7. fundur

Lögð fram tillaga að breytingu deiliskipulags Hraunsholts vestra (Ásahverfis) að lokinni forkynningu. Tillagan gerir ráð fyrir að lóð fyrir hverfismiðstöð við enda Bergáss breytist í lóð fyrir búsetukjarna fyrir fatlaða einstaklinga.

Tillagan var kynnt á íbúafundi þann 23. júní sl.

Lagðar fram ábendingar sem borist hafa. Þar koma fram mótmæli við tillögunni þar sem fram kemur skýr vilji íbúa til þess að svæðið verði óbyggt í framtíðinni. M.a. er vísað til þess að þetta sé vinsælt leiksvæði barna í hverfinu.

Í ljósi viðbragða sem koma fram í ábendingum og á íbúafundi leggur skipulagsnefnd til að lóð verði felld út á þessum stað og svæðið skilgreint sem opið svæði. Vísað til tækni- og umhverfissviðs til nánari skoðunar.

Baldur Ó. Svavarsson bókaði eftirfarandi: Undiritaður benti þegar í upphafskynningu þess máls, á fundi skipulagsnefndar í vetur, hversu óheppileg þessi staðsetning búsetukjarna við Bergás og Brekkuás er. Að vísu koma þær athugsemdir ekki fram í fundagerðum enda þær ekki ítarlegar, nema að viðkomandi athugasemd sé bókuð. Því er það að að fulltrúi lýðræðisflokkanna í skipulagsnefnd bókar eftirfarandi:



Það er jákvætt að bæjaryfirvöld hyggi á gerð fleiri búsetukjarna í bæjarfélaginu, enda löngu tímabært. Það verður hins vegar að teljast óheppilegt að meirihlutinn skuli ekki hafa mótað skýra stefnu hvað þessa uppbyggingu áhrærir, né betri valkosti hvað staðsetningu varðar.



Við uppbyggingu og staðsetningu búsetukjarna eiga þarfir og réttindi notenda að vera í forgangi, svo sem m.a. tækifæri til að velja sér búsetustað til jafns við aðra. Skýrt er kveðið á um þessi réttindi í alþjóðlegum samningum og í stefnuskrá Landsamtaka þorskahjálpar, enda augljóst.



Verði af þessari fyrirætlan þá verða þrír kjarnar saman á svæði sem er hefur um 500 m radíus. Það eru um 850 m milli búsetukjarna Unnargrundar og ætlaðrar lóðar við Bergás og einungis um 250 m milli ætlaðra lóða við Bergáss og Brekkuáss. Hinir völdu kostir eru þröngir og skerða auk þess rétt þeirra sem þegar búa við þessar götur, sérstaklega á þetta við Bergás.

Benda má á marga aðra kosti um góða staðsetningu svo sem í Urriðaholti sem enn er í uppbyggingu og fjölmargir möguleikar auk þess sem kjarni af þessu tagi fellur vel að þeirra markmiðum og fjölþætt samfélag þar að sögn. Þá er gríðarlega stórt ósnert svæði efst á Arnarnesi þar sem áður var fyrirhugað að byggja. En þá erum við reyndar komin í mjög „viðkvæmann“ bæjarhluta hvað uppbygginu og breytingar varðar, sé horft til fyrri ákvarðana meirihlutans í gengum tíðina.

Hugsum lengra og skipuleggjum betur. Fulltrúi G-lista Garðbæjarlistans í skipulagsnefnd.

Lögð fram tillaga að breytingu deiliskipulags Hraunsholts vestra (Ásahverfis) að lokinni forkynningu. Tillagan gerir ráð fyrir að lóð fyrir leikskóla breytist í lóð fyrir búsetukjarna fyrir fatlaða einstaklinga. Tillagan var kynnt á íbúafundi þann 23.júní sl.

Lagðar fram ábendingar sem borist hafa. Þar koma fram mótmæli við tillögunni. Tillögu vísað til frekari skoðunar hjá tækni-og umhverfissviði og fjölskyldusviði.

Baldur Ó. Svavarsson bókaði eftirfarandi: Undiritaður benti þegar í upphafskynningu þess máls, á fundi skipulagsnefndar í vetur, hversu óheppileg þessi staðsetning búsetukjarna við Bergás og Brekkuás er. Að vísu koma þær athugsemdir ekki fram í fundagerðum enda þær ekki ítarlegar, nema að viðkomandi athugasemd sé bókuð. Því er það að að fulltrúi lýðræðisflokkanna í skipulagsnefnd bókar eftirfarandi:



Það er jákvætt að bæjaryfirvöld hyggi á gerð fleiri búsetukjarna í bæjarfélaginu, enda löngu tímabært. Það verður hins vegar að teljast óheppilegt að meirihlutinn skuli ekki hafa mótað skýra stefnu hvað þessa uppbyggingu áhrærir, né betri valkosti hvað staðsetningu varðar.



Við uppbyggingu og staðsetningu búsetukjarna eiga þarfir og réttindi notenda að vera í forgangi, svo sem m.a. tækifæri til að velja sér búsetustað til jafns við aðra. Skýrt er kveðið á um þessi réttindi í alþjóðlegum samningum og í stefnuskrá Landsamtaka þorskahjálpar, enda augljóst.



Verði af þessari fyrirætlan þá verða þrír kjarnar saman á svæði sem er hefur um 500 m radíus. Það eru um 850 m milli búsetukjarna Unnargrundar og ætlaðrar lóðar við Bergás og einungis um 250 m milli ætlaðra lóða við Bergáss og Brekkuáss. Hinir völdu kostir eru þröngir og skerða auk þess rétt þeirra sem þegar búa við þessar götur, sérstaklega á þetta við Bergás.

Benda má á marga aðra kosti um góða staðsetningu svo sem í Urriðaholti sem enn er í uppbyggingu og fjölmargir möguleikar auk þess sem kjarni af þessu tagi fellur vel að þeirra markmiðum og fjölþætt samfélag þar að sögn. Þá er gríðarlega stórt ósnert svæði efst á Arnarnesi þar sem áður var fyrirhugað að byggja. En þá erum við reyndar komin í mjög „viðkvæmann“ bæjarhluta hvað uppbygginu og breytingar varðar, sé horft til fyrri ákvarðana meirihlutans í gengum tíðina.

Hugsum lengra og skipuleggjum betur. Fulltrúi G-lista Garðbæjarlistans í skipulagsnefnd.

Lögð fram tillaga að breytingu deiliskipulags Garðahverfis sem gerir ráð fyrir lóð og byggingarreit fyrir nausti sem er ætlað að hýsa aðstöðu fyrir Kajakklúbbinn Sviða. Lögð fram athugasemd sem borist hefur ásamt umsögn Umhverfisstofnunar en lóðin er staðsett við mörk friðlýsts svæðis.

Í umsögn kemur fram að meta þurfi umfang starfseminnar sem breytingin leiðir af sér.

Í athugasemd er lýst efasemdum um að breytingin sé í anda deiliskipulagsins og að umferð fari fram hjá Hausastöðum og lokað verði fyrir hringakstur.

Skipulagsnefnd bendir á að kajakklúbburinn starfi nú þegar og hafi aðstöðu við mörk fólkvangsins í Hliði. Sú staðsetning leggst af með nýrri staðsetningu. Hér er eingöngu um kajakróður að ræða en ekki vélknúin farartæki sem eru óheimil samkvæmt friðlýsingarskilmálum. Það er mat nefndarinnar að áhrif af starfsemi kajakklúbbsins séu óveruleg.

Varðandi naustið þá er það sýn nefndarinnar að naust ásamt uppsátri sé algerlega í anda byggðar í Garðaholti og deiliskipulagsins og styrki það yfirbragð sem deiliskipulagið leggi áherslu á. Þannig er umrætt naust minna að flatarmáli og hæð en sá hjallur sem fyrir er í nágrenninu. Ekki er fyrirhugað samkvæmt tillögunni að loka fyrir hringakstur á svæðinu og gert verður ráð fyrir að aðal aðkoman verði frá Hliðsnesvegi.

Skipulagasnefnd samþykkir deiliskipulagsbreytinguna óbreytta.

Lögð fram fyrirspurn að lokinni skoðun hjá tækni-og umhverfissviði.

Skipulagsnefnd mælir ekki með því að byggingarreitur verði rofinn að götu.

Tillögu vísað til frekari skoðunar hjá tækni-og umhverfissviði.

Lögð fram tillaga að lokinni grenndarkynningu ásamt athugasemdum sem borist hafa. Tillaga að útfærslu leiksvæðis fylgdi breytingartillögunni.

Tillögu vísað til frekari skoðunar hjá tækni- og umhverfissviði, skipulagsnefnd leggur til að ærslabelgur verði tekinn út.

Lögð fram ný tillaga að útfærslu breytinga.

Skipulagsnefnd vísar tillögunni til grenndarkynningar sem byggingarleyfisumsókn á svæði án deiliskipulags. Grenndarkynna skal eigendum Dalsbyggðar 17, 19 og 23, Hæðarbyggðar 10 og 12; Hlíðarbyggðar 40,42 og 44.

Lögð fram tillaga að óverulegri breytingu deiliskipulags Túna að lokinni grenndarkynningu ásamt athugasemdum sem borist hafa.

Skipulagsnefnd leggur til að tækni- og umhverfissvið láti vinna hæðarblað þar sem hæðarkóti bílageymslu verður skilgreindur ásamt skuggavarpi.

Tillaga lögð fram að lokinni grenndarkynningu. Engar athugassemdir. Tillagan skoðast samþykkt.

Lagt fram erindi frá Styrktar- og líknarsjóði Oddfellowa þar sem óskað er eftir heimild landeigenda til þess að vinna sjálfur að gerð deiliskipulags fyrir fyrirhugaðan fólkvang og fyrir endurskoðun gildandi deiliskipulags golfvallarins í Urriðakotsdölum. Skipulagsnefnd er jákvæð gagnvart erindinu en bendir á að samkvæmt 2. mgr. 38. gr. skipulagslaga nr. 123/2010 þá skal landeigandi leggja fram lýsingu á skipulagsverkefninu í bæjarstjórn á sama tíma og beiðni um heimild til að vinna tillögu að deiliskipulagi. Nefndin leggur því til að landeigandi leggi lokahönd á skipulagslýsingu í samráði við tækni- og umhverfissvið sem lögð verður fram í bæjarstjórn um leið og beiðni landeiganda.

Lögð fram tillaga að breytingu deiliskipulags Glaðheima í Kópavogi. Tillagan er í auglýsingu og frestur til að skila inn athugasemdum er til 19. ágúst.

Breytingin mun hafa áhrif á umferðarflæði aðliggjandi byggðar, m.a. í fyrirhugaðri og núverandi byggð í Hnoðraholti og vegtengingum við þá byggð frá Arnarnesvegi og Reykjanesbraut. Skipulagsnefnd felur tækni- og umhverfissviði að greina áhrif breytingarinnar á byggð í Garðabæ og leggja fram tillögur að athugasemd við tillöguna innan tilskilins athugasemdafrests.

Lögð fram tillaga að breyting á Aðalskipulagi Kópavogs 2012-2024, Fannborgarreitur, þróunarsvæði fyrir íbúðarbyggð (reitur B1-1) og Traðarreitur-vestur, þróunarsvæði fyrir íbúðarbyggð (reitur B4) sem er nú til kynningar sbr. 2. mgr. 30. gr. skipulagslaga nr. 123/2010. Vinnslutillaga að breyttu aðalskipulagi er kynnt samtímis og vinnslutillaga II að deiliskipulagi svæðisins. Skipulagsnefnd gerir ekki athugasemd en leggur áherslu á að meta áhrif framkvæmda á stofnvegakerfið.

Lögð fram tillaga að breyting á Aðalskipulagi Kópavogs 2012-2024, Traðarreitur-eystri, þróunarsvæði fyrir íbúðarbyggð (reitur B29) er nú til kynningar sbr. 31. gr. skipulagslaga nr. 123/2010. Tillaga að breyttu aðalskipulagi er kynnt samtímis og tillaga að deiliskipulagi svæðisins. Skipulagsnefnd gerir ekki athugasemd en leggur áherslu á að meta áhrif framkvæmda á stofnvegakerfið.

Lagt fram.