Fjárhagsáætlun Garðabæjar 2024 (2024-2027)

"Bæjarstjórn samþykkir eftirfarandi viðauka nr. 3 við fjárhagsáætlun Garðabæjar fyrir árið 2024 samkvæmt 2.mgr. 63.gr. sveitarstjórnarlaga nr. 138/2011. Viðauki 3 Alþjóðaskólinn Viðbótarframlag vegna fjölgunar nemenda í Alþjóðaskólanum umfram fjárhagsáætlun. Alls hafa 7 nemendur bæst við. Rekstrarframlag 18.000.000 04264-4364 Máltíðir í grunnskólum Vegna gjaldfrjálsra skólamáltíða fellur aukinn kostnaður á Garðabæ sem nemur um 32 m.kr. þegar tekið hefur verið tillit til 91 m.kr. framlags frá Jöfnunarsjóði sveitarfélaga. Skólamatur í grunnskólum 123.000.000 04030-9177 Endurgreiðsla Jöfnunarsjóðs sveitarfélaga -91.000.000 00100-0153 Viðbótarkostnaður Garðabæjar 32.000.000 Sumarátak vegna vinnu ungs fólks Vegna fleiri umsókna um sumarstörf hjá Garðabæ en áætlun gerði ráð fyrir þarf að bæta við 20 m.kr. Sumarstörf ungmenna 20.000.000 11330-1110 Nýtt vaktafyrirkomulag í sundlaugum/íþróttahúsum Í byrjun árs 2024 var tekið upp nýtt vaktafyrirkomulag í Ásgarði og á Álftanesi vegna styttingar vinnutíma. Kostnaður er umfram áætlun. Þá hafa verið meiri skammtíma- og langtímaveikindi en gert var ráð fyrir. Íþróttamiðstöðin Ásgarði 15.000.000 06511- Íþróttamiðstöðin Álftanesi 25.000.000 06514- Samtals 40.000.000 Forseta- og alþingiskosningar á árinu 2024 Kostnaður við framkvæmd kosninga er um 4 m.kr. meiri en sem nemur framlagi ríkisins. Kosningar 4.000.000 21150- Samkomulag um greiðslur til kennara og frestun verkfalla Gengið hefur verið frá samkomulagi við kennara um launahækkanir afturvirkt frá júní 2024 til samræmis við hækkanir launa skv. þeim langtímasamningum sem gerðir hafa verið á vinnumarkaðnum á árinu. Grunnskólar 136.000.000 Leikskólar 98.000.000 Tónlistarskóli 20.000.000 Einkareknir leik- og grunnskólar 47.000.000 Samtals 301.000.000 Samtals útgjaldaauki 415.000.000 Fjármögnun viðauka Staðgreiðsla útsvars -187.000.000 (00010-0021) Varasjóður -228.000.000 (31916-7179) Samtals -415.000.000."

Lúðvík Hjalti Jónsson, fjármálastjóri, kom á fund bæjarráðs og gerði grein fyrir eftirfarandi viðauka nr. 3 við fjárhagsáætlun Garðabæjar fyrir árið 2024. Bæjarráð samþykkir að leggja til við bæjarstjórn að samþykkja eftirfarandi viðauka nr. 3 við fjárhagsáætlun 2024 samkvæmt 2.mgr. 63.gr. sveitarstjórnarlaga nr. 138/2011.

Viðauki 3

Alþjóðaskólinn
Viðbótarframlag vegna fjölgunar nemenda í Alþjóðaskólanum umfram
fjárhagsáætlun. Alls hafa 7 nemendur bæst við.

Rekstrarframlag 18.000.000 04264-4364

Máltíðir í grunnskólum
Vegna gjaldfrjálsra skólamáltíða fellur aukinn kostnaður á Garðabæ sem nemur um 32 m.kr. þegar tekið hefur verið tillit til 91 m.kr. framlags frá Jöfnunarsjóði sveitarfélaga.

Skólamatur í grunnskólum 123.000.000 04030-9177
Endurgreiðsla Jöfnunarsjóðs sveitarfélaga -91.000.000 00100-0153
Viðbótarkostnaður Garðabæjar 32.000.000

Sumarátak vegna vinnu ungs fólks
Vegna fleiri umsókna um sumarstörf hjá Garðabæ en áætlun gerði ráð fyrir þarf að bæta við 20 m.kr.

Sumarstörf ungmenna 20.000.000 11330-1110

Nýtt vaktafyrirkomulag í sundlaugum/íþróttahúsum
Í byrjun árs 2024 var tekið upp nýtt vaktafyrirkomulag í Ásgarði og á Álftanesi vegna styttingar vinnutíma. Kostnaður er umfram áætlun. Þá hafa verið meiri skammtíma- og langtímaveikindi en gert var ráð fyrir.

Íþróttamiðstöðin Ásgarði 15.000.000 06511-
Íþróttamiðstöðin Álftanesi 25.000.000 06514-
Samtals 40.000.000

Forseta- og alþingiskosningar á árinu 2024
Kostnaður við framkvæmd kosninga er um 4 m.kr. meiri en sem nemur framlagi ríkisins.

Kosningar 4.000.000 21150-

Samkomulag um greiðslur til kennara og frestun verkfalla
Gengið hefur verið frá samkomulagi við kennara um launahækkanir afturvirkt frá júní 2024 til samræmis við hækkanir launa skv. þeim langtímasamningum sem gerðir hafa verið á vinnumarkaðnum á árinu.

Grunnskólar 136.000.000
Leikskólar 98.000.000
Tónlistarskóli 20.000.000
Einkareknir leik- og grunnskólar 47.000.000
Samtals 301.000.000

Samtals útgjaldaauki 415.000.000

Fjármögnun viðauka
Staðgreiðsla útsvars -187.000.000 (00010-0021)
Varasjóður -228.000.000 (31916-7179)
Samtals -415.000.000

"Bæjarstjórn samþykkir eftirfarandi viðauka nr. 2 við fjárhagsáætlun 2024 samkvæmt 2.mgr. 63.gr. sveitarstjórnarlaga nr. 138/2011.

Viðauki 2

Kjarasamningar
Gengið var frá kjarasamningum við Starfsmannafélag Garðabæjar og Verkalýðfélagið Hlíf í júní sl. með afturvirkum hækkunum frá apríl sl. Einnig var gerður kjarasamningur við félög tónlistarskólakennara í desember sl. eftir samþykkt fjárhagsáætlunar fyrir árið 2024. Kostnaðarhækkanir vegna þessara kjarasamninga nema á árinu 2024 kr. 171,6 m.kr.

Velferðarsvið kr. 21.850.000
Fræðslumál kr. 82.700.000
Menningarmál kr. 1.500.000
Æskulýðs- og íþróttamál kr. 33.300.000
Skipulags- og byggingarmál kr. 3.750.000
Umhverfismál kr. 8.500.000
Sameiginlegur kostnaður kr. 13.100.000
Eignasjóður kr. 1.100.000
Þjónustumiðstöð kr. 3.800.000
Samveitur kr. 2.000.000
Samtals kr. 171.600.000

Leiðrétting á innri færslum

Æskulýðs og íþróttamál
Í fjárhagsáætlun 2024 er vanreiknuð húsnæðisnotkun íþróttafélaga upp á um 60,5 m.kr. vegna Miðgarðs. Bæta þarf við fjárhagsáætlun ársins eftirfarandi færslum vegna þessa.

Reiknuð afnot UMFÁ kr. 3.473.862 06825-9912
Reiknuð afnot Stjarnan kr. 57.034.253 06820-9912
Samtals kr. 60.508.115
Tekjur Íþróttamannvirkja kr.-60.508.115
Breytingin hefur engin áhrif á sjóðsstreymi

Fræðslumál
Innri leiga hefur verið uppfærð vegna Urriðabóls í Kauptúni samtals að fjárhæð kr. 136.439.374 sem bæta þarf við fjárhagsáætlun ársins.
Einingaleikskóli við Kauptún kr. 136.439.374 31167-0341
Eignasjóður innri leiga kr.-136.439.374 04169-4411
Breytingin hefur engin áhrif á sjóðsstreymi

Umferðar- og samgöngumál
Bæta þarf við fjármagni til snjómoksturs og hálkuvarna vegna ársins 2024 um 60 millj. kr.
Snjómokstur kr. 60.000.000 10610-4521

Útgjaldaauki kr. 231.600.000
Fjármögnun viðauka
Varasjóður kr. - 171.600.000 31916-7179
Staðgreiðsla útsvars kr. -60.000.000 00010-0021
Samtals kr. -231.600.000."

Lúðvík Hjalti Jónsson, fjármálastjóri, kom á fund bæjarráðs og gerði grein fyrir eftirfarandi viðauka nr. 2 við fjárhagsáætlun Garðabæjar fyrir árið 2024. Bæjarráð samþykkir að leggja til við bæjarstjórn að samþykkja eftirfarandi viðauka nr. 2 við fjárhagsáætlun 2024 samkvæmt 2.mgr. 63.gr. sveitarstjórnarlaga nr. 138/2011.

Viðauki 2

Kjarasamningar

Gengið var frá kjarasamningum við Starfsmannafélag Garðabæjar og Verkalýðfélagið Hlíf í júní sl. með afturvirkum hækkunum frá apríl sl. Einnig var gerður kjarasamningur við félög tónlistarskólakennara í desember sl. eftir samþykkt fjárhagsáætlunar fyrir árið 2024.
Kostnaðarhækkanir vegna þessara kjarasamninga nema á árinu 2024 kr. 171,6 m.kr.

Velferðasvið kr. 21.850.000
Fræðslumál kr. 82.700.000
Menningarmál kr. 1.500.000
Æskulýðs- og íþróttamál kr. 33.300.000
Skipulags- og byggingarmál kr. 3.750.000
Umhverfismál kr. 8.500.000
Sameiginlegur kostnaður kr. 13.100.000
Eignasjóður kr. 1.100.000
Þjónustumiðstöð kr. 3.800.000
Samveitur kr. 2.000.000
Samtals kr. 171.600.000

Leiðrétting á innri færslum

Æskulýðs og íþróttamál

Í fjárhagsáætlun 2024 er vanreiknuð húsnæðisnotkun íþróttafélaga upp á um 60,5 m.kr. vegna Miðgarðs. Bæta þarf við fjárhagsáætlun ársins eftirfarandi færslum vegna þessa.

Reiknuð afnot UMFÁ kr. 3.473.862 06825-9912
Reiknuð afnot Stjarnan kr. 57.034.253 06820-9912
Samtals kr. 60.508.115
Tekjur Íþróttamannvirkja kr.-60.508.115

Breytingin hefur engin áhrif á sjóðsstreymi

Fræðslumál

Innri leiga hefur verið uppfærð vegna Urriðabóls í Kauptúni samtals að fjárhæð kr. 136.439.374 sem bæta þarf við fjárhagsáætlun ársins.

Einingaleikskóli við Kauptún kr. 136.439.374 31167-0341
Eignasjóður innri leiga kr.-136.439.374 04169-4411

Breytingin hefur engin áhrif á sjóðsstreymi

Umferðar- og samgöngumál

Bæta þarf við fjármagni til snjómokstur og hálkuvarna vegna ársins 2024 um 60 millj. kr.

Snjómokstur kr. 60.000.000 10610-4521

Útgjaldaauki kr. 231.600.000

Fjármögnun viðauka

Varasjóður kr. - 171.600.000 31916-7179
Staðgreiðsla útsvars kr. -60.000.000 00010-0021
Samtals kr. -231.600.000

"Bæjarstjórn samþykkir eftirfarandi viðauka nr. 1 við fjárhagsáætlun 2024 samkvæmt 2.mgr. 63.gr. sveitarstjórnarlaga nr. 138/2011. (Mál nr. 2307150) Velferðarsvið: Sérstakur húsnæðisstuðningur (02180-9113) kr. 20.000.000. Fjölgun hefur orðið á þeim sem sótt hafa um húsaleigubætur auk þess sem greiðslur bóta hafa hækkað. Alls fengu 217 greiddar húsaleigubætur frá Garðabæ í ágúst sl. Úrræði á heimili vegna barna kr. 15.000.000. Umfang barnaverndarmála hefur aukist og einnig fjöldi. Fræðslu- og menningarsvið: Félagsmiðstöð Urriðaholtsskóla - Urrinn (06315- ) kr. 10.000.000. Frá og með skólaárinu 2023-2024 hefur verið rekin félagsmiðstöð við Urriðaholtsskóla, Urrinn. Starfsemi hefur byggst hraðar upp en gert var ráð fyrir í áætlun. Vinnuskóli kr. 14.000.000. Ríflega 100 fleiri börn voru í vinnuskólanum í sumar en áætlun gerði ráð fyrir. Börnum fjölgaði úr 610 í 731 milli ára. Námsvistargjöld vegna leikskólabarna í öðrum sveitarfélögum (04167- ) kr. 60.000.000. Greiðslur til annarra sveitarfélaga vegna leikskólabarna sem eru að flytjast til Garðabæjar voru meiri á vorönn en gert hafði verið ráð fyrir. Foreldragreiðslur vegna leikskólabarna (04175-9174) kr. 40.000.000. Greiðslur til foreldra barna sem biða eftir leikskólaplássi voru meiri á vorönn en áætlun gerði ráð fyrir. Leikskóladeild Urriðaholtsskóla (04124- ) kr. 185.000.000.- Fleiri börn eru á leikskóladeildinni í Urriðaholtsskóla en gert var ráð fyrir í fjárhagsáætlun. Einnig bætast við 40 ný leikskólarými frá og með þessu hausti. Urriðaból við Holtsveg kr. -75.000.000.- Áætlun gerði ráð fyrir að skólinn færi hraðar í rekstur en raunin hefur orðið. Umhverfissvið: Aukaframlag til Strætó bs. (10720-9195) kr. 14.000.000. Á fundi bæjarráðs 13. ágúst sl. var samþykkt erindi frá Strætó bs. vegna beiðni um aukið rekstrarframlag vegna hækkunar á kostnaði við aðkeyptan akstur. Erindið var samþykkt og vísað til gerðar viðauka við fjárhagsáætlun. Samtals aukin rekstrarkostnaður 283.000.000 Framkvæmdir. kr. 40.000.000.- Á fundi bæjarráðs 3. september sl. var samþykkt tillaga sviðsstjóra þjónustu- og þróunarsviðs að endurnýjunarþörf tölvubúnaðar verði mætt með því að forgangsraða búnaði fyrir börn með 40mkr. viðbótarframlagi á árinu 2024. Erindið var samþykkt og vísað til gerðar viðauka við fjárhagsáætlun. Samtals kr. 323.000.000 Fjármögnun viðauka Staðgreiðsla útsvars 00010-0021 kr. -83.000.000 Jöfnunarsjóður sveitarfélaga (00100-0148) kr. -240.000.000 Samtals -323.000.000"

Lúðvík Hjalti Jónsson, fjármálastjóri kom á fund bæjarráðs og gerði grein fyrir eftirfarandi viðauka nr. 1 við fjárhagsáætlun Garðabæjar fyrir árið 2024. Bæjarráð samþykkir að leggja til við bæjarstjórn að samþykkja eftirfarandi viðauka nr. 1 við fjárhagsáætlun 2024 samkvæmt 2. mgr. 63. gr. sveitarstjórnarlaga nr. 138/2011.

Viðauki 1.
Velferðasvið:
Sérstakur húsnæðisstuðningur (02180-9113) kr. 20.000.000. Fjölgun hefur orðið á þeim sem sótt hafa um húsaleigubætur auk þess sem greiðslur bóta hafa hækkað. Alls fengu 217 greiddar húsaleigubætur frá Garðabæ í ágúst sl.

Úrræði á heimili vegna barna kr. 15.000.000. Umfang barnaverndarmála hefur aukist og einnig fjöldi.

Fræðslu- og menningarsvið:
Félagsmiðstöð Urriðaholtsskóla - Urrinn (06315- ) kr. 10.000.000. Frá og með skólaárinu 2023-2024 hefur verið rekin félagsmiðstöð við Urriðaholtsskóla, Urrinn. Starfsemi hefur byggst hraðar upp en gert var ráð fyrir í áætlun.

Vinnuskóli kr. 14.000.000. Ríflega 100 fleiri börn voru í vinnuskólanum í sumar en áætlun gerði ráð fyrir. Börnum fjölgaði úr 610 í 731 milli ára.

Námsvistargjöld vegna leikskólabarna í öðrum sveitarfélögum (04167- ) kr. 60.000.000. Greiðslur til annarra sveitarfélaga vegna leikskólabarna sem eru að flytjast til Garðabæjar voru meiri á vorönn en gert hafði verið ráð fyrir.

Foreldragreiðslur vegna leikskólabarna (04175-9174) kr. 40.000.000. Greiðslur til foreldra barna sem biða eftir leikskólaplássi voru meiri á vorönn en áætlun gerði ráð fyrir.

Leikskóladeild Urriðaholtsskóla (04124- ) kr. 185.000.000.- Fleiri börn eru á leikskóladeildinni í Urriðaholtsskóla en gert var ráð fyrir í fjárhagsáætlun. Einnig bætast við 40 ný leikskólarými frá og með þessu hausti.

Urriðaból við Holtsveg kr. -75.000.000.- Áætlun gerði ráð fyrir að skólinn færi hraðar í rekstur en raunin hefur orðið.

Umhverfissvið:
Aukaframlag til Strætó bs. (10720-9195) kr. 14.000.000. Á fundi bæjarráðs 13. ágúst sl. var samþykkt erindi frá Strætó bs. vegna beiðni um aukið rekstrarframlag vegna hækkunar á kostnaði við aðkeyptan akstur. Erindið var samþykkt og vísað til gerðar viðauka við fjárhagsáætlun.

Samtals aukin rekstrarkostnaður 283.000.000

Framkvæmdir. kr. 40.000.000.- Á fundi bæjarráðs 3. september sl. var samþykkt tillaga sviðsstjóra þjónustu- og þróunarsviðs að endurnýjunarþörf tölvubúnaðar verði mætt með því að forgangsraða búnaði fyrir börn með 40mkr. viðbótarframlagi á árinu 2024. Erindið var samþykkt og vísað til gerðar viðauka við fjárhagsáætlun.

Samtals kr. 323.000.000

Fjármögnun viðauka

Staðgreiðsla útsvars 00010-0021 kr. -83.000.000

Jöfnunarsjóður sveitarfélaga (00100-0148) kr. -240.000.000

Samtals -323.000.000

Almar Guðmundsson, bæjarstjóri gerði grein fyrir tillögu um lántöku hjá Lánasjóði sveitarfélaga samtals að fjárhæð kr. 350.000.000 samkvæmt lánssamningi nr. 2409_48. Um er að ræða jafngreiðslulán með lokagjalddaga 5. nóvember 2055, með 2,5% árlegum föstum vöxtum allan lánstímann. Virkir vextir eru í samræmi við lið 1.D og eru 3,80% með uppgreiðsluheimild.
Þá gerði bæjarstjóri jafnframt grein fyrir tillögu um lántöku hjá Lánasjóði sveitarfélaga, samtals að fjárhæð kr. 150.000.000 samkvæmt lánssamningi nr. 2409_47. Um er að ræða jafngreiðslulán með lokagjalddaga 5. nóvember 2055, með 2,5% árlegum föstum vöxtum allan lánstímann. Virkir vextir eru í samræmi við lið 1.D og eru 3,80% með uppgreiðsluheimild.

"Bæjarstjórn Garðabæjar samþykkir hér með á sveitarstjórnarfundi að taka lán hjá Lánasjóði sveitarfélaga að útreiðslufjárhæð allt að kr. 350.000.000,-, með lokagjalddaga þann 5. nóvember 2055, í samræmi við skilmála að lánasamningi sem liggja fyrir á fundinum og sem sveitarstjórnin hefur kynnt sér.
Sveitarstjórnin samþykkir að til tryggingar láninu (höfuðstólsfjárhæðinni, uppgreiðslugjaldi, auk vaxta, dráttarvaxta og kostnaðar), standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga.
Er lánið tekið til vegna byggingar 3. áfanga Urriðaholtsskóla sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Almari Guðmundssyni, bæjarstjóra, kt. 030572-2979, veitt fullt og
ótakmarkað umboð til þess f.h. Garðabæjar að undirrita lánssamning við Lánasjóð
sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns.

Bæjarstjórn Garðabæjar samþykkir hér með á sveitarstjórnarfundi að taka lán hjá Lánasjóði sveitarfélaga að útgreiðslufjárhæð allt að kr. 150.000.000,-, með lokagjalddaga þann 5. nóvember 2055, í samræmi við skilmála að lánasamningi sem liggja fyrir á fundinum og sem sveitarstjórnin hefur kynnt sér.
Sveitarstjórnin samþykkir að til tryggingar láninu (höfuðstólsfjárhæðinni, uppgreiðslugjaldi, auk vaxta, dráttarvaxta og kostnaðar), standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga.
Er lánið tekið til fjármögnunar á endurbótum á skólahúsnæði sveitarfélagsins sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Almari Guðmundssyni, bæjarstjóra, kt. 030572-2979, veitt fullt og
ótakmarkað umboð til þess f.h. Garðabæjar að undirrita lánssamning við Lánasjóð
sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns."

Bókun lánveitingar og skilmála þeirra lesin upp og færð til bókar. Samþykkt samhljóða.

Á fund bæjarráðs kom Lúðvík Hjalti Jónsson, fjármálastjóri og gerði grein fyrir tillögu um lántöku hjá Lánasjóði sveitarfélaga, samtals að fjárhæð kr. 500.000.000. Um er að ræða 350.000.000 kr. lán í LSS 55 og 150.000.000 kr. lán úr LSS 55. Í lánasamningi kemur fram að tilgangur lánsins er fjármögnun á verkefni sem hefur almenna efnahagslega þýðingu. Nánar tiltekið er lán að fjárhæð kr. 350.000.000 til fjármögnunar á byggingu 3. áfanga Urriðaholtsskóla og lán að fjárhæð kr. 150.000.000 til endurbóta á skólahúsnæði í eigu sveitarfélagsins.
Bæjarráð vísar afgreiðslu málsins til bæjarstjórnar. Fyrir liggja drög að lánssamningum.

Almar Guðmundsson, bæjarstjóri gerði grein fyrir tillögu um lántöku hjá Lánasjóði sveitarfélaga samtals að fjárhæð kr. 600.000.000 samkvæmt lánssamningi nr. 2408_36. Um er að ræða jafngreiðslulán með lokagjalddaga 5. nóvember 2055, með 2,5% árlegum föstum vöxtum allan lánstímann. Virkir vextir eru í samræmi við lið 1.D og eru 3,85%. Lánið er með uppgreiðsluheimild.
Þá gerði bæjarstjóri jafnframt grein fyrir tillögu um lántöku hjá Lánasjóði sveitarfélaga, samtals að fjárhæð kr. 400.000.000 samkvæmt lánssamningi nr. 2407_37. Um er að ræða jafngreiðslulán með lokagjalddaga 20. febrúar 2039, með 4,25% föstum vöxtum og án uppgreiðsluheimildar.

"Bæjarstjórn Garðabæjar samþykkir hér með á sveitarstjórnarfundi að taka lán hjá Lánasjóði sveitarfélaga að útgreiðslufjárhæð allt að kr. 600.000.000,- með lokagjalddaga þann 5. nóvember 2055, í samræmi við skilmála að lánasamningi sem liggja fyrir á fundinum og sem sveitarstjórnin hefur kynnt sér. Sveitarstjórnin samþykkir að til tryggingar láninu (höfuðstólsfjárhæðinni, uppgreiðslugjaldi,
auk vaxta, dráttarvaxta og kostnaðar), standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga.
Er lánið tekið til fjármögnunar á endurbótum á skólahúsnæði sveitarfélagsins sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Almari Guðmundssyni, bæjarstjóra, kt. 030572-2979, veitt fullt og
ótakmarkað umboð til þess f.h. Garðabæjar að undirrita lánssamning við Lánasjóð
sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns.

Bæjarstjórn Garðabæjar samþykkir hér með á sveitarstjórnarfundi að taka lán hjá Lánasjóði sveitarfélaga að höfuðstól allt að kr. 400.000.000,- , með lokagjalddaga þann 20. febrúar 2039, í samræmi við skilmála að lánasamningi sem liggja fyrir á fundinum og sem sveitarstjórnin hefur kynnt sér.
Bæjarstjórnin samþykkir að til tryggingar láninu (höfuðstól, uppgreiðslugjaldi auk vaxta, dráttarvaxta og kostnaðar), standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjum sínum og framlögum til sveitarfélagsins úr Jöfnunarsjóði sveitarfélaga.
Er lánið tekið til vegna byggingar 3.áfanga Urriðaholtsskóla sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006. Jafnframt er Almari Guðmundssyni, bæjarstjóra, kt. 030572-2979, veitt fullt og ótakmarkað umboð til þess f.h. Garðabæjar að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns."

Á fund bæjarráðs kom Lúðvík Hjalti Jónsson, fjármálastjóri og gerði grein fyrir tillögu um lántöku hjá Lánasjóði sveitarfélaga, samtals að fjárhæð kr. 1.000.000.000. Um er að ræða 600.000.000 kr. lán í LSS 55 og 400.000.000 kr. lán úr LSS 39. Í lánasamningi kemur fram að tilgangur lánsins er fjármögnun á verkefni sem hefur almenna efnahagslega þýðingu, nánar tiltekið fjármögnun framkvæmda við Urriðaholtsskóla og endurbóta skólahúsnæða.
Bæjarráð vísar afgreiðslu málsins til bæjarstjórnar. Fyrir liggja drög að lánssamningum.

Gjaldskrá akstursþjónustu eldri borgara í Garðabæ lögð fram til kynningar.

Gjaldskrá akstursþjónustu eldri borgara í Garðabæ lögð fram til kynningar.

Bæjarráð samþykkir eftirfarandi tillögu um úthlutun styrkja:

Garðálfar - kór eldri borgara á Álftanesi kr. 450.000.-
Garðakórinn kr. 500.000.-
Kór Vídalínskirkju kr. 300.000.-
Bjarkarhlíð - miðstöð fyrir þolendur ofbeldis kr. 800.000.-
Samtök um kvennaathvarf kr. 800.000.-
Stígamót kr. 800.000.-
Örninn - minningar- og styrktarsjóður kr. 800.000.-
Aflið - samtök fyrir þolendur ofbeldis kr. 250.000.-
Krabbameinsfélag höfuðborgarsvæðisins kr. 100.000.-
ADHD-samtökin kr. 300.000.-
Kvennaráðgjöfin kr. 250.000.-

Bæjarráð vísar til umfjöllunar í Íþrótta- og tómstundaráði styrkbeiðnum Siglingaklúbbins Vogs og Hestamannafélagsins Sóta (rekstur reiðhallar.).
Bæjarráð vísar styrkbeiðni Hestamannafélagsins Spretts (reiðvegur) til umhverfissviðs.

Almar Guðmundsson gerði grein fyrir tillögu að lántöku hjá Lánasjóði sveitarfélaga. Um er að ræða skammtímalán að fjárhæð kr. 1.000.000.000 með gjalddaga 18. september 2024, óverðtryggt með 11,32% vöxtum.

„Bæjarstjórn samþykkir lántöku hjá Lánasjóði sveitarfélaga að fjárhæð kr. 1.000.000.000. Um er að ræða skammtímalán með gjalddaga 18. september 2024, óverðtryggt með 11,32% vöxtum. Jafnframt er Almari Guðmundssyni, bæjarstjóra, kt. 030572-2979, veitt fullt og ótakmarkað umboð til þess f.h. Garðabæjar að undirrita skilmála lánsins við Lánasjóð sveitarfélaga.“

Á fund bæjarráðs kom Lúðvík Hjalti Jónsson, fjármálastjóri og gerði grein fyrir tillögu um lántöku hjá Lánasjóði sveitarfélaga samtals að fjárhæð kr. 1.000.000.000. Um er að ræða skammtímalán með gjalddaga 18. september 2024, óverðtryggt með 11,32% vöxtum.

Bæjarráð vísar afgreiðslu málsins til bæjarstjórnar.

Lögð fram til afgreiðslu tillaga að breytingu á gjaldskrá um akstursþjónustu eldri borgara sem gerir ráð fyrir að gjald fyrir akstur í sérhæfða dagdvöl aldraðra verði sem nemur einu fargjaldi með almenningsvögnum en ekki eitt og hálft fargjald eins og almennt er gert ráð fyrir.

Almar Guðmundsson, gerði nánari grein fyrir breytingartillögunni.

Bæjarstjórn samþykkir tillögu að breytingu á gjaldskrá fyrir akstursþjónustu eldri borgara í Garðabæ.

Lögð fram til afgreiðslu tillaga að breytingu á gjaldskrá fyrir akstursþjónustu eldri borgara sem gerir ráð fyrir að gjald fyrir akstur í sérhæfða dagdvöl aldraðar verði sem nemur einu fargjaldi með almenningsvögnum en ekki eitt og hálft fargjald eins og almennt er gert ráð fyrir.

Bæjarráð samþykkir tillögu um breytingu á gjaldskrá fyrir akstursþjónustu eldri borgara í Garðabæ.

Lögð fram tillaga um frestun á gildistöku nýrrar gjaldskrár leikskóla til 1. mars 2024.

Bæjarstjórn samþykkir samhljóða tillögu um frestun á gildistöku nýrrar gjaldskrár leikskóla og tekur ný gjaldskrá gildi 1. mars 2024.

Lögð fram gjaldskrá stuðningsþjónustu í Garðabæ. Gjaldskráin fylgdi fundarboði og er vistuð í fundargátt.

Gjaldskráin samþykkt samhljóða.

Lögð fram gjaldskrá fyrir akstursþjónustu eldri borgara í Garðabæ. Gjaldskráin fylgdi fundarboði og er vistuð í fundargátt.

Gjaldskráin samþykkt samhljóða.

Bæjarráð vísar gjaldskránni til afgreiðslu bæjarstjórnar.

Lögð fram eftirfarandi tillaga um viðmiðunarfjárhæðir samkvæmt reglum um lækkun eða niðurfellingu fasteignaskatts elli- og örorkulífeyrisþega.

"Einstaklingar með tekjur árið 2022 allt að kr. 6.680.000 greiða ekki fasteignaskatt og holræsagjald. Afsláttur lækkar um 1% við hækkun tekna um kr. 5.800 og fellur niður ef tekjur fara yfir kr. 7.260.000. (Ath. að fjármagnstekjur falla undir tekjur).

Hjón og samskattaðir aðilar (elli- og örorkulífeyrisþegar):
Hjón með tekjur árið 2022 allt að kr. 8.500.000 greiða ekki fasteignaskatt og holræsagjald. Afsláttur lækkar um 1% við hækkun tekna um kr. 14.000 og fellur niður ef tekjur fara yfir kr. 9.900.000. (Ath. að fjármagnstekjur falla undir tekjur)".

Ekki þarf að sækja um lækkunina.

Tillagan byggir á hækkun á ellilífeyris í janúar 2024.

Bæjarráð samþykkir samhljóða framlagða tillögu.

Farið yfir fjárhagsáætlun velferðarsviðs Garðabæjar 2024.

Farið yfir fjárhagsáætlun velferðarsviðs Garðabæjar 2024, á fundinn kom Lúðvík Hjalti Jónsson fjármálastjóri og kynnti áætlunina.

Lögð fram gjaldskrá leikskóla með gildistíma frá 1. febrúar 2024. Gjaldskráin fylgdi fundarboði og er vistuð í fundargátt.

Gjaldskráin samþykkt samhljóða.

Lögð fram gjaldskrá fráveitu þar sem fram kemur að fráveitugjald verði 0,078% af álagningarstofni. Gjaldskráin fylgdi fundarboði og er vistuð í fundargátt.

Gjaldskráin samþykkt samhljóða.

Lögð fram gjaldskrá frístundarbíls þar sem gert er ráð fyrir hækkun um 3.150. Gjaldskráin fylgdi fundarboði og er vistuð í fundargátt.

Gjaldskráin samþykkt samhljóða.

Lögð fram gjaldskrá sundlauga Garðabæjar þar sem gert er ráð fyrir 6,0% hækkun. Gjaldskráin fylgdi fundarboði og er vistuð í fundargátt.

Gjaldskráin samþykkt samhljóða.

Lögð fram gjaldskrá fyrir meðhöndlun úrgangs í Garðabæ. Gjaldskráin fylgdi fundarboði og er vistuð í fundargátt.

Gjaldskráin samþykkt samhljóða.

Lögð fram gjaldskrá fyrir frístundarheimili þar sem gert er ráð fyrir 6,0% hækkun. Gjaldskráin fylgdi fundarboði og er vistuð í fundargátt.

Gjaldskráin samþykkt samhljóða.

Lögð fram gjaldskrá skólamálsverða í grunnskólum Garðabæjar þar sem gert er ráð fyrir 8,0% hækkun. Gjaldskráin fylgdi fundarboði og er vistuð í fundargátt.

Gjaldskráin samþykkt með níu atkvæðum. Þorbjörg Þorvaldsdóttir og Harpa Þorsteinsdóttir sitja hjá.

Lögð fram gjaldskrá fyrir starfsemi frístundar þar sem gert er ráð fyrir 6,0% hækkun. Gjaldskráin fylgdi fundarboði og er vistuð í fundargátt.

Gjaldskráin samþykkt samhljóða.

Almar Guðmundsson, bæjarstjóri, fjallaði um frumvarp að fjárhagsáætlun og fór yfir vinnu við gerð fjárhagsáætlunar. Bæjarstjóri þakkaði starfsmönnum bæjarins fyrir þeirra aðkomu að gerð fjárhagsáætlunar og íbúum fyrir ábendingar sem fram komu á vef Garðabæjar. Bæjarstjóri lýsti ánægju með gott samstarf allra bæjarfulltrúa við umfjöllum um fjárhagsáætlun.

Bæjarstjóri fjallaði um helstu niðurstöður sem koma fram í frumvarpinu og greinargerð sem hefur verið uppfærð og er lögð fram nú við síðari umræðu.

Bæjarstjóri gerði grein fyrir eftirfarandi tillögum að breytingum við frumvarpið eins og það var lagt fram við fyrri umræðu.

A sjóður skv. fyrri umræðu 83.283.000

Tekjur:
Fasteignaskattur á íbúðarhúsnæði 23.328.000
Breyting á sorphirðu og gjaldskrá -98.023.088
Útsvarstekjur hækkun -80.000.000
Breyting á tekjum -154.695.088

Gjöld
Mannauðsmál/heilsustyrkir of. 25.000.000
Farsæld barna viðbót 9.000.000
Stöðugildi sviðsstjóra (nýtt starf) 20.000.000
Tekjutenging hvatapeninga 5.000.000
Annað, ýmislegt 5.000.000
Breyting á útgjöldum 64.000.000

Afkoma eftir breytingar A-hluti
Útkoma skv. fyrri umræðu 83.283.000
Breytingar á tekjum -154.695.088
Breytingar á útgjöldum 64.000.000
Afkoma A sjóðs eftir breytingar -7.412.088

A og B hluti skv. fyrri umræðu -578.800.000
Tekjur:
Breyting á vatnsgjaldi 46.000.000
Breyting á fráveitugjaldi 60.027.400
Breyting á tekjum 106.027.400
Gjöld:
Millifærður kostnaður A- hluta -41.400.000

Afkoma A og B sjóðs eftir breytingar -521.584.688


Til máls tóku.

Þorbjörg Þorvaldsdóttir, tók til máls og lagði fram eftirfarandi bókun.

„Fjárhagsáætlun Garðabæjar 2024 litast af því að bærinn er í mikilli uppbyggingu samhliða óhagstæðu fjármálaumhverfi.
Það sem Garðabæjarlistinn lagði megináherslu á í aðdraganda fjárhagsáætlunarinnar var að rekstri A-sjóðs yrði komið á réttan kjöl. Þá vildum við að komið væri til móts við barnafjölskyldur bæði með gjaldskrám og hvatapeningum og að unnið yrði að því að koma af stað ungmennahúsi og menningarhúsi í bænum í langtímaáætlun. Einnig höfum við talað fyrir bættum samgöngum milli hverfa, bæði fyrir almenningssamgöngum og hjólreiðainnviðum.
Álagning útsvars hækkar umtalsvert samhliða hagræðingu þvert á öll svið bæjarins, en það mun skila betri afkomu A-sjóðs, sem þarf að standa styrkum fótum enda þarf hann að standa undir þeirri grunnþjónustu sem er veitt. Þetta er í samræmi við áherslur Garðabæjarlistans, en tíminn mun leiða í ljós hvort þessar aðgerðir nægi til einar og sér, en undanfarin ár hefur bilið á milli reglulegra tekna og útgjalda vegna þjónustu verið brúað með sölu á byggingarrétti.
Framkvæmdaáætlunin tekur mið af þeim framkvæmdum sem eru nú þegar í gangi og sem þarf að klára, t.d. eftirstandandi áföngum Urriðaholtsskóla og áframhaldandi endurbótum vegna myglu í Garðaskóla, en til framtíðar er horft út á Álftanes - þar sem fyrirsjáanleg fjölgun íbúa mun leiða til þess að grípa þarf til uppbyggingar. Stærri framkvæmdum sem hægt er að fresta hefur verið frestað, en haldið er í stofnframlög og fjárfestingu í félagslegu húsnæði. Þetta teljum við ábyrga nálgun.
Í haust höfum við barist sérstaklega fyrir því að gjaldskrá leikskóla verði ekki beitt sem refsivendi í tengslum við breytingar á þjónustu leikskóla, en sú gjaldskrá sem nú er samþykkt er að öllu leyti í samræmi við okkar áherslur. Fleira fólk mun líka njóta tekjutengingar. Haustið 2022 lögðum við fram tillögu um frítt í sund fyrir starfsfólk Garðabæjar og það er nú inni í fjármögnuðum tillögum sem miða að því að bæta starfsumhverfi og líðan starfsfólks.
Garðabæjarlistinn hefur ekki lagt áherslu á stórar útgjaldaaukandi tillögur í ár, enda væri það óábyrgt í núverandi aðstæðum. Við gerum okkur grein fyrir því að innviðauppbygging og fjárfestingar verða að fylgja íbúaþróun, en á sama tíma sjáum við mikla skuldaaukningu hjá bænum. Það er rétt að íbúar Garðabæjar séu meðvitaðir um þá staðreynd að Garðabær áætlar að skulda 38 milljarða í lok árs 2024. Þetta er að einhverju leyti eðlilegt í uppbyggingarfasa - en gerir það engu að síður að verkum að efnahagsástandið á hverjum tíma hefur mikil áhrif inn í bókhaldið.
Almenningssamgöngur í Urriðaholti og á Álftanesi eru ekki í samræmi við væntingar íbúa. Til staðar er pantþjónusta í þessum hverfum, en hana þarf að auglýsa miklu betur. Við í Garðabæjarlistanum teljum mikilvægt að setja það skýrt fram fyrir íbúa hversu mikil notkun á pantþjónustu myndi leiða til þess að fastur vagn verði settur á hvora leið fyrir sig. Það verður að vinna áfram að því að efla almenningssamgöngur í bænum, en við teljum að þar verði líka viðhorfsbreyting að eiga sér stað og að bærinn geti vel stuðlað að henni - t.d. með hvatningarherferðum.
Íþrótta- og tómstundaráð rýndi í haust kosti og galla við mismunandi tilhögun hvatapeninga út frá tillögu Garðabæjarlistans. Þeirri vinnu lauk með þeirri hófstilltu tillögu að gera ráð fyrir 15 þúsund kr. hækkun á hvert barn fyrir fólk sem fellur undir tiltekin tekjuviðmið, en eftir stendur góð greining á því hvernig hægt er að nýta hvatapeninga til þess að koma til móts við fleiri heimili og hvað þær tillögur kosta. Það er Garðabæjarlistanum hjartans mál að öll börn geti notið þeirra frábæru innviða sem hafa verið byggðir upp á undanförnum árum og áratugum og sem Garðabær kostar miklu til við að viðhalda og reka. Þess vegna verður hvatapeningakerfið að vera sterkt og við munum áfram berjast fyrir því. Við núverandi aðstæður er eðlilegt að forgangsraða og koma sérstaklega til móts við þau sem þurfa allra mest á auknum stuðningi að halda.
Garðabæjarlistinn vill sjá áframhaldandi áherslur sem koma sér vel fyrir tekjulægsta fólkið í bænum og barnafjölskyldur, samhliða því að viðhalda góðri þjónustu. Við viljum bæ sem er fyrir okkur öll, þar sem við upplifum öll að við tilheyrum og getum blómstrað. Þar sem fjölbreyttir hlutir gerast og þar sem gaman er að búa. Við munum halda áfram að leggja áherslu á þétt en sanngjarnt aðhald við meirihlutann. Við munum áfram tala fyrir okkar gildum og stefnu Garðabæjarlistans, sem er í anda félagshyggju. Við teljum fjárhagsáætlun raunhæfa og ábyrga, eins og staðan er, og því samþykkjum við hana.“


Guðlaugur Kristmundsson, tók til máls og lagði fram eftirfarandi bókun.

„Fjárhagsáætlun Garðabæjar fyrir árið 2024 markar tímamót í rekstri bæjarins og staðfestir þann málflutning sem fulltrúar Viðreisnar hafa á síðustu tveimur kjörtímabilum bent á, ýmist með gagnrýni sinni eða lagt fram í tillögum.
Við höfum gagnrýnt að eignasala hafi staðið undir rekstrarkostnaði bæjarins og hlutum bágt fyrir. Við vöktum athygli á að viðhaldi skólahúsnæðis væri ábótavant og því miður stöndum við frammi fyrir erfiðum og risastórum vanda þar. Við gagnrýndum hvernig farið var af stað í byggingu Miðgarðs og höfðum áhyggjur af áhrifum þess á fjárhagsstöðu sveitarfélagsins í framtíðarfjárhagstöðu bæjarins. Okkur var svarað með skætingi og hroka um að fjárhagsstaða sveitarfélagsins væri sterk. Við stöndum uppi með marga ónýtta fermetra í því húsnæði í dag en á sama tíma allt of marga óbyggða fermetra undir skólahúsnæði. Við höfum talað fyrir því að styrkja bæjarskrifstofurnar með fjölgun starfsmanna og sterkari sviðum í þeim tilgangi að fylgja eftir verkefnum og skynsamlegri notkun fjármuna í rekstur. Í undirbúningi þessarar fjárhagsáætlunar höfum við komist að því að hér hafa verið tækifæri í að fara enn betur með fjármuni bæjarins, miklu fyrr en kom að fjárhagsáætlanagerð. Viðreisn hefur gagnrýnt þann vaxtakostnað sem fylgir íslenskri krónu, en rekstraruppgjör og fjárhagsáætlanir Garðabæjar staðfesta málflutning okkar einu sinni enn. Vaxtakostnaður þessa sveitarfélags er okkur allt of hár og við þurfum að ráðast að rót vandans sem samfélag. Vaxtakostnaðurinn er allt of hár fyrir sveitarfélag í miklum vexti sem stendur úti í miðri á við uppbyggingu innviða og öðrum fjárfestingum. Sveitarfélag sem fyrirséð er fyrir að getur verið það sveitarfélag sem getur vaxið mest á öllu landinu, og því munu fylgja sár og hár vaxtakostnaður.
Viðreisn samþykkir fjárhagsáætlun Garðabæjar fyrir árið 2024, en með því erum við hvorki að fagna auknum álögum á íbúa né aðferðafræðinni við undirbúning þessarar áætlunar. Við viljum áfram sjá gott samstarf milli allra flokka í bæjarstjórn við fjárhagsáætlanagerð í framtíðinni, en teljum að hér megi gera betur. Viðreisn samþykkir fjárhagsáætlun Garðabæjar því hún fjármagnar og heldur vel utan um lögbundin verkefni sveitarfélagsins, hún bregst við erfiðum fjárhagsaðstæðum sem við erum stödd í og viðurkennir að þetta sveitarfélag hefur svigrúm umfram önnur til þess að fjármagna þau verkefni sem við sem sveitarfélög berum ábyrgð á.“

Björg Fenger, tók til máls og lagði fram eftirfarandi bókun.

„Fjárhagsáætlun Garðabæjar fyrir árið 2024 endurspeglar áherslur bæjarfulltrúa Sjálfstæðisflokksins um ábyrgan rekstur með það að leiðarljósi að vellíðan og lífsgæði bæjarbúa verði tryggð til framtíðar.
Langvarandi óvissa í alþjóða- og efnahagsmálum, ágreiningur varðandi fjárhagslegt uppgjör milli ríkis og sveitarfélaga í málefnum fatlaðs fólks ásamt ört stækkandi bæjarfélagi þar sem íbúum með ung börn fjölgar, eru einkennandi fyrir aðstæður sveitarfélagsins. Við teljum því mikilvægt að grípa nú til fjölbreyttra ráðstafana til að tryggja áfram öryggi, festu og skilvirkni í rekstri bæjarins.
Þótt staða bæjarsjóðs Garðabæjar sé sterk teljum við það vera skyldu bæjarstjórnar að laga reksturinn að breyttum forsendum og þeim efnahagsaðstæðum sem við blasa. Hagræðing í rekstri sveitarfélagsins, hækkun álagningarhlutfalls útsvars og tímabundinn samdráttur í fjárfestingum bæjarsjóðs eru mikilvægir þættir í þeirri aðlögun.
Þrátt fyrir hagræðingu er í áætluninni staðinn vörður um lögbundna þjónustu og megináhersla áfram lögð á farsæld barna í öllu skóla- og tómstundastarfi. Gjaldskrárhækkunum er stillt í hóf. Dvalargjöld í leikskóla lækka verulega upp að 37 klst. vistunartíma, eru óbreytt að krónutölu fyrir 38 klst. vistun og hækka einungis sem nemur verðlagsþróun fyrir 39 og 40 klst. vistun.
Álögur eru áfram lágar. Álagningarhlutfall útsvars er lægst í Garðabæ meðal tíu stærstu sveitarfélaganna og fasteignaskattur er sá lægsti. Til að tryggja að hækkun fasteignamats lendi ekki að fullu á íbúum bæjarins er álagningarhlutfall fasteignaskatts, vatns- og fráveitugjalds lækkað.
Áherslur okkar bæjarfulltrúa Sjálfstæðisflokksins eru eftir sem áður að halda álögum í Garðabæ sem lægstum meðal stærstu sveitarfélaga landsins, að þjónustukannanir staðfesti áfram mikla ánægju íbúa með þá þjónustu sem bærinn veitir og að íbúar séu ávallt mjög ánægðir með Garðabæ sem sveitarfélag til að búa í.“

Þorbjörg Þorvaldsdóttir, tók til máls.

Guðlaugur Kristmundsson, tók til máls.

Sigríður Hulda Jónsdóttir, tók til máls.

Gunnar Valur Gíslason, tók til máls.

Brynja Dan Gunnarsdóttir, tók til máls.

Almar Guðmundsson, tók til máls.

Guðlaugur Kristmundsson tók aftur til máls.

Þorbjörg Þorvaldsdóttir tók aftur til máls.

Almar Guðmundsson, tók til máls.

Í lok umræðu um fjárhagsáætlun þakkaði forseti bæjarfulltrúum gott samstarf við undirbúning og afgreiðslu fjárhagsáætlunar. Einnig þakkaði forseti starfsmönnum bæjarins fyrir þeirra vinnu við gerð fjárhagsáætlunar og íbúum fyrir ábendingar sem sendar voru á vef Garðabæjar.

Tillaga um breytingar á frumvarpi að fjárhagsáætlun er samþykkt samhljóða.

Bæjarstjórn samþykkir framkvæmdayfirlit fjárhagsáætlunar með framkomnum breytingum.

Bæjarstjórn samþykkir frumvarp að fjárhagsáætlun með framkomnum breytingartillögum sem fjárhagsáætlun Garðabæjar fyrir árið 2024-2027.

Niðurstöður rekstrarreiknings fyrir A og B hluta samkvæmt fjárhagsáætlun Garðabæjar fyrir árið 2024- 2027 eru:

2024 2025 2026 2027
Tekjur: 28.510.347 30.148.818 31.779.892 33.494.553
Gjöld: 24.079.699 25.526.739 26.941.200 28.413.965
Rekstrarniðurstaða f. afskriftir: 4.430.648 4.622.079 4.838.693 5.080.588

Afskriftir (1.745.190) (1.921.108) (2.090.289) (2.272.425)

Rekstrarniðurst. án fjárm.tekna/gjalda 2.685.458 2.700.972 2.748.404 2.808.163

Fjármunatekjur og (fjármagnsgjöld) (2.163.874) (2.065.673) (1.925.080) (2.005.753)

Rekstrarniðurstaða 521.584 635.299 823.323 802.410

Framkvæmdir 4.997.000 5.050.000 5.250.000 5.160.000

Eftirfarandi tillaga lögð fram. Tillagan fylgdi fundarboði og er vistuð í fundargátt.

Fasteignaskattur skal vera 0,163% af fasteignamati íbúða og íbúðarhúsa ásamt lóðarréttindum, erfðafestulanda og jarðeigna, sbr. a-lið 3. gr. laga um tekjustofna sveitarfélaga nr. 4/1995.

Fasteignaskattur skal vera 1,52% af öðrum fasteignum, sem metnar eru í fasteignamati, sbr. c-lið 3. gr. laga um tekjustofna sveitarfélaga nr. 4/1995.

Leigugjald á íbúðarhúsalóðum Garðabæjar skal vera 0,4% af fasteignamati lóðar og er þá ekki nýtt að fullu heimild bæjarins sem er 1,0% samkvæmt niðurstöðu í matsgerð dómkvaddra manna.

Leigugjald á atvinnuhúsalóðum Garðabæjar skal vera 1,0% af fasteignamati lóðar, samkvæmt niðurstöðu í matsgerð dómkvaddra manna.

Vatnsgjald skal vera 0,074% af fasteignamati húsa ásamt lóðarréttindum, sbr. heimild í reglugerð um vatnsveitur. [Sjá gjaldskrá]
Aukavatnsgjald skal á árinu 2024 vera 35,5 kr/tonn m.v. BVT í nóvember 2023.
Á Álftanesi skal vatnsgjald vera samkvæmt gjaldskrá Orkuveitu Reykjavíkur sem innheimtir vatnsgjald samkvæmt samningi.

Fráveitugjöld skulu vera 0,078% af fasteignamati húsa ásamt lóðarréttindum, sbr. samþykkt um fráveitu í Garðabæ nr. 282/2005. [Sjá gjaldskrá]

Á Álftanesi skal rotþróargjald vera kr. 36.500.

Sorphirðugjald skal vera samkvæmt sérstakri gjaldskrá.

Taðþróargjöld í hesthúsahverfi Andvara skulu vera kr. 371.000 á hvert hús. [Sjá gjaldskrá].

Fasteignaskattur og fráveitugjald sem tekjulágum elli- og örorkulífeyrisþegum er gert að greiða skal lækka að teknu tilliti til viðmiðunartekna. Bæjarstjórn samþykkir að fela bæjarráði að ákvarða viðmiðunartekjur samkvæmt reglum um lækkun fasteignaskatts elli- og örorkulífeyrisþega.

Gjalddagar fasteignagjalda á árinu 2024 verða 15. janúar, 15. febrúar, 15. mars, 15. apríl, 15. maí, 15. júní, 15. júlí, 15. ágúst, 15. september og 15. október.

Bæjarstjórn samþykkir samhljóða tillögu um álagningu fasteignagjalda 2024.

Lögð fram samþykkt um breytingu á gjaldskrá vatnsgjalds þar sem fram kemur að vatnagjald verði 0,074% af fasteignamati húsa og lóða. Gjaldskráin fylgdi fundarboði og er vistuð í fundargátt.

Samþykkt um breytingu á gjaldskrá vatnsgjalds samþykkt samhljóða.

Lögð fram gjaldskrá um hreinsun taðþróa í hesthúsahverfinu á Kjóavöllum þar sem fram kemur að taðþróargjald verði kr. 371.000. Gjaldskráin fylgdi fundarboði og er vistuð í fundargátt.

Gjaldskráin samþykkt samhljóða.

Lagðar fram reglur um tekjutengingu afslátta af leikskólagjöldum, gjöldum frístundaheimila og gjöldum til dagforeldra. Reglurnar fylgdu fundarboði og eru vistaðar í fundargátt.

Reglurnar samþykktar samhljóða.

Lúðvík Hjalti Jónsson fjármálastjóri Garðabæjar kynnti fjárhagsáætlun Garðabæjar 2024.

Lúðvík Hjalti Jónsson, fjármálastjóri Garðabæjar kynnti fjárhagsáætlun Garðabæjar 2024.

Farið yfir tillögur um álagningu fasteignaskatts og þjónustugjalda ásamt tillögum um breytingar við frumvarp að fjárhagsáætlun sem verða til afgreiðslu við síðari umræðu um fjárhagsáætlun á fundi bæjarstjórnar 7. desember nk.

Lagt fram yfirlit yfir mál sem vísað hefur verið til afgreiðslu fjárhagsáætlunar.

Lúðvík Hjalti Jónsson, fjármálastjóri sat fund bæjarráðs undir þessum dagskrárlið.

Sviðsstjóri umhverfissviðs gerði grein fyrir tillögu að gjaldskrá sorpgjalds sem byggir á að því að íbúar greiði samkvæmt gjaldskrá sem næst raunkostnað fyrir þjónusta við losun heimilsúrgangs, sbr. lög 103/2021 um breytingu á lögum um hollustuhætti og mengunarvarnir, lögum um meðhöndlun úrgangs og lögum um úrvinnslugjald.

Bæjarstjóri gerði grein fyrir drögum að framkvæmdaáætlun fyrir ári 2024-2027 og tillögum að hagræðingu í fjárhagsáætlun 2024 samtals að fjárhæð 500 mkr.

Í fjarveru sviðsstjóra velferðarsviðs fór bæjarstjóri yfir tillögur sviðsins að hagræðingu. Sviðsstjóri umhverfissviðs og sviðsstjóri fræðslu- og menningarsviðs mgerðu grein fyrir tillögum sinna sviða að hagræðingu.

Gert er ráð fyrir að á fundi bæjarráðs 5. desember nk. verði lagðar fram tillögur að breytingum ásamt frumvarpi að fjárhagsáætlun með breytingum. Síðari umræða um fjárhagsáætlun er fyrirhuguð á fundi bæjarstjórnar 7. desember nk.

Lúðvík Hjalti Jónsson, fjármálastjóri sat fund bæjarráðs undir þessum lið.

Sviðsstjórar fóru yfir helstu þætti í greinargerð með frumvarpi að fjárhagsáætlun og gerðu nánari grein fyrir einstaka rekstrareiningum.

Farið var yfir yfirlit yfir breytingar á gjaldskrám og lagt fram yfirlit yfir mál sem hefur verið vísað til skoðunar við afgreiðslu fjárhagsáætlunar

Lúðvík Hjalti Jónsson, fjármálastjóri sat fund bæjarráðs undir þessum dagskrárlið.

Almar Guðmundsson, bæjarstjóri gerði grein fyrir eftirfarandi tillögu um álagningu útsvars á árinu 2024.

„Bæjarstjórn Garðabæjar samþykkir að álagningarhlutfall útsvars verði 14,48% á tekjur manna á árinu 2024 samkvæmt heimild í 23. gr. laga um tekjustofna sveitarfélaga nr. 4/1995, sbr. 24. gr. laganna. Samþykkt bæjarstjórnar skal tilkynnt fjármála- og efnahagsráðuneytinu fyrir 15. desember 2023 samkvæmt 2. mgr. 24. gr. laga um tekjustofna sveitarfélaga.“

Sara Dögg Svanhildardóttir tók til máls.

Guðfinnur Sigurvinsson, tók til máls.

Björg Fenger, tók til máls.

Sara Dögg Svanhildardóttir, tók til máls að nýju.

Þorbjörg Þorvaldsdóttir, tók til máls.

Tillagan samþykkt samhljóða.

Lögð fram eftirfarandi tillaga um álagningu útsvars.

„Bæjarstjórn Garðabæjar samþykkir að álagningarhlutfall útsvars verði 14,48% á tekjur manna á árinu 2024 samkvæmt heimild í 23. gr. laga um tekjustofna sveitarfélaga nr. 4/1995, sbr. 24. gr. laganna. Samþykkt bæjarstjórnar skal tilkynnt fjármála- og efnahagsráðuneytinu fyrir 15. desember 2023 samkvæmt 2. mgr. 24. gr. laga um tekjustofna sveitarfélaga.“

Bæjarráð vísar tillögunni til afgreiðslu bæjarstjórnar.

Lagt fram yfirlit yfir ábendingar sem borist hafa fá íbúum varðandi fjárhagsáætlun fyrir árið 2024

Bæjarstjóri fór yfir helstu atriði og dagsetningar varðandi vinnu við fjárhagsáætlun fram að seinni umræðu í bæjarstjórn sem er fyrirhuguð 7. desember nk.

Farið yfir deildaryfirlit og niðurstöður einstaka málaflokka.

Bæjarráð mun fjalla um fjárhagsáætlun á næstu fjórum fundum sínum og m.a. taka nánar fyrir erindi sem vísað hefur verið til afgreiðslu fjárhagsáætlunar, ábendingar íbúa, álagningu útsvars, álagningu fasteignagjalda og gjaldskrár.

Síðari umræða um fjárhagsáætlun er fyrirhuguð á fundi bæjarstjórnar 7. desember 2023.

Almar Guðmundsson, bæjarstjóri fylgdi úr hlaði frumvarpi að fjárhagsáætlun Garðabæjar fyrir árin 2024 - 2027. Bæjarstjóri lagði fram greinargerð þar sem helstu markmið og niðurstöður eru raktar nánar.

Bæjarstjóri lagði til að frumvarpinu verði vísað til síðari umræðu í bæjarstjórn.

Sara Dögg Svanhildardóttir, tók til máls og lagði fram eftirfarandi bókun.

„Ég fagna því að Sjálfstæðisflokkurinn, meirihlutinn í bæjarstjórn Garðabæjar, hefur séð og viðurkennt það sem við í Viðreisn höfum kallað eftir um langt skeið. Að tekjur eru nauðsynlegar til þess að halda úti góðri þjónustu í þágu allra íbúa en ekki síður til þess að ástunda ábyrga fjármálastjórn.“

Þorbjörg Þorvaldsdóttir, tók til máls og lagði fram eftirfarandi bókun.

„Nú gerum við fjárhagsáætlun fyrir Garðabæ í mjög erfiðu umhverfi. Garðabær hefur stækkað mikið á undanförnum árum og við stöndum frammi fyrir því að þurfa að byggja upp innviði fyrir stór hverfi á sama tíma og fjármagnskostnaður hefur aukist gífurlega. Garðabær skuldar mjög háar fjárhæðir - um 1,7 milljón króna á hvern íbúa ef við horfum á ársreikning síðasta árs - og skuldir okkar munu fyrirsjáanlega vaxa áfram á næstu árum samhliða uppbyggingu.
Líkt og Garðabæjarlistinn hefur ítrekað nefnt hefur rekstur grunnþjónustu ekki verið sjálfbær undanfarin ár, en sala byggingarréttar hefur komið inn í bókhaldið á móti. Það var að okkar mati alltaf ljóst að þetta gengi ekki til lengri tíma og það er ágætt að Sjálfstæðisflokkurinn sjái það líka og taki nú það skref að leggja til hækkun á álagningu útsvars og taka rekstur A-sjóðs föstum tökum.
Afstaða Garðabæjarlistans á milli umræðna er skýr. Við þurfum við gerð fjárhagsáætlunar að halda þjónustu og rekstri bæjarins stöðugum og fjárfesta áfram í nauðsynlegum innviðum, á sama tíma og við verjum eftir fremsta megni þá hópa samfélagsins okkar sem hafa minnsta svigrúmið til þess að mæta því efnahagsástandi sem nú er: fólk sem ef til vill er nýbúið að koma þaki yfir höfuðið, sem hátt vaxtastig bítur á, fólk sem þarf fjölbreyttari húsnæðiskosti, fólkið sem finnur hvað mest fyrir verðhækkunum um allt samfélagið. Þetta er ærið verkefni og við í Garðabæjarlistanum vonum að í samtölum okkar við meirihlutann milli umræðna náist samstaða um þessi mál.“

Gunnar Valur Gíslason, tók til máls og lagði fram eftirfarandi bókun:

„Leiðarljós Sjálfstæðisflokksins í Garðabæ er ábyrgur rekstur bæjarfélagsins, lágar skattálögur og framúrskarandi þjónusta við bæjarbúa.
Ábyrgur rekstur, við mun meiri og lengur varandi óvissu í ytra umhverfi og efnahagsmálum undanfarin ár samfara ört stækkandi og yngri bæ, kallar nú á aðlögun rekstrar bæjarins að breyttum aðstæðum. Há verðbólga og gríðarleg hækkun vaxta ásamt miklum launahækkunum og auknum þunga velferðarmála hafa leitt til versnandi rekstrarskilyrða og við þeirri stöðu viljum við bregðast tímanlega og af ábyrgð.
Við ætlum að stórbæta rekstur A hluta bæjarsjóðs með hagræðingu í rekstri og hækkun álagningarhlutfalls útsvars ásamt því að draga tímabundið úr framkvæmdum, án þess þó að draga úr viðhaldi og endurbótum á fasteignum bæjarins sem ráðist var í af miklum krafti á árinu 2023.
Sú stefna okkar, bæjarfulltrúa Sjálfstæðisflokksins, er óbreytt að álagningarhlutfall útsvars í Garðabæ sé hið lægsta meðal stærstu sveitarfélaga landsins, að þjónustukannanir staðfesti áfram mikla ánægju íbúa með þá þjónustu sem bærinn veitir og að íbúar séu ávallt mjög ánægðir með Garðabæ sem sveitarfélag til að búa í.
Frumvarp að fjárhagsáætlun Garðabæjar fyrir árið 2024 og þrjú næstu ár sýnir að bæjarsjóður Garðabæjar stendur vel fjárhagslega. Þrátt fyrir að skuldaviðmið bæjarsjóðs hafi hækkað samhliða örum vexti bæjarins undanfarin ár er skuldaviðmið lágt og vel undir opinberum viðmiðunarmörkum. Þessi góða staða kemur sér vel. Uppbygging íbúðarsvæða er í fullum gangi og þörf verður fyrir áframhaldandi fjárfestingu í innviðum bæjarins á næstu árum.
Þótt staða bæjarsjóðs Garðabæjar sé sterk er það skylda bæjarstjórnar að laga reksturinn að breyttum forsendum og þeim efnahagsaðstæðum sem við blasa. Það hefur bæjarstjórn Garðabæjar áður gert með góðum árangri og staðið þannig vörð um hátt þjónustustig og lífsgæði fyrir íbúa í bænum.“

Sigríður Hulda Jónsdóttir, tók til máls.

Sara Dögg Svanhildardóttir, tók til máls að nýju,

Guðfinnur Sigurvinsson, tók til máls.

Harpa Þorsteinsdóttir, tók til máls.

Almar Guðmundsson, tók til máls að nýju.

Harpa Þorsteinsdóttir, tók til máls að nýju.

Sara Dögg Svanhildardóttir, tók til máls að nýju.

Sigríður Hulda Jónsdóttir, tók til máls að nýju.

Gunnar Valur Gíslason, tók til máls að nýju.

Almar Guðmundsson, tók til máls að nýju.

Samkvæmt frumvarpinu eru niðurstöður A og B hluta þessar:
2024 2025 2026 2027
Tekjur: 28.583.509 30.221.487 31.850.576 33.563.009
Gjöld: 24.095.645 25.544.421 26.961.199 28.436.531
Rekstrarniðurstaða f. afskriftir: 4.487.864 4.677.066 4.889.377 5.126.476

Afskriftir (1.745.190) (2.018.873) (2.177.992) (2.343.685)

Rekstrarniðurst. án fjárm.tekna/gjalda 2.742.674 2.658.693 2.711.385 2.782.793

Fjármunatekjur og (fjármagnsgjöld) (2.163.873) (2.065.114) (1.923.667) (1.985.413)

Rekstrarniðurstaða 578.800 593.578 787.719 797.380

Framkvæmdir 4.977.000 4.965.000 4.886.000 5.083.000

Bæjarstjórn samþykkir að vísa frumvarpi að fjárhagsáætlun Garðabæjar fyrir árin 2024 - 2027 til síðari umræðu í bæjarstjórn og til frekari vinnslu í bæjarráði.

Bæjarstjóri fór almennt yfir meginatriði varðandi vinnu við gerð frumvarps að fjárhagsáætlun 2024.

Lúðvík Hjalti Jónsson, fjármálastjóri kom á fundi bæjarráðs og gerði grein fyrir tillögu að frumvarpi að fjárhagsáætlun Garðabæjar fyrir árið 2024 og árin 2025 - 2027, ásamt forsendum og framkvæmdayfirliti.

Niðurstöður rekstrarreiknings fyrir A og B hluta samkvæmt tillögu að fjárhagsáætlun Garðabæjar fyrir árið 2024 eru:

Heildartekjur 28.583.509 þkr.
Heildargjöld 24.095.645 þkr.
Rekstrarniðurstaða fyrir afskriftir 4.487.864 þkr.

Afskriftir (1.745.190) þkr.
Rekstrarniðurstaða án fjármunatekna og fjármagnsgjalda 2.742.674 þkr.

Fjármunatekjur (fjármagngjöld) (2.163.873) þkr.

Rekstrarniðurstaða 578.800 þkr.

Framkvæmdir - samtals A og B hluti 4.977.000 þkr.

Bæjarráð samþykkir að vísa tillögu að frumvarpi að fjárhagsáætlun Garðabæjar 2024 (2024-2027) til fyrri umræðu i bæjarstjórn samkvæmt 3. mgr. 62. gr. sveitarstjórnarlaga nr. 138/2011, sbr. einnig 2. mgr. 40. gr. um stjórn Garðabæjar nr. 1182/2022. Fyrri umræða í bæjarstjórn er fyrirhuguð fimmtudaginn 2. nóvember 2023.

Á fund bæjarráðs kom Lúðvík Hjalti Jónsson, fjármálastjóri og gerði grein fyrir drögum í vinnslu að frumvarpi að fjárhagsáætlun Garðabæjar fyrir árið 2024. Farið var yfir drög að rekstrarreikningi A og B hluta ásamt sundurliðun skatttekna. Frumvarp að fjárhagsáætlun verður lagt fram á fundi bæjarráðs 31. október 2023 og til fyrri umræðu á fundi bæjarstjórnar 2. nóvember 2023.

Lúðvík Hjalti Jónsson, fjármálastjóri gerði grein fyrir forsendum og vinnuferlum vegna vinnu við gerð fjárhagsáætlunar 2024 (2024-2027). Fjárhagsáætlun verður lögð fram í bæjarráði fyrir lok október 2023 og tekin til fyrri umræðu í bæjarstjórn 2. nóvember 2023. Síðari umræða í bæjarstjórn er fyrirhuguð 7. desember 2023.

Bæjarráð samþykkir forsendur og vinnuferla fjárhagsáætlunar 2024.

Fylgiskjöl

• Vinnuferli2024.pdf
• Forsendur fjárhagsáætlunar 2024_bra_12.09.2023.pdf

Lagt fram minnisblað Sambands íslenskra sveitarfélaga varðandi forsendur fjárhagsáætlana sveitarfélaga fyrir árin 2024 - 2027.