarferli Mennntastefnu Garðabæjar í leik- og í grunnskólum Garðabæjar. Kerfið auðveldar innra mat, býður upp á gerð umbótáætlana og markvisst kennslutundarýni. Tölfræði býður upp á skólaprófíl hvers skóla og sýnir styrkleika og tækifæri til umbóta í skólastarfinu.

Ólöf Breiðfjörð, menningarfulltrúi Garðabæjar sagði frá menningarviðburðum sem nemendum í skólum bæjarins verður boðið upp á, skólaárið 2023-2024. Skólanefndir lýsa ánægju sinni með metnaðarfulla dagskrá.

Farið var yfir Menntadaginn 2023 sem haldinn var í Álftanesskóla fyrir starfsfólk í leik-, grunnskóla og frístundaheimila. Að þessu sinni var dagurinn með breyttu sniði en boðið var upp á tvo fyrirlestra og starfsfólk valdi sér eina málstofu. Í boði voru 19 málstofur þar sem kynntar vour helstu niðurstöður þeirra verkefna sem hlotið hafa styrk úr Þróunarsjóðum Garðabæjar í leik- og grunnskólum. Leik- og grunnskólanefndir fela fræðsluskrifstofu að gera könnun meðal starfsfólks varðandi Menntadaginn.

Grunnskólafulltrúi fóru yfir stöðu vegna rakaskemmda sem komu upp í Garðaskóla. Þá var farið yfir stöðu framkvæmda í Flata-, Urriða- og í Hofsstaðaskóla.

Lagðar voru fram umbótaáætlanir grunnskóla Garðabæjar.

Starfsáætlanir grunnskóla voru lagðar fram og kynntar. Skólanefnd lýsir ánægju sinni með vel unnar áætlanir.