23. fundur

Lagt var fram til kynningar upplýsingar um síðari úthlutun Þróunarsjóðs grunnskóla 2024. Að þessu sinni bárust 11 umsóknir. Skólanefnd leggur til við bæjarráð að úthlutað verði kr. 13.428.000.-

Starfsáætlanir grunnskóla voru lagðar fram og kynntar. Skólanefnd lýsir ánægju sinni með vel unnar áætlanir.

Rætt var um fyrirhugaðan Menntadag Garðabæjar sem haldinn verður þann 1. nóvember nk. Þar verða m.a., kynnt þau verkefni sem hlotið hafa styrk úr Þróunarsjóði Garðabæjar á árunum 2021 og 2023.

Farið var yfir fjölda, stöðu og þjónustu við nemendur sem hafa fjölbreyttan menningar- og tungumálabakgrunn í grunnskólum Garðabæjar. Fræðslu- og menningarsviði er falið að vinna áfram að mótun og þróun þjónustu við þessa nemendur í samráði við skólastjórnendur/kennara og aðra starfsmenn.

Skólanefnd þakkar skólastjórnendum Álftanesskóla fyrir áhugaverða kynningu og lýsir ánægju með að kynnast skólanum og skólastarfinu með þessum hætti.