41. fundur

Bæjarstjóri gerði grein fyrir viðræðum við fulltrúa eftirfarandi aðili sem skipulagsnefnd hefur mælt með að boðið verði til samningsviðræðna um verkefnið. Teiknistofa arkitekta - Gylfi Guðjónssson og félagar/Landmótun/Efla. Kanon arkitektar/VSÓ ráðgjöf. Bæjarráð vísar málinu til afgreiðslu bæjarstjórnar

Bæjarverkfræðingur gerði grein fyrir viðræðum við bréfritara og mælingum sem gerðar hafa verið á hæðarsetningu lóða við lóðarmörk. Bæjarráð felur bæjarstjóra á þessu stigi að ræða bréfritara og lóðarhafa aðliggjandi lóða. Bæjarráð áréttar fyrri samþykkt um að ljúki lóðarhafi Brekkuáss 13 ekki framkvæmdum við lóð mun Garðabær beita heimild samkvæmt ákvæði í lóðarleigusamningi og byggingarreglugerð um að framkvæma verkið á hans kostnað.

Bæjarráð vísar bréfinu til nánari skoðunar við afgreiðslu fjárhagsáætlunar fyrir árið 2014.

Bæjarráð samþykkir að leggja til við bæjarstjórn að samþykkja samstarfssamning um rekstur Skíðasvæða höfuðborgarsvæðisins.

Bæjarráð samþykkir að vísa bréfinu til fjölskyldusviðs og fræðslu- og menningarsviðs og felur sviðsstjórum afgreiðslu þess með hliðsjón af atburðum hverju sinni.

Bæjarráð vísar bréfinu til nánari skoðunar við afgreiðslu fjárhagsáætlunar fyrir árið 2014.

Bæjarráð samþykkir afgreiðslur byggingarfulltrúa á umsóknum um byggingarleyfi fyrir tímabilið 04.10. ? 11.10.2013 og verða byggingarleyfi útgefin samkvæmt 2. gr. samþykktar um afgreiðslur byggingarnefndar Garðabæjar nr. 863/2011, sbr. 13. gr. mannvirkjalaga nr. 160/2010. Um er að ræða byggingarleyfi vegna framkvæmda við Holtsveg 27 og Miðhraun 2.

Bæjarráð gerir ekki athugasemdir við að umbeðið leyfi verði veitt.

Bæjarstjóri gerði grein fyrir fundi með öllum aðilum er komu að stjórnun sumarstarfa hjá bænum sem haldinn var í síðustu viku. Á fundinum var farið yfir helstu áherslur í starfsemi sumarins og hvað gekk vel og hvað gekk illa. Niðurstöður fundarins verða nýttar við undirbúning sumarstarfa fyrir sumarið 2014. Skýrslan lögð fram og rædd.

Bæjarverkfræðingur gerði grein fyrir staðsetningu geymsluskúrs sem er undir 10 m2 á lóðinni við Holtsbúð 85. Fram kom að viðkomandi skúr er við lóðarmörk en ekki í þriggja metra fjarlægð frá lóðarmörkum eins og reglur áskilja. Bæjarráð vísar til bæjarverkfræðing að kanna staðsetningu geymsluskúrs og tryggja að staðsetning hans verði í samræmi við heimildir og útgefið leyfi. Hvað varðar starfsemi á gæslu barna í heimahúsi er það skoðun bæjarráðs að slík starfsemi geti fallið undir heimildir í skipulagslögum enda verður að telja að slík starfsemi valdi almennt ekki óþægindum eða ónæði. Þá vísar bæjarráð einnig í þessu sambandi til ákvæða í VIII. kafla í lögum um félagsþjónustu sveitarfélaga og reglugerðar sem sett hefur verið á grundvelli þeirra um daggæslu í heimahúsum. Bæjarráð felur bæjarstjóra að svara bréfinu.

Lagt fram yfirlit yfir álagningu útsvars og fasteignaagjalda ásamt yfirliti yfir helstu gjaldkrár.

Bæjarráð samþykkir að heimila bæjarstjóra að samþykkja kauptilboð að fjárhæð kr. 14.000.000 í húsnæði í eigu bæjarins við Garðatorg.