1. fundur

Lagðir fram aðaluppdrættir byggingarleyfisumsóknar fyrir Hestamýri 2.

Aðaluppdrættir hafa verið sendir til yfirferðar hjá deiliskipulagshöfundi og liggur umsögn fyrir.

Grunnflötur hjólageymslusmáhýsa er meiri en ákvæði deiliskipulags segja til um varðandi smáhýsi. Ekki er gerð athugasemd við það með vísan í önnur veitt byggingarlefyi í Breiðumýri. Skipulagsstjóri mælir með því að ekki verði gert ráð fyrir minni hjólreiðageymslu sem fer út fyrir byggingarreit en í staðinn verði sett inn tákn í grunnmynd kjallara inni í sérnotageymslum inn af bílageymslum að hægt sé að koma fyrir reiðhjóli.

Ekki er gerð athugasemd við að veggir rampar séu utan byggingarreits enda gert ráð fyrir gönguleið þvert fyrir ramp.

Bent er á að þó svo að aðaluppdráttur geri ekki ráð fyrir skjólveggjum þá þarf að skila inn uppdráttum arkitekts ef ráðist verður í að reisa skjólveggi síðar.

Skipulagsstjóri gerir ekki athugasemd við að við veitingu byggingarleyfis verið vikið frá kröfum 2.mgr. 43.gr. Skipulagslaga nr.123/2010 sbr. 3.mgr.sömu greinar hvað ofan greind atriði varðar.

Um ákvörðun skipulagsstjóra vísast til viðauka II við samþykkt um stjórn Garðabæjar nr.1182/2022.

Lögð fram tillaga að nýrri spennustöð á lóð við Bakkaveg 2, á sama stað og eldri stöðin stendur. Staðsetning er í samræmi við afgreiðslufund skipualgsstjóra 27.4.2022.

Stærð lóðar er 5 x 7,5 m og byggingarreitur er hálfan metra frá lóðarmörkum.

Skipulagsstjóri gerir ekki athugasemd við veitingu byggingarleyfis.

Lögð fram byggingarleyfisumsókn um nýja útfærslu á skilti á undirstöðum sem eru til staðar. Um skilti með LED-lýsingu að ræða en ekki er um hreyfimynd að ræða. Fram kemur á uppdrætti að um verð-skilti sé að ræða og því auglýsing fyrir starfsemi á lóðinni sbr. ákvæði deiliskipulags þar um.

Skipulagsstjóri gerir ekki athugasemdir við framlagða umsókn.

Lögð fram umsókn um byggingarleyfi vegna óupphitaðs skýlis, sem nýtt verður sem vörumóttaka.

Nútingarhlutfall innan lóðar verður 0,47 en samkvæmt deiliskipulagi Hörgatúns 2 er hámarks nýtingarhlutfall 0,46.

Við veitingu byggingarleyfis gerir skipulagsstjóri ekki athugasemd við að vikið verði frá 2.mgr. 43.gr. skipulagslaga nr. 123/2010 sbr. 3. mgr. sömu greinar hvað nýtingarhlutfall varðar.

Um ákvörðun skipulagsstjóra vísast til viðauka II við samþykkt um stjórn Garðabæjar nr. 1182/2022.

Lagðir fram aðaluppdrættir sem fylgja byggingarleyfisumsókn vegna ýmissa breytinga sem áformað er að framkvæmda. Flestar breytingar varða ekki ákvæði deiliskipulags Arnarness.

Skipulagsstjóri gerir ekki athugasemd við uppdrætti að öðru leyti en því að hæð skjólveggja er 2 metrar en samkvæmt deiliskipulagi skulu þeir ekki vera hærri en 1,8 m.

Samþykki eigenda aðliggjandi lóðar þarf að liggja fyrir vegna skjólveggja sem eru nær lóðarmörkum en 1,8 m og eru hærri en sem nemur hæð þeirra frá lóðarmörkum.

Lögð fram umsókn um byggingarleyfi ásamt aðaluppdráttum. Umsögn deiliskipuagshöfundar lögð fram.

Heildar byggingarmagn er um 53 m2 umfram heimild deiliskipulags. Gert er ráð fyrir að óuppfylltum gluggalausum tæknirýmum í kjallara sem eru ríflega 100 m2 að flatarmáli.

Samþykki hefur áður verið veitt fyrir útfærslu á þaki og innkeyrslu.

Skipulagsstjóri ekki athugasemd við að við veitingu byggingarleyfis verið vikið frá kröfum 2.mgr. 43.gr. skipulagslaga nr.123/2010 sbr. 3.mgr.sömu greinar hvað byggingarmagn varðar.

Um ákvörðun skipulagsstjóra vísast til viðauka II við samþykkt um stjórn Garðabæjar nr.1182/2022.

Lögð fram umsókn um byggingarleyfi ásamt aðaluppdráttum. Ýmsar breytingar hafa verið gerðar á uppdráttum í kjölfar athugasemda deiliskipulagshöfunar. Meðfylgjandi er erindi frá hönnuði þar sem sjónarmið hans og húsbyggjanda eru skýrð.

Skipulagsstjóri gerir ekki athugasemd við framlagða uppdrætti.