Vetrarfrí í grunnskólum Garðabæjar
Dagana 21.-25. febrúar verður vetrarfrí í grunnskólum í Garðabæ. Fyrir þá sem ætla ekki að ferðast í vetrarfríinu er um að gera að njóta dagskrár í heimabænum.
-
Snjómokstur og hálkuvarnir eru í fullum gangi unnið frá nóttu fram eftir degi. Ábendingar um snjómokstur má senda í gegnum ábendingavef Garðabæjar.
Dagana 21.-25. febrúar verður vetrarfrí í grunnskólum í Garðabæ. Fyrir þá sem ætla ekki að ferðast í vetrarfríinu er um að gera að njóta dagskrár í heimabænum.
Fjölbreytt dagskrá fyrir börn í Bókasafni Garðabæjar
Fjölbreytt dagskrá verður í boði í Bókasafni Garðabæjar þessa daga þar sem boðið verður upp á bíó, ratleik og föndur alla dagana. Á vef Bókasafnsins má sjá nánari tímasetningu á bíósýningum og smiðjum.
Sýningar í Hönnunarsafninu
Hönnunarsafn Íslands er til húsa að Garðatorgi 1 og er opið alla daga nema mánudaga frá 12-17. Þar er hægt að skoða fjölbreyttar sýningar safnsins í vetrarfríinu. Hægt er að kíkja á sýninguna Sund eða á vinnustofudvölina STUDIO ALLSBER. Ókeypis aðgangur fyrir yngri en 18 ára.
Ókeypis í sund fyrir yngri en 17 ára
Það er ókeypis aðgangur í sundlaugar Garðabæjar fyrir yngri en 17 ára. Hér má sjá afgreiðslutíma í Ásgarðslaug og Álftaneslaug.
Frístundabíllinn keyrir í vetrarfríinu
Frístundabíll Garðabæjar keyrir samkvæmt áætlun í næstu viku, 21.-25. febrúar í vetrarfríi grunnskóla í Garðabæ. Nánari upplýsingar um leiðarkerfi má finna hér.
Gönguleiðir í Garðabæ
Fjölmargar fallegar gönguleiðir eru í Garðabæ sem hægt er að njóta í vetrarfríinu. Í Wappinu er hægt að finna upplýsingar um þær.