1. fundur

.

Jóna Sæmundsdóttir, formaður umhverfisnefndar setti fyrsta fund umhverfisnefndar og bauð fólk velkomið til starfa.$line$$line$Guðjón Erling Friðriksson, bæjarritari, mætti á fund umhverfisnefndar og kynnti nokkur atriði varðandi starfshætti nefnda. Bæjarritari gerði einnig grein fyrir hlutverki umhverfisnefndar samkvæmt lögum og svaraði fyrirspurnum.$line$Síðan vék Guðjón af fundinum.

Kynnt yfirlit umhverfismála og náttúruverndar á síðasta kjörtímabili.

Umhverfisstjóri fór yfir málefni umhverfismála og náttúruverndar sem eru í gangi milli ára og þeirra sem þarf að ljúka.

1. Ákvörðun um skilti fyrir snyrtilegustu götuna 2014.$line$2. Auglýsing eftir ábendingum um snyrtilegar lóðir íbúðarhúsnæðis, fyrirtækis, opið svæði eða götu.$line$

Undirbúningur að auglýsingu og vali fyrir snyrtilegt umhverfi 2014.$line$Ákveðið að halda sömu hönnun á skilti við snyrtilegustu götuna.$line$Að auglýsa eftir ábendingum um snytilegar lóðir íbúðarhúsnæðis, fyrirtækis, opins svæðis og götu í Garðapóstinum útg. 3. júlí nk.

Frá fundi fulltrúa sveitarfélaga á höfuðborgarsvæðinu hjá SSH 3. júní sl. um erindi Umhverfisstofnunnar og hvort samræming eða samstarf á höfuðborgarsvæðinu væri hugsanlegt.

Lagt fram.

Undirritaður var samningur um notkun beitarhólfs í landi Hafnarfjarðar við Krísuvík þann 11. júní 2014 fh. Hafnarfjarðar, Garðabæjar og leigutaka þ.e. Fjáreigendafélags Hafnarfjarðar.

Lagt fram.

Kynntar fyrirspurnir um hænsnahald í Garðabæ og kvartanir af hænsnahaldi.

Ákveðið að nefndin vinni að gerð samþykktar um hænsnahald í Garðabæ.

Kynntar fyrirspurnir um opið svæði fyrir hunda.

Málefni hundasvæðis tekið fyrir og rætt um að Bali sé opið útivistarsvæði fyrir hunda. $line$Ákveðið að skoða svæðið um leið og nefndin fer í vettvangsferð um bæinn vegna snyrtilegs umhverfis.

Hraðhleðslu fyrir rafbíla hefur verið komið upp í Kauptúni á lóð IKEA af Orku náttúru (ON). Þetta er sjötta stöðin stöðin sem ON setur upp á Suður- og Vesturlandi. $line$IKEA tekur verndun umhverfis og náttúru alvarlega og vill taka þátt í þeirri þróun að jarðarbúar temji sér sjálfbærar lífsvenjur. Hraðhleðslan er öllum gestum IKEA gjaldfrjáls.

Nefndin fagnar þjónustu við rafbíla í Kauptúni.

Í vinnslu að bjóða uppá sögu- og fræðslugöngu um svæði fornminja við Skógtjörn í leiðsögn Ragnheiðar Traustadóttur fornleifafræðings.

Ákveðið að stefna að fræðslugöngu seinnipartinn í ágúst eða september.

Erindi Lionsklúbbsins Seylu dags. 10. júní um að efla trjárækt á Álftanesi sem samfélagsverkefni í klúbbsins umhverfismálum.

Ákveðið að svara erindi Lionsklúbbsins Seylu jákvætt varðandi að vinna í að finna heppilegt svæði til trjáræktar fyrir klúbbinn. $line$Athuga þarf eignarhald á landi og skipulagsmál.