Söguganga - Silfurtúnið með Baldri Ó. Svavarssyni arkitekt
Hagkaup í Garðabæ
Fimmtudaginn 23. júlí kl. 20:00 verður boðið upp á sögugöngu um Silfurtúnið með Baldri Ó. Svavarssyni arkitekt. Velkomin í gönguna!
Í tilefni af 50 ára afmæli Garðabæjar er boðið upp á fjórar áhugaverðar sögugöngur um Garðabæ. Göngurnar eru haldnar á vegum Garðabæjar í samstarfi með Sögufélagi Garðabæjar og Hönnunarsafni Íslands.
Önnur ganga sumarsins verður haldin fimmtudaginn 23. júlí nk. þar sem gengið verður um Silfurtúnið.
Söguganga í tilefni 50 ára afmælis Garðabæjar með Baldri Svavarssyni arkitekt sem fjallar um upphaf skipulagðar byggðar í Silfurtúni í Garðahreppi. Gangan fer frá Hagkaup í Litlatúni og hefst kl. 20:00.
Þátttaka er ókeypis.
Ath eingöngu þurfti að skrá sig í fyrstu gönguna sem var farin í júní en það þarf ekki lengur að skrá sig í næstu sögugöngur.
Verið velkomin í afmælisgöngurnar í sumar!
Sögugöngur í Garðabæ í tilefni 50 ára afmælis bæjarins - sjá nánar hér.
Viðburður á facebook síðu Garðabæjar
Nánar um Baldur Svavarsson arkitekt
Baldur flutti ungur í Garðahrepp úr Hlíðunum ásamt fjölskyldu, sumarið 1964, í Silfurtúnið að Aratún 23. Þess má geta að þá voru engar lóðir að hafa í höfuðborginni. Þá var þannig umhorfs í hreppnum, að segja má að fjölskyldan hafi beinlínis flutt af mölinni og í sveitina. Fjölskylduvinum og ættingjum þótti enda þessi flutningur þá hreint glapræði. Það viðhorf breyttist fljótt.
Baldur hefur búið í bænum allar götur síðan, ef undan eru skilin tæp 10 ár við nám og störf í Ósló. Gekk í Barnaskóla Garðahrepps og í Gagnfræðaskóla Garðahrepps (nú Garðaskóli). Stúdentsprófi lauk hann frá Menntaskólanum við Tjörnina (nú MS) 1977, enda engan framhaldsskóla að finna í hreppnum á þeim árum.
Að stúdentsprófi loknu, hélt Baldur til náms í arkitektúr við Arkitektaháskólann í Ósló (AHO). Baldur hefur rekið eigin arkitektastofu frá árinu 1990 til dagsins í dag, þ.e. Úti og Inni arkitekta s.f. Á þeim vettvangi hefur hann fengið tækifæri til að hanna nokkra byggingar í bænum s.s. Hofsstaðaskóla, Tónlistarskóla Garðabæjar og Mýrina og nú síðast Urriðaholtsskóla auk annarra bygginga og verkefna í Garðabæ.
Baldur er gegnheill Garðbæingur og Stjörnumaður. Hann hefur gegnt fjölmörgum félagsstörfum í gegnum árin og situr nú m.a. í stjórn nýstofnaðs Sögufélags Garðabæjar sem stendur fyrir sögugöngunni um Silfurtúnið í samvinnu við Garðabæ.