34. (2087). fundur

Lúðvík Hjalti Jónsson, fjármálastjóri kom á fund bæjarráðs og gerði grein fyrir tillögu um lántöku hjá Lánasjóði sveitarfélaga samtals að fjárhæð kr. 900.000.000. Lánið er jafngreiðslulán með lokagjalddaga 20. febrúar 2039, verðtryggt með 3,70% föstum vöxtum og án uppgreiðsluheimildar. Í skilmálum lánssamnings kemur fram að tilgangur lánsins er fjármögnun á verkefni sem hefur almenna efnahagslega þýðingu, nánar tiltekið fjármögnun framkvæmda við byggingu Urriðaholtsskóla. Fyrir liggja drög að lánssamningi nr. 2309_40.

Bæjarráð vísar afgreiðslu málsins til bæjarstjórnar.

Lúðvík Hjalti Jónsson, fjármálastjóri gerði grein fyrir forsendum og vinnuferlum vegna vinnu við gerð fjárhagsáætlunar 2024 (2024-2027). Fjárhagsáætlun verður lögð fram í bæjarráði fyrir lok október 2023 og tekin til fyrri umræðu í bæjarstjórn 2. nóvember 2023. Síðari umræða í bæjarstjórn er fyrirhuguð 7. desember 2023.

Bæjarráð samþykkir forsendur og vinnuferla fjárhagsáætlunar 2024.

Fylgiskjöl

• Vinnuferli2024.pdf
• Forsendur fjárhagsáætlunar 2024_bra_12.09.2023.pdf

Bæjarráð samþykkir afgreiðslu byggingarfulltrúa að veita Guðmundi Rúnari Kristjánssyni, kt. 230279-3309, leyfi til að byggja bílskúr á lóðinni að Fífumýri 15.

Bæjarráð samþykkir afgreiðslu byggingarfulltrúa að veita Svölu B. Heiðberg Guðmundsdóttur, kt. 250395-2139, leyfi til að byggja parhús á lóðinni að Kumlamýri 1.

Bæjarráð samþykkir afgreiðslu byggingarfulltrúa að veita Ragnhildi H. Heiðberg, kt. 010365-3929, leyfi til að byggja parhús á lóðinni að Kumlamýri 3.

Bæjarráð samþykkir afgreiðslu byggingarfulltrúa að veita LDX19 ehf., kt. 420511-0270, leyfi til að loka opnu rými og breyta innra skipulagi atvinnuhúsnæðis að Skeiðarási 8.

Bæjarráð samþykkir afgreiðslu byggingarfulltrúa að veita Stefáni Stephensen, kt. 081252-2469, leyfi til að breyta kjallararými í íbúðarými einbýlishússins að Súlunesi 21.

Lagt fram bréf innviðaráðuneytis varðandi boð á ársfund Jöfnunarsjóðs sveitarfélaga sem verður haldinn kl. 16:00, miðvikudaginn 20. september 2023 á Hilton Reykjavík.

Lögð fram tilkynning frá Samkeppniseftirlitinu þar sem fram kemur að eftirliti hefur lokið rannsókn á alvarlegu samráði á flutningamarkaði, sbr. ákvörðun nr. 33/2023, Alvarleg brot Samskipa á samkeppnislögum.

Lagt fram bréf Ríkisendurskoðunar þar sem farið er fram á að embættinu berist upplýsingar um fjárhæðir framlaga til stjórnmálasamtaka sem uppfylla skilyrði samkvæmt 5. gr. laga nr. 162/2006 um starfsemi stjórnmálasamtaka.

Bæjarráð felur bæjarstjóra að svara erindinu.

Fylgiskjöl

• Fyrirspurn_til_sveitarfélaga_vegna_framlaga_2022_-_Garðabær.pdf

Lagt fram bréf innviðaráðuneytis þar sem fram kemur hvatning til sveitarfélaga að setja sér málstefnu í samræmi við ákvæði 130. gr. sveitarstjórnarlaga nr. 138/2011.

Á fundi bæjarstjórnar Garðabæjar 18. ágúst 2022 samþykkti bæjarstjórn tillögu bæjarfulltrúa, Þorbjargar Þorvaldsdóttur, um að hefja vinnu við gerð málstefnu fyrir Garðabæ í samstarfi við Íslenska málnefnd.

Bæjarráð felur bæjarstjóra að hlutast til um að unnið verði að gerð draga að málstefnu fyrir Garðabæ sem lögð verði fram til afgreiðslu í bæjarráði eins fljótt og unnt er.

Fylgiskjöl

• sveitarfélögin v málstefnu.pdf
• Leiðbeiningar um mótun málstefnu_Íslensk málnefnd.pdf
• Tillaga Garðabæjarlistans um málstefnu Garðabæjar.pdf