41 (2094). fundur

Bæjarstjóri fór almennt yfir meginatriði varðandi vinnu við gerð frumvarps að fjárhagsáætlun 2024.

Lúðvík Hjalti Jónsson, fjármálastjóri kom á fundi bæjarráðs og gerði grein fyrir tillögu að frumvarpi að fjárhagsáætlun Garðabæjar fyrir árið 2024 og árin 2025 - 2027, ásamt forsendum og framkvæmdayfirliti.

Niðurstöður rekstrarreiknings fyrir A og B hluta samkvæmt tillögu að fjárhagsáætlun Garðabæjar fyrir árið 2024 eru:

Heildartekjur 28.583.509 þkr.

Heildargjöld 24.095.645 þkr.

Rekstrarniðurstaða fyrir afskriftir 4.487.864 þkr.

Afskriftir (1.745.190) þkr.

Rekstrarniðurstaða án fjármunatekna og fjármagnsgjalda 2.742.674 þkr.

Fjármunatekjur (fjármagngjöld) (2.163.873) þkr.

Rekstrarniðurstaða 578.800 þkr.

Framkvæmdir - samtals A og B hluti 4.977.000 þkr.

Bæjarráð samþykkir að vísa tillögu að frumvarpi að fjárhagsáætlun Garðabæjar 2024 (2024-2027) til fyrri umræðu i bæjarstjórn samkvæmt 3. mgr. 62. gr. sveitarstjórnarlaga nr. 138/2011, sbr. einnig 2. mgr. 40. gr. um stjórn Garðabæjar nr. 1182/2022. Fyrri umræða í bæjarstjórn er fyrirhuguð fimmtudaginn 2. nóvember 2023.

Lúðvík Hjalti Jónsson, fjármálastjóri gerði grein fyrir tillögu um lántöku hjá Lánasjóði sveitarfélaga samtals að fjárhæð kr. 1.000.000.000. Lánið er til 7 ára og endurgreitt með einni afborgun í lok lánstíma 2. nóvember 2030. Lánið er bundið vísitölu neysluverðs til verðtryggingar með grunnvísitölu í nóvember 2023 sem er 599,9 stig. Vextir eru verðtryggðir og reiknast af höfuðstól lánsins frá útborgunardegi. Vextirnir eru 3,70% árlegir og eru fastir allan lánstímann.

Í skilmálum lánssamnings kemur fram að tilgangur lánsins er fjármögnun á verkefni sem hefur almenna efnahagslega þýðingu, nánar tiltekið fjármögnun framkvæmda við byggingu Urriðaholtsskóla. Fyrir liggja drög að lánssamningi nr. 2311_50.

Bæjarráð vísar afgreiðslu málsins til bæjarstjórnar.

Lögð fram umsókn UMF-Stjörnunnar um tímabundið áfengisleyfi í Miðgarði á villibráðakvöldi sem halda á 3. nóvember 2023.

Bæjarráð gerir ekki fyrir sitt leyti athugasemdir við að umbeðið leyfi verði veitt.

Lögð fram umsókn UMF-Stjörnunnar um tímabundið áfengisleyfi í Miðgarði á herrakvöldi sem halda á 17. nóvember 2023.

Bæjarráð gerir ekki fyrir sitt leyti athugasemdir við að umbeðið leyfi verði veitt.

Í bréfinu er farið fram á að tryggt verði fjármagn í fjárhagsáætlun 2024 til uppbyggingar reiðstíga í upplandi Garðabæjar.

Bæjarráð vísar bréfinu til nánari skoðunar við afgreiðslu fjárhagsáætlunar 2024.

Sara Dögg Svanhildardóttir, bæjarfulltrúi Viðreisnar gerði grein fyrir fyrirspurninni og kallaði eftir samanburði á launum stjórnenda og eftir atvikum annarra starfsheita.

Bæjarstjóri upplýsti að fyrir liggur vottað jafnlaunakerfi sem Garðabær starfrækir sem nær til allra starfsmanna sveitarfélaga.

Bæjarráð vísar fyrirspurninni til bæjarstjóra.

Lagt fram.

Í fylgiskjali með tilkynningunni kemur fram að áætlað framlag til Garðabæjar árið 2023 er 187,6 mkr. sem er hækkun um 23,5 mkr. frá fyrri áætlun.

Í fylgiskjali með tilkynningunni kemur fram að áætlað framlag til Garðabæjar árið 2024 er 1.285,2 mkr.

Lögð fram tilkynning frá innviðaráðuneytinu varðandi birtingu frumvarps til laga um breytingar á ýmsum lögum til eflingar á brunavörnum og öryggi fólks sem hefur fasta búsetu í atvinnuhúsnæði. Í frumvarpinu er lagt til að þeim sem hafi fasta búsetu í atvinnuhúsnæði og eru skráðir ótilgreint í hús í sveitarfélaginu bjóðist að skrá sig með sérstakt aðsetur hjá Þjóðskrá Íslands. Jafnframt verði lögð ábyrgð á eiganda atvinnuhúsnæðis og íbúðarhúsnæðis að tilkynna til Þjóðskrár Íslands hverjir búi í atvinnuhúsnæði á hans vegum.

Lagðar fram.