3. fundur

Verðum að taka aftur fyrir þar sem málinu var vísað til tækni og umhverfissviðs á síðasta fundi þar sem athugasemd barst.

Lögð fram tillaga að afmörkun lóðar fyrir spennustöð við Bakkaveg á lóð Bjarnastaða að lokinni grenndarkynningu.

Athugasemd barst frá nágrönnum um nýja legu spennistöðvar.

Fallið er frá nýrri staðsetningu spennistöðvarinnar.

Lögð fram tillaga að afmörkun lóðar fyrir nýrri spennistöð á sama stað og hún hefur staðið um árabil. Stærð lóðar er 5 x 7,5 m og byggingarreitur er hálfan meter frá lóðarmörkum.Vestri skammhlið lóðar liggur að gangstétt við Bakkaveg.

Skipulagsstjóri samþykkir afmörkun lóðarinnar og fellir niður grenndarkynningu í samræmi við 2.ml. 3.mgr.44.gr.Skipulagslaga nr.123/2010.

Með vísan í samþykkt Garðabæjar um veggi og girðingar gerir skipulagsstjóri fyrir hönd Garðabæjar ekki athugasemd við hæðir veggja á lóðarmörkum að götu og opnu svæði sunnan lóðar eins og þeir eru teiknaðir í meðfylgjandi skissu.

Lögð fram fyrirspurn húseiganda um útfærslu húss á lóð.

Svar: Stækkun húss samkvæmt fyrirspurn er öll innan byggingarreits og þar sem byggingarreitur er 1 m frá lóðarmörkum eiga ákvæði um lengd brunagafls á lóðarmörkum ekki við. Hámarks nýtingarhlutfall er 0,35 og viðbygging er innan þeirra marka sem og hæðarmarka sem er 4,2 m.

Lagðir fram aðaluppdrættir fjölbýlishússins að Hraungötu 7. Mænishæðir þriggja húshluta sem snúa þvert á götu fara lítillega upp fyrir leyfilega hámarkshæð eða sem nemur 20-30 cm. Megin hluti þaks er undir hámarkshæð.

Burðarvirki í svalagangi er utan byggingarreits og hefur það að markmiði að styrkja burðarvirki hússins.

Eitt bílastæði af 14 er ætlað fyrir minni farartæki.

Skipulagsstjóri gerir ekki athugasemd við að við veitingu byggingarleyfis verið vikið frá kröfum 2.mgr. 43.gr. Skipulagslaga nr.123/2010 sbr. 3.mgr.sömu greinar hvað ofangreind atriði varðar.

Um ákvörðun skipulagsstjóra vísast til viðauka II við samþykkt um stjórn Garðabæjar nr.20/2017

Lögð fram fyrirspurn lóðarhafa um útfærslu á steyptu bílastæði lóðarinnar Hraungata 36 sem gerir ráð fyrir móttaka á ofanvatni innan lóðar. Svar: Með vísan í afgreiðslu skipulagsnefndar og bæjarstjórnar vegna Kinnargötu 26 gerir skipulagsstjóri ekki athugasemd við að við veitingu byggingarleyfis verið vikið frá kröfum 2.mgr. 43.gr. Skipulagslaga nr.123/2010 sbr. 3.mgr.sömu greinar hvað ofangreinda útfærslu á bílastæði varðar þar sem að móttaki ofanvatns er innan lóðar. Um ákvörðun skipulagsstjóra vísast til viðauka II við samþykkt um stjórn Garðabæjar nr.20/2017.

Lögð fram fyrirspurn lóðarhafa um útfærslu á steyptu bílastæði lóðarinnar Hraungata 38 sem gerir ráð fyrir móttaka á ofanvatni innan lóðar. Svar: Með vísan í afgreiðslu skipulagsnefndar og bæjarstjórnar vegna Kinnargötu 26 gerir skipulagsstjóri ekki athugasemd við að við veitingu byggingarleyfis verið vikið frá kröfum 2.mgr. 43.gr. Skipulagslaga nr.123/2010 sbr. 3.mgr.sömu greinar hvað ofangreinda útfærslu á bílastæði varðar þar sem að móttaki ofanvatns er innan lóðar. Um ákvörðun skipulagsstjóra vísast til viðauka II við samþykkt um stjórn Garðabæjar nr.20/2017.

Lögð fram tillaga að breytingu deiliskipulags Hraunsholts vestra (Ásahverfis) sem gerir ráð fyrir stækkun byggingarreits í norðvesturhorni lóðar fyrir garðhýsi sem verður 15 m2 að flatarmáli. Hluti garðhýsis er innan núverandi byggingarreits.

Lagðar fram teikningar sem eru áritaðar af öllum þeim aðilum sem grenndarkynning náði til þar sem þeir lýsa yfir því að þeir gera ekki athugasemd við tillöguna.

Með vísan í 3.mgr.44.gr.Skipulagslaga nr.123/2010 skoðast tillagan því samþykkt sem óveruleg breyting deiliskipulags Hraunsholts vestra (Ásahverfis)

Um ákvörðun skipulagsstjóra vísast til viðauka II við samþykkt um stjórn Garðabæjar nr.20/2017.