39. (2334). fundur

Á fund bæjarráðs mætti Hulda Hauksdóttir, deildarstjóri þjónustu og stafrænnar þróunar og kynnti átakið "Verum viðbúin" sem ætlað er að efla viðbúnað almennings og styrkja seiglu samfélagsins.

Lagður fram listi yfir framkomin tilboð í byggingarétti í Hnoðraholti suður - háholti.

Fyrir liggur að hæstbjóðendum hefur verið send tilkynning um að boði þeirra hafi verið tekið.

Nánar tiltekið sundurliðast tilboðin sem hér segir:

Byggingarréttur einbýlishúsa:

Sólholt 17 - alls 7 tilboð.

Sólholt 19 - alls 7 tilboð.

Sólholt 21 - alls 7 tilboð.

Sólholt 23 - alls 8 tilboð.

Sólholt 24 - alls 5 tilboð.

Sólholt 25 - alls 15 tilboð.

Sólholt 26 - alls 10 tilboð.

Sólholt 28 - alls 10 tilboð.

Sólholt 30 - alls 12 tilboð.

Sólholt 32 - alls 18 tilboð.

Sólholt 34 - alls 17 tilboð.

Selholt 1 - alls 30 tilboð.

Selholt 10 - alls 9 tilboð.

Selholt 2 - alls 18 tilboð.

Selholt 3 - alls 28 tilboð.

Selholt 4 - alls 14 tilboð.

Selholt 5 - alls 22 tilboð.

Selholt 6 - alls 15 tilboð.

Selholt 7 - alls 22 tilboð.

Selholt 8 - alls 12 tilboð.

Selholt 9 - alls 24 tilboð.

Selholt 11 - alls 30 tilboð.

Selholt 12 - alls 12 tilboð.

Selholt 14 - alls 11 tilboð.

Selholt 16 - alls 9 tilboð.

Selholt 18 - alls 22 tilboð.

Alls bárust þannig 394 tilboð í byggingarrétti einbýlishúsa.

Tilboð í raðhúsalóðir:

Haustbraut 1-9 alls 17 tilboð.

Haustbraut 11-21 - alls 13 tilboð.

Haustbraut 23-33 - alls 15 tilboð.

Haustbraut 35-46 - alls 12 tilboð.

Alls bárust þannig 57 tilboð í byggingarrétti raðhúsa.

Tilboð í raðhúsalóðir byggingarsamvinnufélaga:

Sólholt 2-8 - alls 2 gild tilboð.

Sólholt 3-7 - alls 2 gild tilboð.

Sólholt 10-16 - alls 2 gild tilboð.

Sólholt 9-15 alls 2 gild tilboð.

Sólholt 18-22 alls 2 gild tilboð.

Alls bárust 3 tilboð í byggingarétti raðhúsalóða fyrir byggingarsamvinnufélög. Ógild tilboð í byggingarrétti raðhúsalóða byggingarsamvinnufélaga voru samtals 8 í framangreindar raðhúsalengjur. Bjóðendur einkahlutafélög sem uppfylla ekki söluskilmála.

Bæjarráð felur sviðsstjóra fjármála- og stjórnsýslusviðs frekari úrvinnslu tilboðanna og að bjóða þeim sem buðu í byggingarlóðir sem til sölu voru, lóðirnar til kaups í samræmi við fyrirliggjandi tilboð, ef þeir sem hærra hafa boðið fullnægja ekki skilyrðum söluskilmála.

Eftirfarandi tilboð samkvæmt tilboðsskrá bárust í útboðsverkið: "Þjónusta og viðhald gatnalýsingar 2027-2030":

1. Rafvirki og Pípari Fyrir Þig ehf., kr. 103.311.040 (85,75%).

2. Nortek ehf., kr. 94.970.000 (78,83%).

3. Ljósvistar ehf., kr. 85.734.330 (71,16%).

4. Tengill ehf., kr. 116.250.200 (96,49%).

5. Bergraf ehf., kr. 99.223.950 (82,36%).

6. Rafal ehf., kr. 80.417.790 (66,75%).

Kostnaðaráætlun verkkaupa kr. 120.475.000. Bæjarráð samþykkir að taka tilboði lægstbjóðanda Rafal ehf., kr. 80.417.790 (66,75%).

Samþykktin er með fyrirvara um að uppfylltir séu allir skilmálar útboðsins og er sviðsstjóra umhverfissviðs falin afgreiðsla málsins. Vakin er athygli á að samkvæmt 86. gr. laga um opinber innkaup nr. 120/2016 þarf að líða 5 daga biðtími frá ákvörðun um töku tilboðs til gerðar samnings. Heimilt er að skjóta ákvörðun bæjarráðs til kærunefndar útboðsmála og er kærufrestur samkvæmt 106. gr. laga um opinber innkaup 20 dagar frá því að kæranda var eða mátti vera kunnugt um ofangreinda ákvörðun.

Lögð fram kæra íbúa Hólmatúns 56 til Úrskurðarnefndar umhverfis- og auðlindamála vegna útgáfu byggingarleyfis og stækkunar einbýlishússins við Hólmatún 57.

Bæjarráð felur Juris lögmannsstofu að gæta hagsmuna bæjarins í málinu.

Lögð fram kæra ÞG verktaka ehf. til Kærunefndar útboðsmála, vegna forvalsumsóknar kæranda í verkefninu "Hjúkrunarheimili í Vetrarmýri, uppbygging og útleiga" dags. 6. nóvember 2026.

Bæjarráð felur Juris lögmannsstofu að gæta hagsmuna bæjarins í málinu.

Guðrún Jónsdóttir, verkefnastjóri samræmdrar móttöku flóttafólks, mætti á fund bæjarráðs og kynnti minnisblað velferðarsviðs vegna framlengingar samnings um samræmda móttöku flóttafólks.

Bæjarráð samþykkir tillögu þá sem kemur fram í minnisblaðinu, um að gerður verði viðauki við samning um samræmda móttöku flóttafólks, sem miði að því að Garðabæ veiti allt að 70 notendum í senn þjónustu til ársloka 2027. Bæjarráð vísar málinu til afgreiðslu hjá velferðarsviði og til kynningar í velferðarráði.

Bæjarráð vísar málinu til afgreiðslu fjárhagsáætlunar fyrir árið 2027.

Lagt fram bréf Eignarhaldsfélagsins Brunabótafélags Íslands. Í bréfinu kemur fram það mat stjórnar EBÍ að rétt sé að gera hlé á útgreiðslu og verður ágóðahlutur því ekki greiddur að þessu sinni.

Bæjarráð felur bæjarstjóra að ræða við bréfritara um nánari útfærslu málsins.

Bæjarráð tekur jákvætt í erindið og vísar því til afgreiðslu bæjarstjóra.