9. fundur

Drög að verkefnaáætlun velferðarráðs til júní 2027 lögð fram til umræðu. Velferðarsviði er falið að útfæra verkefna- og starfsáætlun Velferðarráðs nánar og senda á nefndarmenn.

Skýrsla spretthóps um uppbyggingu hjúkrunarheimilis og lífsgæðakjarna í Vetrarmýri lögð fram til kynningar og umræðu. Velferðarráð lýsir ánægju með framlagða skýrslu.

Pála Marie Einarsdóttir, deildarstjóri málaflokks fatlaðs fólks, kynnir þjónustu sveitarfélagsins í þágu fatlaðs fólks. Velferðarráð stefnir að frekari umfjöllun um málefni fatlaðs fólks á næstu fundum samhliða því að fara yfir tillögur sem fram koma í úttekt HLH ráðgjafar.

Sólveig Norðfjörð, verkefnastjóri innleiðingar farsældar í Garðabæ, fór yfir stöðu innleiðingar laga um samþætta þjónustu í þágu farsældar barna í Garðabæ. Velferðarráð telur mikilvægt að haldið verði áfram með innleiðingu og þróun á farsældarlögum í Garðabæ.

Skýrsla um áskoranir ríkis og sveitarfélaga í velferðarþjónustu, sem unnin var fyrir Samtök sveitarfélaga á höfuðborgarsvæðinu (SSH), lögð fram til kynningar.