11. fundur

Fræðslustjóri og fulltrúi fræðslusviðs fóru yfir stöðu framkvæmda í þeim grunnskólum þar sem greinst hafa rakaskemmdir. Upplýst var að framkvæmdir hafa gengið vel í sumar og nú er unnið að lokafrágangi. Lausar kennslustofur í Garðaskóla verða komnar í notkun í lok september og í Urriðaholtsskóla í október.

Grunnskólafulltrúi gerði grein fyrir skólastarfi grunnskóla Garðabæjar og Tónlistarskóla Garðabæjar skólaárið 2022-2023. Farið var yfir fjölda nemenda og sagt frá starfi í einstaka skólum. Upplýst var um samstarf grunnskólanna, tónlistarskólans og Hönnunarsafnsins varðandi menningartengda viðburði. Þá var sagt frá starfi samstarfshóps á vegum SSH um skólamál og verkefnum sem samstarfshópurinn hefur komið að.

Rædd var skólabyrjun skólaársins 2023-2024. 2599 nemandi hófu námi í grunnskólum bæjarins þar af voru 236 nemendur sem hófu nám í 1. bekk.

Lagðar voru fram ársskýrslur grunnskólanna vegna skólaársins 2022-2023. Skólanefnd færir þakkir til skólafólks fyrir faglegar og vel unnar ársskýrslur. Þær bera vott um metnaðarfullt og gott skólastarf auk þess sem þær eru mikilvæg heimild og tæki til stefnumótunar í skólastarfinu.

Starfsfólk Urriðaholtsskóla óskar eftir að færa skipulagsdaginn 21. maí fram til 10. maí 2024. Skólanefnd samþykkir erindið enda sé tryggt að boðið sé upp á heilsdagsþjónustu í frístundaheimilinu.