1. (934). fundur

Almar Guðmundsson, bæjarstjóri gerði grein fyrir umsóknum um starf sviðsstjóra þjónustu- og þróunarsviðs og lagði fram tillögu um að ráða Ágúst Þór Guðmundsson í starf sviðsstjóra.

„Bæjarstjórn samþykkir samhljóða tillögu bæjarstjóra að ráða Ágúst Þór Guðmundsson í starf sviðsstjóra þjónustu- og þróunarsviðs. Ágúst Þór er með MBA frá Háskóla Íslands, M.Sc. í fjarskiptaverkfræði frá Danmarks Tekniske Universitet og B.Sc. í rafmagns- og tölvuverkfræði frá Háskóla Íslands.

Ágúst hefur umfangsmikla stjórnunarreynslu á sviði upplýsingatækni en undanfarin sjö ár hefur hann gegnt stjórnunarstöðum hjá Advania. Þar af undanfarin fjögur ár gegnt stöðu deildarstjóra fjármála og vinnumarkaðar þar sem hann hefur tekið virkan þátt í stafrænni umbreytingu ríkisins og borið ábyrgð á verkefnastjórnun þvert á Advania og samstarfsaðila ásamt högun upplýsingatæknikerfa. Áður gegndi hann stöðu forstöðumanns ferla og innri upplýsingakerfa í tvö ár og bar einnig ábyrgð á tæknilega hlutanum í stafrænni vegferð Advania og tók að auki þátt í innleiðingum á nýjum stöðluðum þjónustuferlum og þjónustutólum. Þar áður gegndi hann stöðu deildarstjóra skýjalausna. Ágúst starfaði hjá Símanum í 23 ár við hin ýmsu störf á sviði upplýsingatækni. Meðal annars sem deildarstjóri hugbúnaðarþróunar í sjö ár þar sem hann leiddi stærstu hugbúnaðardeild Símans. Áður gegndi hann m.a. stöðu hópstjóra samþættingarhóps og forritara hjá Símanum.

Sara Dögg Svanhildardóttir, ræddi 13. tl., úrskurð kærunefndar jafnréttismála í máli A gegn Garðabæ.

Margrét Bjarndóttir, ræddi 16. tl., stöðu innritunar í leikskóla 2024.

Almar Guðmundsson, ræddi 13. tl., úrskurð kærunefndar jafnréttismála í máli A gegn Garðabæ.

Fundargerðin sem er 17 tl., er samþykkt samhljóða.

Afgreiðsla mála.

Þorbjörg Þorvaldsdóttir, ræddi 9. tl., húsnæðisáætlun Garðabæjar 2024 og 13. tl., svör við fyrirspurn Garðabæjarlistans um uppbyggingu á Álftanesi.

Sara Dögg Svanhildardóttir, ræddi 9. tl., húsnæðisáætlun Garðabæjar 2024 og 11. tl., stöðu fráveitumála og stöðu viðræðna við Hafnarfjörð um samning um móttöku skólps frá Urriðaholti, Kauptúni og Molduhrauni.

Gunnar Valur Gíslason, ræddi 10. tl., bréf innviðaráðuneytisins varðandi niðurstöðu dóms í máli Reykjavíkurborgar gegn íslenska ríkinu vegna jöfnunarsjóðs sveitarfélaga.

Almar Guðmundsson, ræddi 9. tl., húsnæðisáætlun Garðabæjar 2024, 11. tl., stöðu fráveitumála og stöðu viðræðna við Hafnarfjörð um samning um móttöku skólps frá Urriðaholti, Kauptúni og Molduhrauni, 13. tl., svör við fyrirspurn Garðabæjarlistans um uppbyggingu á Álftanesi og 12. tl., úthlutun lóðar fyrir veitingahús við Breiðumýri á Álftanesi.

Hrannar Bragi Eyjólfsson, ræddi 1. tl., sundlaugamenningu á skrá UNESCO og 2. tl., íþróttahátíð Garðabæjar. Hrannar Bragi óskaði Ísold Sævarsdóttur, frjálsíþrótta- og körfuboltakonu og Friðbirni Braga Hlynssyni, kraftlyftingarmanni til hamingju með kjör þeirra sem íþróttakonu og íþróttakarls Garðabæjar. Hrannar Bragi færði einnig öllum öðrum sem fengu viðurkenningu á hátíðinn hamingjuóskir. Þá vakti Hrannar Bragi athygli á umsóknarfresti vegna afreksstyrkja, sbr. 3. tl. fundargerðarinnar.

Fundargerðin lögð fram.

Fundargerðin lögð fram.

Fundargerðin lögð fram.

Sigríður Hulda Jónsdóttir, ræddi 3. tl., þróunarsjóð grunnskóla árið 2023.

Guðfinnur Sigurvinsson, ræddi 3. tl., þróunarsjóð grunnskóla árið 2023.

Þorbjörg Þorvaldsdóttir, ræddi 1. tl., íslensku æskulýðsrannsóknina í grunnskólum árið 2023 og 3. tl., þróunarsjóð grunnskóla árið 2023.

Sigríður Hulda Jónsdóttir, ræddi 1. tl., íslensku æskulýðsrannsóknina í grunnskólum árið 2023.

Sara Dögg Svanhildardóttir, ræddi 1. tl., íslensku æskulýðsrannsóknina í grunnskólum árið 2023 og 3. tl., þróunarsjóð grunnskóla árið 2023.

Harpa Þorsteinsdóttir, ræddi 1. tl., íslensku æskulýðsrannsóknina í grunnskólum árið 2023.

Guðfinnur Sigurvinsson, ræddi almennt um starfsemi grunnskólans.

Björg Fenger, ræddi 1. tl., íslensku æskulýðsrannsóknina í grunnskólum árið 2023.

Sigríður Hulda Jónsdóttir, ræddi að nýju 1. tl., íslensku æskulýðsrannsóknina í grunnskólum árið 2023.

Fundargerðin lögð fram.

Fundargerðin lögð fram.

Guðfinnur Sigurvinsson, kvaddi sér hljóðs og gerði grein fyrir ástæðum forfalla á fundum stjórnar Sorpu bs.

Fundargerðin lögð fram.

Guðfinnur Sigurvinsson ræddi 5. tl., aðgengi að bréfpokum undir matarleifar.

Fundargerðin lögð fram.

Hrannar Bragi Eyjólfsson, ræddi 2. tl., niðurstöðu vagnakaupaútboðs, 3. tl. vagnakaup á árinu 2024, 4. tl., stöðu á Klapp appinu og 7. tl., tölfræðiupplýsingar um stundvísi, fjölda innstiga notkun á rafvögnum o.fl.

Fundargerðin lögð fram.

Gunnar Valur Gíslason, ræddi 5. tl., ferðavenjukönnun sem framkvæmd var í október ? nóvember 2022.

Fundargerðin lögð fram.

Almar Guðmundsson, ræddi 1. tl., stöðu uppfærslu samgöngusáttmálans.

Fundargerðin lögð fram.

Fundargerðin lögð fram.

Fundargerðin lögð fram.

Lagður fram til afgreiðslu samningur Garðabæjar og Skóla ehf. um starfsemi leikskóla við Kauptún og Holtsveg 20.

Bæjarstjórn samþykkir samhljóða samning við Skóla ehf. um starfsemi leikskóla.

Lögð fram gjaldskrá stuðningsþjónustu í Garðabæ. Gjaldskráin fylgdi fundarboði og er vistuð í fundargátt.

Gjaldskráin samþykkt samhljóða.

Lögð fram gjaldskrá fyrir akstursþjónustu eldri borgara í Garðabæ. Gjaldskráin fylgdi fundarboði og er vistuð í fundargátt.

Gjaldskráin samþykkt samhljóða.

Lögð fram tillaga um frestun á gildistöku nýrrar gjaldskrár leikskóla til 1. mars 2024.

Bæjarstjórn samþykkir samhljóða tillögu um frestun á gildistöku nýrrar gjaldskrár leikskóla og tekur ný gjaldskrá gildi 1. mars 2024.