20. (2073). fundur

Bæjarráð samþykkir afgreiðslu byggingarfulltrúa að veita Hafsteini ehf., kt. 411069-0289, leyfi til að stækka B-rými í fjölbýlishúsi í byggingu að Lautargötu 6.

Bæjarráð samþykkir afgreiðslu byggingarfulltrúa að veita Lárusi Þorvaldssyni, kt. 160583-5179, leyfi til að rífa sólskála og byggja við núverandi einbýlishús að Markaflöt 18.

Bæjarráð samþykkir afgreiðslu byggingarfulltrúa að veita umhverfissviði Garðabæjar leyfi til að byggja 2. áfanga húsnæðis Urriðaholtsskóla við Vinastræti 1-3.

Sviðsstjóri umhverfissviðs gerði grein fyrir niðurstöðum verðkönnunar vegna kaupa á stakstæðri loftræstisamstæðu fyrir Hofsstaðaskóla sem komið verður fyrir í kennslustofum í austur- og vesturálmu skólans.

Bæjarráð samþykkir að gengið verði til samninga við Ventum ehf., kt. 441220-1380 um kaup á allt að 9 stakstæðum loftræstisamstæðum sem uppfylla hönnunarkröfur m.a. hvað varðar hljóðkröfur og kröfur um varmaendurvinnslu.

Í umsókninni sækja Breiðabólstaðir ehf., kt. 710822-2390, um leyfi til að starfrækja gististað fyrir 19 gesti að Breiðabólstöðum á Álftanesi.

Bæjarráð frestar afgreiðslu málsins.

Í tilkynningunni er kynnt til samráðs drög að reglugerð um málsmeðferð við setningu skipulagsreglna fyrir flugvelli.

Bæjarráð samþykkir að verða við erindi Jakobs Lars Kristmannssonar, kt. 310304-2630 um greiðslu sumarlauna 2023 vegna undirbúnings fyrir þátttöku á ólympíuleikjunum í eðlisfræði.

Lögð fram tilkynning um niðurstöðu atkvæðagreiðslu félagsmanna í Starfsmannafélagi Garðabæjar um verkföll. Í tilkynningunni kemur fram að samþykkt hefur verið verkfallsboðun á leikskólum, á bæjarskrifstofum, íþróttamannvirkjum og sundlaugum.

Hjá félagsfólki sem starfar í leikskólum Garðabæjar og á bæjarskrifstofum Garðabæjar frá og með mánudeginum 5. júní 2023 til miðvikudagsins 5. júlí 2023.

Hjá félagsfólki sem starfar í íþróttamannvirkjum og sundlaugum í Ásgarði og við Breiðumýri á Álftanesi er boðað ótímabundið verkfall frá og með mánudeginum 5. júní 2023.

Farið var yfir störf sem eru undanþegin verkfalli og rætt um mögulegar undanþágubeiðnir vegna starfa sem nauðsynleg eru til að tryggja almannaöryggi og aðbúnað eldri borgara, barna og ungmenna og fatlaðs fólks.

Tímabundin vinnustöðvun félagsmanna í Starfsmannafélagi Garðabæjar sem starfa í leikskólum heldur áfram í þessari viku. Almennt hefur gengið vel að aðlaga starfsemina við þessar aðstæður þó að veruleg þjónustuskerðing hafi verið, tveir leikskólar lokaðir og takmörkuð starfsemi á öðrum leikskólum.

Bæjarstjóri skýrði frá því að Samband íslenskra sveitarfélaga hafi haldið reglulega upplýsingafundi með framkvæmdastjórum sveitarfélaganna um stöðu mála.