1. fundur

Farið var yfir hlutverk skólanefndar, kynnt og lögð fram reglugerð fyrir Tónlistarskóla Garðabæjar frá 23. ágúst 2013.

Lagt fram skóladagatal fyrir skólaárið 2014-2015 en skólasetning TG fór fram þriðjudaginn 26. ágúst. Við skólasetningu léku m.a. Stefán Páll Sturluson á gítar og Helgi Þorleiksson á slagverk en þeir voru báðir á sumarlaunum frá Garðabæ í sumar.

Skólastjóri fór yfir fjölda nemenda sem verða um 520 og kennara við skólann sem eru 49. Í ár verður boðið upp á tónlistarval í samstarfi við Garðaskóla sem kallast rytmísk hringekja. Hringekjan skoðast sem valgrein í 9. og 10. bekk í Garðaskóla og fer kennslan fram á skólatíma nemenda. Fjórir kennarar frá Tónlistarskólanum munu kenna þátttakendum í hringekjunni á rafgítar, rafbassa, hljómborð og trommur. Kennt er á hvert hljóðfæri í um 6 vikur og í lokin eru myndaðar hljómsveitir og spiluð lög í samræmi við getu hvers hóps.

Skólastjóri gerði grein fyrir náms- og kynnisferð starfsfólks Tónlistarskóla Garðbæjar til Vínarborgar síðastliðið vor. Farið var 28. maí og komið til baka 2. júní.

Farið yfir og kynntar helstu niðurstöður í foreldrakönnun TG sem framkvæmd var vorið 2013. Umræður voru um umfang og tíðni þjónustukannanna. $line$Málið verður áfram á dagskrá nefndarinnar.