Grænigarður - nýtt deiliskipulag - Fyrirspurn til skipulags og byggingarfulltrúa

Lagt fram samþykki allra umráðenda Grænagarðs um að óskað verði eftir skipulagsferli með það að markmiði að lóð íbúðarhússins verði skilgreind sem íbúðarbyggð í aðalskipulagi og sem einbýlishúslóð í deiliskipulagi. Málinu vísað til mótunar tillagna að skipulagsbreytingum í Garðahverfi sem eru í undirbúningi.

Lögð fram fyrirspurn til skipulagsnefndar um tillögu að breytingu deiliskipulags Garðahverfis sem gerir ráð fyrir íbúðarhúslóð umhverfis húsið Grænagarð sem stendur á svæði sem skilgreint er sem opið svæði í Aðalskipulagi Garðabæjar og sem skógræktarsvæði í deiliskipulagi Garðahverfis. Skipulagsnefnd er jákvæð gagnvart tillögunni en telur að setja þurfi fyrirvara um aðkomu að lóðinni sem geti breyst þegar að Garðaholt verður deiliskipulagt. Tillagan kallar á aðalskipulagsbreytingu. Vísað til skoðunar hjá tækni-og umhverfissviði.