Frí­stunda­heim­ili

Venjulegur opnunartími er frá lokum skóladags til 16:30. Á þeim dögum þegar kennsla fellur niður er opið frá 8:30. Foreldrar þurfa að skrá barnið sérstaklega þá daga. 

Opið er allan daginn:

• á skipulagsdögum
• á viðtalsdögum
• í vetrarfríi
• í jóla- og páskafríi (alla virka daga nema á aðfangadag og gamlársdag)

Frístundaheimilin eru lokuð einn dag á skólaári, á Menntadegi Garðabæjar. Þú getur séð alla helstu daga í skóladagatalinu.

Við leggjum okkur fram við að öll börn sem vilja fái pláss á frístundaheimilum.

Skráning á frístundaheimili er í gegnum Völu vetrarfrístund. Skráningin gildir í heilt skólaár (ágúst til júní). Best er að skrá barn á vorin fyrir næsta skólaár.

• Frístundaheimilin verða opin sex virka daga fyrir skólasetningu grunnskólans, þ.e. 14.-21. ágúst og er það eingöngu fyrir þau börn (fædd 2020) sem eru að hefja skólagöngu í grunnskóla.
• Nemendum sem eru fæddir 2019 og eru að hefja nám í 2. bekk verður einnig boðin dvöl í frístund í fimm virka daga fyrir skólasetningu grunnskólans, þ.e. 17.-21. ágúst.
• Daglegur opnunartími verður frá 9:00 – 16:00. Skólasetningardagur grunnskólanna er mánudaginn 24. ágúst, þann dag er frístundaheimilið lokað. Þann 25. ágúst hefst hefðbundið skólahald og frístundaheimili verða opin fyrir nemendur í 1.-4. bekk sem þar eru skráðir.
• Fyrir 6 daga vistun hjá börnum fædd 2020 verður innheimt frístundagjald kr. 16.650.- auk þess sem foreldrar greiða fyrir 250.- á dag fyrir síðdegishressingu. Heildarkostnaður fyrir vikuna er því kr. 18.150.-
• Fyrir 5 daga vistun hjá börnum fædd 2019 verður innheimt frístundagjald kr. 13.870.- auk þess sem foreldrar greiða 250.- á dag fyrir síðdegishressingu. Heildarkostnaður fyrir vikuna er því kr. 15.120.
• Gjaldið er óháð dvalartíma barns og ekki er veittur afsláttur af gjaldi fyrir þessa viku. Við bendum á að þessi skráning gildir fyrir aðeins þessa daga í ágúst. Nemendur koma með morgun- og hádegisnesti en fá síðdegishressingu í frístundinni.
• Reikningur fyrir ágústfrístund berst í heimabanka 1. ágúst. Það foreldri sem sækir um frístundina verður sjálfkrafa greiðandi.
• Skráning hefst þriðjudaginn 5. maí. Það er á ábyrgð foreldra að sjá til þess að börnin séu skráð á frístundaheimili þessa aukaviku. Hér má nálgast leiðbeiningar um skráningu í ágústfrístundina.

• Síðasti dagur til innritunar vegna þessarar aukaviku á frístundaheimili er 1. júní.

Ef færri en 12 börn eru skráð í frístundaheimilið á dögum með lengri viðveru er starfsemin sameinuð öðru frístundaheimili. Starfsfólk frá frístundaheimili nemenda fylgir þeim alltaf á milli staða.

Skráningarleiðbeiningar

1. Skráning er á frístundavef Völu. Mælt er með því að nota vefinn á tölvu.
2. Gættu þess að velja Garðabæ efst í vinstra horninu.
3. Veldu lengd viðveru og þá daga sem þú vilt skrá barnið.
4. Sendið inn skráningu.

Þú færð staðfestingu í tölvupósti þegar skráningin hefur heppnast. Það er á ábyrgð foreldra að passa upp á að skráning sé staðfest.

Breytingar á dvalartíma eru skráðar í Völu. Breyta þarf dvalartíma fyrir 20. hvers mánaðar til að þær taki gildi næsta mánuð á eftir.