30. fundur

Eysteinn Haraldsson bæjarverkfræðingur kynnti skýrslu um aðgerðaráætlun gegn hávaða og hávaðakort og skrá yfir stóra vegi skv. reglugerð 1000/2005. Erindinu vísað frá bæjarráði 4. júní sl. til umfjöllunar í umhverfisnefnd.

Umhverfisnefnd telur skýrsluna afar vel unna og vandaða með gagnlegum upplýsingum um stöðu málsins í dag og fyrirhugaðar aðgerðir.

Eysteinn Haraldsson bæjarverkfræðingur upplýsti um aðferðafræði varðandi aðgreiningu skolps- og regnvatnslagna. Unnið er í teymisvinnu með Heilbrigðiseftirliti, Þjónustumiðstöð og Hreinsitækni ehf.

Mælingar sýna að aðgerðir eru að skila árangri. Haldið verður áfram á sömu braut.Ákveðið að vara eigendur húsbíla við því að hreinsa salerni húsbíla í íbúðarhverfum með auglýsingu í Garðapóstinn.

Fyrirspurn nefndarmanns um ástand Heiðmerkurvegar. Einnig bent á slysagildru á Elliðavatnsvegi, þar sem börn hjóla eftir veginum til Golfvallar Odds.

Bæjarverkfræðingur útskýrði stöðu Heiðmerkurvegarins í stjórnsýslu Vegagerðarinnar. Þessi vegur ásamt öðrum sem Vegagerðin skilaði yfir til sveitarfélaga í lélegu ástandi er í málsmeðferð hjá Sambandi íslenskra sveitarfélaga.Jafnframt rætt um að setja þarf heila miðlínu á Elliðavatnsveg (Flóttamannaveg) til að sporna við framúrakstri.

Erindi frá Umhverfis- og auðlindaráðuneyti dags. 21. maí 2013, varðar Dag íslenskrar náttúru. Sveitarfélög og landshlutasamtök eru hvött til að efna til viðburða þann 16. september nk. á Degi íslenskrar náttúru.

Lagt fram.

Bréf SSH varðandi mótun nýs samstarfssamnings um rekstur og stjórnun Reykjanesfólkvangs, dags. 05.06.13. vísar bæjarráð á 24. fundi sínum erindinu ásamt tillögum að næstu skrefum um framtíð Reykjanesfólkvangs til umfjöllunar umhverfisnefndar.$line$ $line$

Umhverfisnefndar svarar bæjarráði erindinu.

Fræðslubæklingur frá Náttúrufræðistofnun Íslands 13.06.13

Lagt fram.

Ábending frá útivistarfólki við Vífilsstaðavatn 14. og 16. júní sl., um að flórgoðapar hafi komið upp hreiðri nálægt norðurbakkanum og annað par sér þar í hreiðurtilburðum. Þau óska eftir að ró fuglanna verði ekki raskað við lúpínuslátt með hávaðasömum vélorfum.

Nefndarmenn fagna hreiðurgerð flórgoðans sem er mikill skrautfugl í friðlandinu. Nefndin fer fram á að ekki verði notuð vélorf við heftingu útbreiðslu lúpínu vestan og norðanmegin við Vífilsstaðavatn yfir varptímann.

Bílhræ eru á nokkrum stöðum í bæjarlandinu.

Málið rætt.