24. fundur

Umhverfisnefnd fór vettvangsferð um bæinn eftir ábendingum sem bárust um snyrtilegar lóðir íbúðarhúsnæðis, fyrirtækja, opins svæðis og/eða götu.

Nefndin sendir bæjarráði tillögur um sex lóðir íbúðarhúsnæðis, eina lóð fyrirtækis, opins svæðis og snyrtilegustu götuna.

Umhverfisnefnd lítur á eggjastuld í friðlandi Vífilsstaðavatns sem mjög alvarlegt mál. Undanfarin ár hefur verið hlúð að varpi flórgoða í friðlandinu og hefur það tekist vonum framar og flórgoðum fjölgað á vatninu.

Nú lítur út fyrir að flórgoðunum takist ekki að koma upp ungum því grunur er um að eggjum hafi verið stolið undan þeim.