8. fundur

Lagt fram samþykki allra umráðenda Grænagarðs um að óskað verði eftir skipulagsferli með það að markmiði að lóð íbúðarhússins verði skilgreind sem íbúðarbyggð í aðalskipulagi og sem einbýlishúslóð í deiliskipulagi. Málinu vísað til mótunar tillagna að skipulagsbreytingum í Garðahverfi sem eru í undirbúningi.

Lögð fram tillaga að breytingu deiliskipulags Silfurtúns sem gerir ráð fyrir stækkun byggingarreits fyrir bílageymslu sem liggur að lóðarmörkum að Goðatúni 14 og Hörgatúni 7. Skipulagsstjóri metur breytinguna sem óverulega breytingu deiliskipulags Silfurtúns í samræmi við 2.mgr.43.gr.Skipulagslaga nr.123/2010 og vísar til grenndarkynningar. Grenndarkynna skal eigendum Goðatúns 10, 11 og 14 og Hörgatún 5 og 7.

Um ákvörðun skipulagsstjóra vísast til viðauka II við samþykkt um stjórn Garðabæjar nr.20/2017.

Lögð fram tillaga að breytingu deiliskipulags Akra sem gerir ráð fyrir lóð fyrir smádreifistöð á horni Maltakurs og Skólabrautar.

Skipulagsstjóri metur tillöguna sem óverulega deiliskipulagsbreytingu í samræmi við 2.mgr.43.greinar Skipulagslaga nr.123/2010 og vísar henni til grenndarkynningar. Grenndarkynna skal eigendum að Maltakri 1 og Fjölbrautarskóla Garðabæjar.