Deiliskipulag
Deiliskipulag er áætlun fyrir afmarkað svæði sem myndar heildstæða einingu, svo sem hverfi, hverfishluta, götureit eða húsaþyrpingar. Deiliskipulag byggir á aðalskipulagi og er nánari útfærsla á því.
Hvað felst í deiliskipulagi?
Í deiliskipulagi eru teknar ákvarðanir um:
- Mótun byggðar og umhverfis: Stærðir, staðsetning og notkun húsa.
- Yfirbragð byggðar: Útfærsla og hönnun bygginga og efnisnotkun.
- Umhverfi: Skipulag lóða og almannarýma, svo sem gatna, torga, leiksvæða og almenningsgarða.
Birting deiliskipulags
- Allt skipulag í auglýsingu er birt í Skipulagsgáttinni.
- Öll deiliskipulög ásamt mæli- og hæðarblöðum eru aðgengileg á kortavef Garðabæjar. Velja þarf Skipulag í valmyndinni hægra megin og haka við Deiliskipulag.
Nánari upplýsingar um gerð og ferli deiliskipulags má nálgast á vef Skipulagsstofnunar.
Samþykkt og gildistaka skipulagsáætlana
Ákvarðanir bæjarstjórnar um deiliskipulag eru stjórnvaldsákvarðanir sem eru kæranlegar til úrskurðarnefndar umhverfis- og auðlindamála. Kærufrestur er 1 mánuður frá birtingu auglýsingar um gildistöku í B-deild Stjórnartíðinda.
Byggingarleyfi og framkvæmdir
Öll byggingar- og framkvæmdaleyfi verða að vera í samræmi við gildandi skipulag. Meginreglan er að byggingarleyfi byggi á deiliskipulagi, þótt framkvæmdaleyfi geti í vissum tilvikum byggt beint á aðalskipulagi. Sjá meira um byggingarleyfi.
Umsókn um breytingu á deiliskipulagi
Umsókn um deiliskipulagsbreytingu er send í gegnum Þjónustugátt Garðabæjar.
Starfsfólk umhverfissviðs veitir frekari upplýsingar um skipulagsmál og skipulagsferlið.
Gjaldskrá
Liður | 2012 (kr.) | 2025 (kr.) | Athugasemd |
|---|---|---|---|
Afgreiðslugjald (aðalskipulagsbreytingar) | 9,500 | 16,454 | |
Breyting á aðalskipulagsuppdrætti (1. mgr. 36. gr.) | 130,000 | 225,156 | |
Umsýslu- og auglýsingakostnaður (1. mgr. 36. gr.) | 120,000 | 207,836 | |
Umsýslu- og auglýsingakostnaður (2. mgr. 36. gr.) | 60,000 | 103,918 | |
Umsýslu- og auglýsingakostnaður (2. mgr. 38. gr.) | 120,000 | 207,836 | Nýtt deiliskipulag |
Grenndarkynning – umsýslu- og auglýsingakostnaður (44. gr.) | 30,000 | 51,959 | |
Framkvæmdaleyfi – framkvæmdir skv. 1. og 2. viðauka | 110,000 | 190,516 | Lög um mat á umhverfisáhrifum |
Framkvæmdaleyfi – aðrar framkvæmdir | 65,000 | 112,578 |
Forsendur og skýringar
• Fjárhæðir miðast við byggingarvísitölu í janúar 2012 (112,3) og eru uppfærðar til janúar 2025 (194,5).
• Vinna samkvæmt reikningi byggir á áætlun skipulagstjóra og getur ekki verið hærri en samþykkt áætlun.
Var efnið hjálplegt?
Hvað þarf að laga?
Vinsamlegast tilgreindu hvað mætti fara betur.