Heim­ili og bú­setu­kjarnar

Sértækt húsnæði er fyrir fatlað fólk með miklar stuðningsþarfir sem getur ekki séð sér fyrir húsnæði á annan hátt. Húsnæðið er hugsað fyrir þau sem þurfa mikla aðstoð og stuðning til að búa á eigin heimili.

Þú sækir um sértækt húsnæði í Þjónustugátt Garðabæjar.

Þú getur aðeins sótt um eina tegund af félagslegu leiguhúsnæði í einu. Ráðgjafar á velferðarsviði leiðbeina þér varðandi umsókn um húsnæði.

Hver getur sótt um?

Til að umsókn sé samþykkt á biðlista eftir sértæku húsnæðisúrræði þarftu að uppfylla eftirfarandi:

• Þú ert 18 ára eða eldri.
• Þú ert með staðfesta fötlunargreiningu.
• Þú hefur gengist undir mat á þörf fyrir sértækt húsnæði. Það getur annað hvort verið mat á stuðningsþörf (SIS) hjá Ráðgjafar- og greiningarstöð í 5. flokki eða hærri eða mat hjá velferðarsviði á stuðningsþörf umfram 15 klukkustundir á viku. 
• Umsóknin þín fær 6 stig eða meira samkvæmt reglum um félagslegt húsnæði.

Garðabær rekur heimili fyrir fatlað fólk á eftirfarandi stöðum:

• Miðskógum 22. Forstöðumaður er Lilja Guðmundsdóttir. Sími: 565 4525.
• Krókamýri 54. Forstöðumaður er Ingibjörg Friðriksdóttir. Sími: 565 9505.
• Ægisgrund 19. Forstöðumaður er Ásta Kristinsdóttir. Sími 565 8130. 
• Sigurhæð 12 (fyrir börn). Forstöðumaður er Hlöðver Sigurðsson. Sími: 544 4700.

Fólk með fötlun sem hefur þörf á sérstöku húsnæði og mikinn stuðning getur sótt um íbúð í búsetukjarna. Þar fær fólk þjónustu eftir sínum þörfum allan sólarhringinn.

• Búsetukjarni Unnargrund 2. Forstöðumaður er Jóna Jóhanna Sveinsdóttir. Sími: 414 0555.
• Búsetukjarni Brekkuás 2. Forstöðumaður er Sunna Líf Kristjánsdóttir. Sími 414 0532.