8. (978). fundur

Fundargerðin sem er 5.tl. er samþykkt samhljóða.

Fundargerðin sem er 14.tl. er samþykkt samhljóða.

Björg Fenger ræddi 5.tl. Vífilsstaðir, deiliskipulag 1. áfangi og 6.tl. Garðahverfi - tillaga að breytingu á deiliskipulagi Garðahverfis vegna lóðarmarka og byggingarreita.

Guðfinnur Sigurvinsson ræddi 5.tl. Vífilsstaðir, deiliskipulag 1. áfangi.

Þorbjörg Þorvaldsdóttir ræddi 6.tl. Garðahverfi - tillaga að breytingu á deiliskipulagi Garðahverfis vegna lóðarmarka og byggingarreita. Hún áréttaði bókun Baldurs Ó. Svavarssonar frá fundi skipulagsnefndar 30. apríl 2026 um málið. Þá ræddi hún 12.tl. niðurstöður íbúaþings eldra fólks í Garðabæ 2026 og 13.tl. minnisblað um samþætta heilbrigðis- og félagsþjónustu í Garðabæ.

Guðlaugur Kristmundsson ræddi 12.tl. niðurstöður íbúaþings eldra fólks í Garðabæ 2026, 14.tl. sumarstörf í Garðabæ 2026 og 5.tl. Vífilsstaðir, deiliskipulag, 1. áfangi og lagði fram eftirfarandi bókun:

"Viðreisn í Garðabæ fagnar því að nú hefst samtal við íbúa Garðabæjar og annað áhugafólk um uppbyggingu Vífilsstaða. Viðreisn hvetur til þess að sem flestum þeim sem hafi athugasemdir eða hugmyndir sendi þær inn til vinnslu hjá skipulagsyfirvöldum bæjarins. Uppbygging mun heppnast vel í góðu samtali.

Það þarf að tryggja að við uppbyggingu á Vífilsstöðum verði skapað rými til þess að menning og viðburðir geti blómstrað, tekið á sig mynd og verið hluti af brag hverfisins. Það er mikilvægt að þessi uppbygging taki mið af því að það sé hægt að standa að viðburðum án mikils tilstands eða tilkostnaðar.

Til hamingju Garðabær með þennan áfanga. Nú hefjum við samtalið um þetta þekkta og merkilega kennileiti bæjarins."

Björg Fenger tók til máls að nýju og ræddi 6.tl. Garðahverfi - tillaga að breytingu á deiliskipulagi Garðahverfis vegna lóðarmarka og byggingarreita og áréttaði bókun meirihluta skipulagsnefndar frá fundi nefndarinnar 30. apríl 2026. Þá ræddi hún 12.tl. niðurstöður íbúaþings eldra fólks í Garðabæ 2026.

Almar Guðmundsson ræddi 5.tl. Vífilsstaðir, deiliskipulag, 1. áfangi, 9.tl. endurnýjun gatna og lagna í Garðabæ, 12.tl. niðurstöður íbúaþings eldra fólks í Garðabæ 2026 og 14.tl. sumarstörf í Garðabæ 2026.

Fundargerðin sem er 17.tl. er samþykkt samhljóða.

Afgreiðsla mála.

2512147. Vífilsstaðir, deiliskipulag, 1. áfangi.

Bæjarstjórn samþykkir afgreiðslu skipulagsnefndar frá fundi 30. apríl 2026 varðandi tillögu að deiliskipulagi 1. áfanga Vífilsstaða sem unnin hafa verið af arkitektastofunni Gláma/Kím í samstarfi við umhverfissvið. Svæðið sem tillagan nær til er um 2 hektarar að stærð og afmarkast af Spítalavegi til vesturs og suðurs, Vífilsstaðavegi til norðurs og Ungmennafélagsgarði til austurs. Innan skipulagssvæðisins standa gamla fjósið, vélageymsluhús, Búshúsið og starfsmannabústaður austan þess. Á skipulagssvæðinu er gert er ráð fyrir atvinnuhúsnæði (skrifstofuhúsnæði), sem yrði samanlagt um 6000 m² að stærð. Gert er ráð fyrir 10 nýbyggingum í tveimur samstæðum. Auk þess yrðu fjósið, vélageymsluhúsið og Búshúsið nýtt sem atvinnu- eða þjónustuhúsnæði og þau gerð upp með tilhlýðilegri virðingu. Leitast er við að nýjar byggingar falli sem best að anda staðar og þeim mikilvæga byggingararfi sem fyrirfinnst á Vífilsstöðum. Það á við um stærðir bygginga, þakform, byggðamynstur og yfirbragð. Horft er til þess að rýmið (torgið) norðan Vífilsstaðaspítala haldi sér þó hluti þess sé utan þess svæðis sem deiliskipulagsáfanginn nær til. Aðkoma verður frá tveimur hringtorgum á Vífilsstaðavegi og verður aðalaðkoma frá hringtorginu næst Reykjanesbraut. Skipulagsnefnd vísar tillögunum til forkynningar (kynningar á vinnslustigi) í samræmi við 3. mgr. 40. gr. skipulagslaga nr. 123/2010. Halda skal almennan kynningarfund á meðan á forkynningu stendur.

2010078. Garðahverfi. Tillaga að breytingu á deiliskipulagi Garðahverfis vegna lóðarmarka og byggingarreita.

Bæjarstjórn samþykkir með 9 atkvæðum (AG, BF, SHJ, MB, HBE, GVG, GS, BDG, GK) gegn 2 (ÞÞ, IA) afgreiðslu skipulagsnefndar frá fundi 30. apríl 2026 varðandi tillögu að breytingu deiliskipulags Garðahverfis að lokinni auglýsingu ásamt þeim athugasemdum og umsögnum sem borist hafa. Tillagan gerir ráð fyrir eftirfarandi breytingum á deiliskipulagsuppdrætti: Almennar breytingar: - Afmarkaðar eru lóðir utan um núverandi byggingar á svæðinu. - Nýjum lóðum fjölgar alls um 6 á eftirfarandi býlum: Katrínarkoti, Hlíð, Miðengi, Görðum, Nýjabæ og Eystri-Dysjum. - Nýjar lóðir verða um 900 m² að stærð, staðsetningu og lögun lóða og byggingarreita er breytt í kjölfar samráðs við ábúendur eða vegna fornminja. - Heimreiðum að nýjum lóðum er breytt. Stígar og aðgengi: - Bætt öryggi og aðgengi gangandi á gatnamótum Garðavegar og Garðaholtsvegar. Hraðalækkandi aðgerðir og gönguþveranir eru tilgreindar á uppdrætti á þessu svæði. - Afmörkuð er á uppdrætti gönguþverun fyrir hraðalækkandi aðgerðir þar sem göngustígur þverar Garðaveg hjá Garðakirkju. - Bætt er við stofnstíg samhliða Garðavegi og Garðaholtsvegi í samræmi við aðalskipulag. - Gönguleið meðfram Garðavegi breytt í tengistíg í samræmi við flokkun í aðalskipulagi. - Flokkun stígsins meðfram ströndinni í Garðahverfi er breytt til samræmis við flokkun hans í aðalskipulagi sem útivistarstíg. Afmörkuð er á uppdrætti gönguþverun fyrir hraðalækkandi aðgerðir við upphaf sama stígs við Aukatjörn. Grænigarður, Garðar, Garðaholt og Krókur: - Afmörkun deiliskipulagssvæðisins er breytt þannig að hún nær einnig yfir gömlu bæjartorfuna Höll. - Afmörkuð er lóð við húsið Grænagarð. - Aðkoma að Grænagarði frá kjarna Garðaholts er skilgreind á uppdrætti og bætt við leiðbeinandi legu stíga innan garðsins. Þá er skilgreindur byggingarreitur innan Grænagarðs með skilmálum fyrir lítil mannvirki sem tengjast starfsemi og rekstri almenningsgarðs s.s. fyrir áhaldageymslu, garðhýsi eða annað. - Gert er ráð fyrir minjasvæði milli Garðakirkju og íbúðarhúss í Görðum. Tillagan gerir ráð fyrir eftirfarandi breytingum á deiliskipulagsgreinargerð: - Sett eru ákvæði um smáhýsi á lóðum. - Hámarksgrunnflötur nýrra íbúðarhúsa verður 100 m² í stað 80 m². - Bætt er við ákvæðum um þakgerð, gerð kvista, matjurtargarð, girðingar ofl. - Bætt er við ákvæði um að skipulagsnefnd sé heimilt að víkja frá einstökum ákvæðum skilmála ef færð eru góð rök fyrir því að útfærslan virði einkenni byggðarinnar og markmið deiliskipulagsins. - Kvöðum um fornleifar er breytt. - Kvöðum um einstök býli breytt til samræmis við breytingartillögur á deiliskipulagsuppdrætti. - Kvöðum og umfjöllun um Grænagarð er breytt til samræmis við breytingartillögur á deiliskipulagsuppdrætti og á aðalskipulagsuppdrætti. Skipulagsnefnd lagði til að eftirfarandi breytingar verði gerðar á tillögunni: - Ein íbúðarhúslóð verði bætt við norðan Pálshúsa, Pálshús 4. - Landi Nýjabæjar 2 verði skipt upp í tvær íbúðarhúsalóðir, Nýjabæ 2a (núverandi hús) og Nýjabæ 2b (nýtt hús) - Lögun lóðar umhverfis Grjóta (Hausastaðakot) verði breytt. Skipulagsnefnd samþykkti tillöguna með ofangreindum breytingum sem breytingu á deiliskipulagi Garðahverfis í samræmi við 41. gr. skipulagslaga nr. 123/2010. Tillagan er í samræmi við tillögu að breytingu Aðalskipulags Garðabæjar 2016-2030 sem nær til Garðaholts og Garðahverfis og var samþykkt á síðasta fundi nefndarinnar. Voru tillögurnar auglýstar samhliða en hvorki athugasemdir né umsagnir gáfu tilefni til breytingar á aðalskipulagstillögunni. Lögð fram greinargerð umhverfissviðs þar sem fram kemur innihald þeirra athugasemda og tillaga að svörum Garðabæjar við þeim.

Margrét Bjarnadóttir ræddi 1.tl. innritun í leikskóla 2026 og 2.tl. Þróunarsjóð leikskóla 2026-2027.

Fundargerðin er lögð fram.

Gunnar Valur Gíslason ræddi 1.tl. frístundaþjónusta fatlaðra barna og ungmenna og 2.tl. búsetuúrræði fyrir fatlað fólk í Hnoðraholti.

Fundargerðin er lögð fram.

Björg Fenger ræddi 2.tl. Skipulag - Aðalskipulag Garðabæjar 2016-2030. Breyting 3. Norðurnes og 3.tl. Norðurnes Álftaness, deiliskipulag.

Fundargerðin er lögð fram.

Ingvar Arnarson ræddi 5.tl. umsókn um stöðuleyfi fyrir sauna hús.

Fundargerðin er lögð fram.

Gunnar Valur Gíslason ræddi 3.tl. búsetuúrræði fyrir fatlað fólk í Hnoðraholti, 5.tl. hönnun - útboð - Lambamýri 2. áfangi. Frístundaþjónusta fyrir fötluð ungmenni og 4.tl. samráðsfundir velferðarsviða hjá SSH.

Fundargerðin er lögð fram.

Gunnar Valur Gíslason ræddi 2.tl. íbúaþing eldra fólks 2026 og 3.tl. kynning á starfsemi félagsmiðstöðva eldra fólks í Garðabæ.

Fundargerðin er lögð fram.

Fundargerðin er lögð fram.

Fundargerðin er lögð fram.

Guðlaugur Kristmundsson ræddi 1.tl. sérskóli á höfuðborgarsvæðinu - sóknaráætlun 2025 og 4.tl. PANT akstursþjónusta.

Almar Guðmundsson ræddi 1.tl. sérskóli á höfuðborgarsvæðinu - sóknaráætlun 2025 og 4.tl. PANT akstursþjónusta.

Fundargerðin er lögð fram.

Fundargerðirnar eru lagðar fram.

Almar Guðmundsson, bæjarstjóri kvaddi sér hljóðs og fór nánar yfir helstu niðurstöður ársreiknings Garðabæjar fyrir árið 2025.

Bæjarstjóri lagði til við bæjarstjórn að samþykkja ársreikning Garðabæjar fyrir árið 2025.

Gunnar Valur Gíslason tók til máls og lagði fram eftirfarandi bókun:

"Ársreikningur Garðabæjar fyrir árið 2025 staðfestir enn á ný sterka fjárhagslega stöðu bæjarsjóðs Garðabæjar og ábyrga fjármálastjórn. Rekstrarniðurstaða er jákvæð um 2.753 m.kr. og fjármagnsgjöld lækkuðu um 275 m.kr. frá árinu 2024. Þetta er afar góð niðurstaða miðað við óvenju óhagstæðar ytri aðstæður, viðvarandi verðbólgu og háa vexti.

Tekjur jukust umfram áætlanir og reksturinn skilar traustu veltufé frá rekstri, alls 2.389 m.kr. Samhliða því var hrein lántaka óveruleg á árinu 2025. Skuldaviðmið lækkaði úr 97% í 86% og skuldahlutfall lækkaði úr 120% í 110%. Þetta er skýr vísbending um að markviss stefna um aðhald, ábyrgð og langtímahugsun skilaði miklum árangri árinu.

Haldið var áfram öflugri uppbyggingu í bænum með fjárfestingum í skólum, íþróttamannvirkjum, fráveitu og annarri grunnþjónustu. Slík uppbygging er forsenda þess að mæta þörfum ört vaxandi samfélags, en íbúum Garðabæjar fjölgaði um rúmlega 600 á árinu 2025. Það er mikilvægt að tekjur af sölu byggingarréttar hafa ávallt verið nýttar til áframhaldandi uppbyggingar innviða og niðurgreiðslu skulda.

Þessi góði árangur hefur náðst á sama tíma og álögum er stillt í hóf. Útsvarshlutfallið er með því lægsta sem þekkist meðal sveitarfélaga á Íslandi, álagningarhlutfall fasteignagjalda hefur verið lækkað ásamt því að almennar gjaldskrárhækkanir hafa ekki verið umfram verðlag.

Bæjarfulltrúar Sjálfstæðisflokksins telja að ársreikningur Garðabæjar fyrir árið 2025 endurspegli traustan rekstur, skýra forgangsröðun og ábyrg vinnubrögð. Sá árangur skapar sterkan grunn fyrir áframhaldandi uppbyggingu, öfluga þjónustu og aukin lífsgæði í Garðabæ. Um þessa mikilvægu hagsmuni bæjarbúa vilja bæjarfulltrúar Sjálfstæðisflokksins standa vörð um hér eftir sem hingað til."

Þorbjörg Þorvaldsdóttir tók til máls og lagði fram eftirfarandi bókun:

"Bæjarfulltrúar Garðabæjarlistans vilja koma á framfæri þökkum til starfsfólks bæjarins fyrir vinnu við ársreikning. Jákvæð rekstrarafkoma Garðabæjar og lækkandi skuldahlutfall eru fagnaðarefni, skuldir á hvern íbúa hafa einnig lækkað lítillega milli ára. Undirliggjandi er þó sú staða að án sölu byggingarréttar væri A-sjóður rekinn með töluverðum halla. Tekjur af sölu byggingarréttar voru varlega áætlaðar 1,2 milljarðar í fjárhagsáætlun en enda í tæpum 3,7 milljörðum. Einnig reyndust tekjur af útsvari og fasteignaskatti hærri en áætlað var.

Hefði Garðabær ekki selt byggingarrétt fyrir tæpa 2,5 milljarða umfram áætlun væri rekstrarafkoma A-sjóðs neikvæð um 234 milljónir. Hefði enginn byggingarréttur komið til yfirhöfuð væri afkoman neikvæð upp á 1,4 milljarða. Auk þess eru rekstrargjöld í A-hluta rúmum 700 milljónum yfir áætlun og mikilvægt í framhaldinu að rýna vel ástæður þess.

Tekjur af sölu byggingarréttar eru í eðli sínu einskiptistekjur - og Garðabær er því langt frá því að skatttekjur, framlög jöfnunarsjóðs og tekjur af þjónustugjöldum dugi fyrir rekstri grunnþjónustunnar. Það er eðlilegt að sveitarfélag í uppbyggingu brúi bilið með byggingarrétti og skuldi mikið áður en skatttekjur nýrra íbúa og fyrirtækja koma inn. Við höfum þó áhyggjur, því á sama tíma gera háar skuldir Garðabæ veikari fyrir áhrifum ytri þátta - líkt og birtist í fjámagnskostnaði, sem stendur í 1,7 milljörðum og er 100 milljónum yfir áætlun.

Framundan eru áframhaldandi vöxtur og fjárfestingar í innviðum sem eru nauðsynlegir til að veita bæjarbúum viðeigandi þjónustu. Til að standa undir þeirri fjárfestingu er mikilvægt að fara varlega í næstu skref, sérstaklega í ljósi ytri aðstæðna bæði á Íslandi og í heiminum öllum."

Guðlaugur Kristmundsson tók til máls og lagði fram eftirfarandi bókun:

"Rekstrarniðurstaða skv. ársreikningi Garðabæjar fyrir árið 2025 virðist gefa til kynna sterka afkomu af rekstri bæjarins, þ.e. 2,2 ma.kr. hagnað. Þessi niðurstaða staðfestir þær freistingar sem Sjálfstæðisflokkurinn hefur fallið fyrir. Sömu freistingar og önnur sveitarfélög í vexti hafa fallið fyrir og líða nú fyrir. Staðreyndin er hins vegar sú að rekstrarafkoma af grunnrekstri Garðabæjar er neikvæð um tæpan milljarð! Grunnreksturinn okkar stendur ekki undir sjálfum sér. Með öðrum orðum; grunnrekstur Garðabæjar er ósjálfbær.

Söluandvirði af eignum bæjarins hefur hér verið varið til þess að fjármagna grunnrekstur Garðabæjar í stað þess að verja þeim á ábyrgan hátt og greiða niður skuldir eða ráðast í brýnar fjárfestingar sem stækkandi bæjarfélag þarfnast. Ný hverfi kalla á að fjárfest sé með byggingaframkvæmdum, t.d. í skóla og aðra grunninnviði sem ekki eru byggðar á meðan krónurnar fara í grunnreksturinn. Við nýtum sömu krónuna ekki tvisvar.

Þegar við erum farin að reiða okkur á sölu eigna til að standa undir rekstrinum og fegra afkomu bæjarfélagsins, þá bólgnar báknið bara út og reksturinn verður enn ósjálfbærari. Slík þróun gerir reksturinn brothættari og dregur úr fjárhagslegu svigrúmi. Ákvörðun í framtíðinni um að hætta eða hægja á uppbyggingu bæjarins verður ekki lengur pólitísk eða á okkar valdi, hún verður þá orðin nauðsynleg til þess að fjármagna neysluna. Ákvörðunin um það hvernig eða hvort stækka skuli bæinn yrði ekki lengur tekin af yfirlögðu ráði með framtíðarsýn bæjarfélagsins okkar að leiðarljósi, hún væri tekin af illri nauðsyn. Við verðum að sjálf að hafa forræði fyrir þeirri ákvörðun.

Viðreisn í Garðabæ gagnrýnir þessa stöðu og að afkoman sé fegruð á þennan hátt. Viðreisn vill koma að myndun nýs meirihluta sem tekur á þessari stöðu og snýr grunnrekstrinum við í jákvæða stöðu."

Almar Guðmundsson tók til máls að nýju.

Gunnar Valur Gíslason tók til máls að nýju.

Guðlaugur Kristmundsson tók til máls að nýju.

Gunnar Valur Gíslason tók til máls að nýju.

Almar Guðmundsson tók til máls að nýju.

Bæjarstjórn samþykkir samhljóða við síðari umræðu ársreikning Garðabæjar fyrir árið 2025 samkvæmt 61. gr. sveitarstjórnalaga nr. 138/2011, sbr. 2. tl. 1. mgr. 18. gr. laganna.

Samþykktinni til staðfestingar er ársreikningurinn undirritaður af viðstöddum bæjarfulltrúum.

Sigríður Hulda Jónsdóttir tók til máls.

Ingvar Arnarson tók til máls.

Gunnar Valur Gíslason tók til máls.

Guðfinnur Sigurvinsson tók til máls.

Brynja Dan Gunnarsdóttir tók til máls.

Almar Guðmundsson tók til máls.