47. (2148). fundur

Lúðvík Hjalti Jónsson, fjármálastjóri, kom á fund bæjarráðs og gerði grein fyrir eftirfarandi viðauka nr. 3 við fjárhagsáætlun Garðabæjar fyrir árið 2024. Bæjarráð samþykkir að leggja til við bæjarstjórn að samþykkja eftirfarandi viðauka nr. 3 við fjárhagsáætlun 2024 samkvæmt 2.mgr. 63.gr. sveitarstjórnarlaga nr. 138/2011.

Viðauki 3



Alþjóðaskólinn

Viðbótarframlag vegna fjölgunar nemenda í Alþjóðaskólanum umfram

fjárhagsáætlun. Alls hafa 7 nemendur bæst við.



Rekstrarframlag 18.000.000 04264-4364



Máltíðir í grunnskólum

Vegna gjaldfrjálsra skólamáltíða fellur aukinn kostnaður á Garðabæ sem nemur um 32 m.kr. þegar tekið hefur verið tillit til 91 m.kr. framlags frá Jöfnunarsjóði sveitarfélaga.



Skólamatur í grunnskólum 123.000.000 04030-9177

Endurgreiðsla Jöfnunarsjóðs sveitarfélaga -91.000.000 00100-0153

Viðbótarkostnaður Garðabæjar 32.000.000



Sumarátak vegna vinnu ungs fólks

Vegna fleiri umsókna um sumarstörf hjá Garðabæ en áætlun gerði ráð fyrir þarf að bæta við 20 m.kr.



Sumarstörf ungmenna 20.000.000 11330-1110



Nýtt vaktafyrirkomulag í sundlaugum/íþróttahúsum

Í byrjun árs 2024 var tekið upp nýtt vaktafyrirkomulag í Ásgarði og á Álftanesi vegna styttingar vinnutíma. Kostnaður er umfram áætlun. Þá hafa verið meiri skammtíma- og langtímaveikindi en gert var ráð fyrir.



Íþróttamiðstöðin Ásgarði 15.000.000 06511-

Íþróttamiðstöðin Álftanesi 25.000.000 06514-

Samtals 40.000.000



Forseta- og alþingiskosningar á árinu 2024

Kostnaður við framkvæmd kosninga er um 4 m.kr. meiri en sem nemur framlagi ríkisins.



Kosningar 4.000.000 21150-



Samkomulag um greiðslur til kennara og frestun verkfalla

Gengið hefur verið frá samkomulagi við kennara um launahækkanir afturvirkt frá júní 2024 til samræmis við hækkanir launa skv. þeim langtímasamningum sem gerðir hafa verið á vinnumarkaðnum á árinu.



Grunnskólar 136.000.000

Leikskólar 98.000.000

Tónlistarskóli 20.000.000

Einkareknir leik- og grunnskólar 47.000.000

Samtals 301.000.000



Samtals útgjaldaauki 415.000.000



Fjármögnun viðauka

Staðgreiðsla útsvars -187.000.000 (00010-0021)

Varasjóður -228.000.000 (31916-7179)

Samtals -415.000.000

Bæjarráð samþykkir að leggja til við bæjarstjórn að samþykkja tillögu skipulagsnefndar frá fundi 12. desember 2024 um breytingu á deiliskipulagi Hnoðraholts norður sem gerir ráð fyrir byggingarreit fyrir einnar hæðar viðbyggingu sunnan við hús.

Skipulagsnefnd mat tillöguna sem óverulega breytingu deiliskipulags Hnoðraholts norður í samræmi við 2. mgr. 43. gr. skipulagslaga og vísaði henni til grenndarkynningar í samræmi við 44. gr. sömu laga.

Grenndarkynna skal eigendum Hrísholts 2 og 3 og Eskiholts 2, 4, 6, 8 og 10.

Bæjarráð samþykkir að leggja til við bæjarstjórn að samþykkja tillögu skipulagsnefndar frá fundi 12. desember 2024 að breytingu á deiliskipulagi Hraunsholts eystra, sem nær til lóðanna Lækjarfit 6 og Langafit 5.

Tillagan gerir ráð fyrir að lóð Löngufitjar 5 stækki um 75 m² þ.e. 35 m² af opnu svæði og 40m² af lóð Lækjarfitjar 6. Lóðin Lækjafit 6 minnkar því um 40 m².

Ástæða tillögunnar er sú að ósamræmi reynist vera milli þinglýstra gagna og deiliskipulags og er markmiðið því að leiðrétta það.

Skipulagsnefnd mat tillöguna sem óverulega breytingu Deiliskipulags Hraunsholts eystra í samræmi við 2. mgr. 43. gr. skipulagslaga nr. 123/2010 og vísaði henni til grenndarkynningar í samræmi við 44. gr. sömu laga. Grenndarkynna skal íbúum og eigendum Lækjarfitjar 2, 4, 8 og 10 sem og Löngufitjar 7 og 9.

Bæjarráð samþykkir að leggja til við bæjarstjórn að samþykkja tillögu skipulagsnefndar frá fundi 12. desember 2024 að deiliskipulagi Vetrarmýrar og Smalaholts.

Skipulagsnefnd vísaði tillögunni til forkynningar í samræmi við 3. mgr. 40. gr. skipulagslaga nr.123/2010. Boða skal til almenns íbúafundar þar sem tillagan verður kynnt á meðan á forkynningu stendur.

Lögð fram kynning E. Sigurðssonar ehf. fyrir hönd óstofnaðs einkahlutafélags, Setursins ehf., um endurbætur og notkun Holtsbúðar 87, Klaustursins.

Biðtími og kærufrestur, sbr. 86. gr. laga um opinber innkaup nr. 120/2106, vegna útboðsins Klaustrið í Garðabæ, samstarfsverkefni um endurbætur, viðhald og rekstur eru nú liðnir.

E. Sigurðsson f.h. Setursins ehf. hafa staðfest að aðilar verkefnisins standi við framkomið tilboð.

Bæjarráð felur bæjarstjóra að ganga til samninga við E. Sigurðsson ehf. fyrir hönd Setursins ehf.

Skil starfshóps um staðarval endurvinnslustöðvar í stað stöðvar við Dalveg kynnt. Björg Fenger, bæjarfulltrúi, sat í starfshópnum f.h. Garðabæjar.

Í samantekt starfshópsins kemur fram að á lokafundi nefndarinnar í nóvember 2024 hefði Kópavogsbær lagt til að lóð á svokölluðu Glaðheimasvæði verði skoðuð nánar fyrir endurvinnslustöð í stað stöðvar við Dalveg, sem verður lokað. Glaðheimasvæðið liggur á milli Bæjarlindar og Arnarnesvegar við sveitarfélagamörk Kópavogs og Garðabæjar. Lóðin er á óbyggðum suðurhluta svæðisins upp við Arnarnesveg. Miðað er við 4.000 til 4.500 m2 lóð sem er nokkru stærra en lóðin við Dalveg. Lauslega áætlað gæti opnun nýrrar stöðvar verið um 2 - 4 árum eftir að ákvörðun er tekin. Vinna þarf nánari tíma- og kostnaðaráætlun fyrir verkefnið.

Bæjarráð vísar málinu til skoðunar hjá Skipulagsnefnd og Umhverfisnefnd.

Málefni endurvinnslustöðva - Lambhagavegur lagt fram til kynningar.

Í erindinu kemur fram að eigendafundur Sorpu bs. hefði fyrir sitt leyti staðfest bókun stjórnar Sorpu bs. frá 6. nóvember sl. með því að undirbúin verði uppbygging nýrrar endurvinnslustöðvar við Lambhagaveg verði á grundvelli sviðmyndar 1, en endanlegri ákvörðun veðri vísað til umræðu og afgreiðslu sveitarfélaganna.

Bæjarráð samþykkir fyrirliggjandi tillögu um fjármögnun uppbyggingar nýrrar endurvinnslustöðvar. Bæjarráð áréttar jafnframt bókun eigendafundar að stjórn Sorpu bs. var hvött til þess að leita leiða til að lágmarka þá fjárhæð sem taka þarf að láni vegna framkvæmda á vegum byggðasamlagsins.

Lagt fram til kynningar minnisblað um starfsemi Styrktarsjóðs Garðasóknar á árinu 2024, ásamt samþykktum fyrir styrktarsjóðinn.

Drög að samningi rædd. Málinu frestað.

Bæjarráð tekur jákvætt í erindi UMF-Stjörnunnar um að annast áramótabrennu og vísar því til afgreiðslu bæjarstjóra.

Bæjarráð vísar bréfinu til úthlutunar styrkja samkvæmt fjárhagsáætlun 2025.