15. fundur

Lögð fram fyrirspurn um breytingu á hæðarkóta á lóðarmörkum Kumlamýrar 13 sem liggur að landi Garðabæjar. Land Garðabæjar liggur hærra en hæðarblöð gera ráð fyrir. Skipulagsstjóri gerir ekki athugasemd við útfærslu lóðar eins og lóðaruppdráttur sýnir, hvað hæð varðar.

Lögð fram fyrirspurn um breytingu á hæðarkóta á lóðarmörkum Kumlamýrar 15 sem liggur að landi Garðabæjar. Land Garðabæjar liggur hærra en hæðarblöð gera ráð fyrir. Skipulagsstjóri gerir ekki athugasemd við útfærslu lóðar eins og lóðaruppdráttur sýnir, hvað hæð varðar.

Lögð fram fyrirspurn um breytingu á parhúsalóðinni Kumlamýri 21-23 ásamt umsögn deiliskipulagshöfundar. Í breytingu felst að byggingarreitum parhússins er speglað.

Skipulagsstjóri metur tillöguna sem óverulega breytingu á deiliskipulagi Kumlamýrar í samræmi við 2. mgr. 43. gr. skipulagslaga nr. 123/2010 og vísar henni til grenndarkynningar. Grenndarkynna skal eigendum parhúsalóðanna Kumlamýrar 17-19 og 25-27.

Lagðir fram uppfærðir aðaluppdrættir sem fylgja umsókn um byggingarleyfi vegna breytinga á lóðarhönnun. Skipulagsstjóri getur ekki fallist á framlagðar breytingar þar sem þær hafa áhrif á aðliggjandi lóð sem hefur ekki enn verið ráðstafað.

Lagðir fram uppdrættir sem fylgja umsókn um byggingarleyfi um tæknirými við æfingavöll við Ásgarðssvöll sem hýsa á búnað vegna æfingarvallar. Hæð mannvirkis verður 156 cm frá yfirborði að austanverðu auk 112 cm gagnsærrar fallvarnar. Skipulagsstjóri gerir ekki athugasemd við veitingu byggingarleyfis þar sem að um búnað er að ræða sem er eðlilegur þáttur í uppbyggingu æfingarvallar sem á sér stoð í deiliskipulagi.

Lagðir fram uppdrættir sem fylgja umsókn um byggingarleyfi vegna viðbyggingar við Iðnbúð 3 sem fellst í því að byggt er ofan á einnar hæðar hluta hússins. Skipulagsstjóri vísar umsókn til skoðunar hjá skipulagshöfundi.

Lögð fram umsókn um framkvæmdarleyfi vegna gatnagerðar á Vífilsstaðavegi, frá hringtorgi við Spítalaveg að Elliðavatnsvegi. Verkið felur í sér jarðvegsskipti, gerð tveggja hringtorga við Vetrarbraut, malbikun gatna og stíga, hellulögn og lagningu veitna og lýsingar. Skipulagsstjóri samþykkir veitingu framkvæmdarleyfis sem er í samræmi við framlögð gögn í samræmi við 13. gr. skipulagslaga nr. 123/2010. Um ákvörðun skipulagsstjóra vísast til viðauka II við samþykkt um stjórn Garðabæjar nr. 1182/2022.

Lögð fram fyrirspurn um smáhýsi við Melás 11. Skipulagsstjóri gerir ekki athugasemd við staðsetningu og stærð smáhýsis sem er í samræmi við framlagða uppdrætti.

Lögð fram fyrirspurn um smáhýsi á lóð við Vesturtún 49a sem nær út fyrir lóð og inn á opið svæði í eigu Garðavæjar. Skipulagsstjóri getur ekki fallist á 15 m² smáhýsi, þar sem nú þegar er smáhýsi á lóð Vesturtúns 49a og eru þá samanlagðir m² orðnir meira en 15 m² líkt og byggingarreglugerð kveður á um.

Lagðir fram uppfærðir aðaluppdrættir af lóðarhönnun við Lambamýri 1-3. Skipulagsstjóri vísar uppdráttum til umsagnar hjá deiliskipulagshöfundi þar sem um miklar breytingar er að ræða frá gildandi uppdráttum.

Lagðir fram uppfærðir aðaluppdrættir fyrir Víkurgötu 27 þar sem til að mynda lóðarhönnun hefur verið breytt og svalir stækkaðar. Skipulagsstjóri gerir ekki athugasemd hvað lóðarhönnun varðar. Hvað svalir varðar þá segir í greinargerð deiliskipulags vesturhluta Urriðaholts að "einstakir byggingarhlutar, svo sem þakskegg, skyggni, gluggafrágangur, svalir og sólpallar mega skaga út fyrir byggingarreit, þar sem aðstæður á lóð leyfa, að mati byggingarfulltrúa, m.t.t. stærðar lóðar, fjarlægðar á milli húsa og þess háttar". Skipulagsstjóri metur það svo að í þessu tilviki er nálægð við nágrannalóð óveruleg og gerir því ekki athugasemd við framlagða uppdrætti.

Lagðir fram uppdrættir sem fylgja umsókn um byggingarleyfi að undangenginni deiliskipulagsbreytingu.

Skipulagsstjóri gerir ekki athugasemd við veitingu byggingarleyfis sem er í samræmi við framlögð gögn.