16. (986). fundur

Fundargerðin sem er 16. tl. er samþykkt samhljóða.

Afgreiðsla mála.

Fundargerðin sem er 4.tl. er samþykkt samhljóða.

Þorbjörg Þorvaldsdóttir ræddi 2.tl. afgreiðsla skipulagsnefndar varðandi tillögu að breytingu á Aðalskipulagi Garðabæjar 2016-2030 sem nær til Norðurness á Álftanesi og lagði fram eftirfarandi bókun:

"Bæjarfulltrúi Garðabæjarlistans situr hjá við þessa afgreiðslu. Við teljum tillöguna innihalda þætti sem ganga illa upp saman og erum ósannfærð um að skipulagið sé til bóta fyrir Álftanes og Álftnesinga, en erum því ekki mótfallin að tillagan verði auglýst.

Reiðstígur sem liggur þétt við golfvöll, sem er byggður á varpsvæði fugla, sem verður skorinn í sundur af vegi sem umferð mun þyngjast um vegna íbúabyggðar, sem á að rísa á landi sem þarf að hækka verulega vegna flóðahættu, veislusalur í nánd við þessa nýju byggð sem rís langt frá skólum, íþróttasvæði og félagsstarfi eldra fólks.

Með tillögunni er gerð tilraun til þess að gera öllum hagaðilum til geðs, fyrir utan þá íbúa sem búa á svæðinu nú þegar, en við teljum að lokaútkoman verði sú að enginn verði fyllilega ánægður. Svæðið verður þannig hvorki frábært til búsetu, golfs, hestamennsku, veitingareksturs né fyrir náttúrunnendur. Við hvetjum íbúa á svæðinu og áhugafólk um skipulag á Álftanesi til þess að senda inn ábendingar og athugasemdir."

Björg Fenger ræddi 2.tl. afgreiðsla skipulagsnefndar varðandi tillögu að breytingu á Aðalskipulagi Garðabæjar 2016-2030 sem nær til Norðurness á Álftanesi, 4.tl. afgreiðsla skipulagsnefndar varðandi uppbyggingu útivistarstígs í Flatahrauni innan fólkvangsins Urriðakotshrauns - Framkvæmdaleyfi og 8.tl. opnun tilboða í byggingarrétt lóða í Hnoðraholti suður - háholt.

Stella Stefánsdóttir ræddi 8.tl. opnun tilboða í byggingarrétt lóða í Hnoðraholti suður - háholt.

Kjartan Atli Kjartansson ræddi 4.tl. afgreiðsla skipulagsnefndar varðandi uppbyggingu útivistarstígs í Flatahrauni innan fólkvangsins Urriðakotshrauns - Framkvæmdaleyfi og 2.tl. afgreiðsla skipulagsnefndar varðandi tillögu að breytingu á Aðalskipulagi Garðabæjar 2016-2030 sem nær til Norðurness á Álftanesi.

Almar Guðmundsson ræddi 2.tl. afgreiðsla skipulagsnefndar varðandi tillögu að breytingu á Aðalskipulagi Garðabæjar 2016-2030 sem nær til Norðurness á Álftanesi og 8.tl. opnun tilboða í byggingarrétt lóða í Hnoðraholti suður - háholt.

Jón Þór Eggertsson ræddi 4.tl. afgreiðsla skipulagsnefndar varðandi uppbyggingu útivistarstígs í Flatahrauni innan fólkvangsins Urriðakotshrauns - Framkvæmdaleyfi.

Björg Fenger tók til máls að nýju og ræddi 2.tl. afgreiðsla skipulagsnefndar varðandi tillögu að breytingu á Aðalskipulagi Garðabæjar 2016-2030 sem nær til Norðurness á Álftanesi.

Fundargerðin sem er 8.tl. er samþykkt samhljóða.

Afgreiðsla mála.

Hrannar Bragi Eyjólfsson ræddi 2.tl. lykiltölur í skólamálum, 3.tl. Menntadagur leik- og grunnskóla 2026, 4.tl. Forvarnarvika Garðabæjar 2026 og 5.tl. frumvarp til laga um innritun í leikskóla, 80. mál.

Fundargerðin er lögð fram.

Fundargerðin er lögð fram.

Fundargerðin er lögð fram.

Fundargerðin er lögð fram.

Anna Ragnheiður Möller ræddi 1.tl. verkefnaáætlun velferðarráðs 2026-2027.

Fundargerðin er lögð fram.

Fundargerðin er lögð fram.

Birkir Guðlaugsson ræddi fundargerð 17. september 2026, 1.tl. árshlutauppgjör janúar til júní 2026, 2.tl. drög að fjárhagsáætlun, 3.tl. fjármál Strætó, 4.tl. Pant, 5.tl. stefnur Strætó og fundargerð 15. október 2026, 1.tl. langtímaskuldir Strætó, 3.tl. innra eftirlit og 4.tl. fjárhagsáætlun 2027-2028.

Hlynur Bæringsson ræddi fundargerð 15. október 2026, 4.tl. fjárhagsáætlun 2027-2028.

Birkir Guðlaugsson tók til máls að nýju og ræddi fundargerð 15. október 2026, 4.tl. fjárhagsáætlun 2027-2028.

Fundargerðirnar eru lagðar fram.

Almar Guðmundsson ræddi fundargerð 5. október 2026, 4.tl. fjárlög 2027 og 5.tl. fyrirkomulag með hollustuháttum o.fl.

Fundargerðirnar eru lagðar fram.

Hrannar Bragi Eyjólfsson ræddi fundargerð 16. september 2026 1.tl. uppfærð drög að fjárhagsáætlun Sorpu fyrir árin 2027-2031 kynnt, 2.tl. gjaldskrárbreytingar, 3.tl. staða ESA-málsins, 4.tl. úrskurður umhverfis-, orku- og loftslagsmálaráðuneytis um málefni Úrvinnslusjóðs og 5.tl. málefni endurvinnslustöðva, skýrsla starfshóps um framtíðarskipan endurvinnslustöðva á höfuðborgarsvæðinu og fundargerð 2. október 2026, 1.tl. lokadrög að fjárhagsáætlun SORPU fyrir árin 2027-2031 kynnt.

Fundargerðirnar eru lagðar fram.

Fundargerðin er lögð fram.

Fundargerðin er lögð fram.

Almar Guðmundsson, bæjarstjóri, fylgdi úr hlaði frumvarpi að fjárhagsáætlun Garðabæjar fyrir árin 2026-2029. Bæjarstjóri lagði fram drög að greinargerð þar sem helstu markmið og niðurstöður eru raktar nánar. Bæjarstjóri lagði til að frumvarpinu verði vísað til síðari umræðu í bæjarstjórn.

Hlynur Bæringsson tók til máls og lagði fram eftirfarandi bókun:

"Við fyrri umræðu fjárhagsáætlunar Garðabæjar 2027-2030 leggur Framsókn áherslu á þau mál sem við vorum kosin til að vinna að: hækkun hvatapeninga og úrbætur á íþróttamannvirkjum sem miða að því að bæta aðstöðu og stytta biðlista þar sem það á við. Við viljum að öll börn hafi raunhæft tækifæri til að taka þátt í íþrótta- og frístundastarfi, óháð efnahag fjölskyldna, og að aðstaðan mæti þörfum bæjarbúa. Sömuleiðis munum við leggja áherslu á að sérstakt fjármagn verði sett í að greina og móta úrræði fyrir ungmenni sem ekki eru lengur í skipulögðu tómstundastarfi, en brotthvarf úr því verður oft á framhaldsskólaaldri.

Menningarmál eru okkur hugleikin og við munum leita leiða til að styðja við þau í endanlegri áætlun eftir skýrt ákall um það frá íbúum í vor, ekki síst yngra fólkinu.

Milli umræðna munum við leggja þessar áherslur inn í samtalið um fjárhagsáætlunina.

Það er auðvelt að benda á það sem okkur langar til að gera og kostar peninga. Tillögur okkar munu ekki eingöngu snúa að því, heldur einnig að leiðum til tekjuöflunar og hagræðingar í rekstri.

Það er mögulega ekki skemmtilegasta viðfangsefnið en við teljum eitt brýnasta verkefnið að draga úr fjármagnskostnaði bæjarins. Í frumvarpinu er hreinn fjármagnskostnaður A- hluta áætlaður rúmir 1,7 milljarðar árið 2027 og því ástæða til að fara varlega í fjárfestingar og lántökur.

Við hlökkum til málefnalegs samtals milli umræðna."

Kjartan Atli Kjartansson tók til máls og lagði fram eftirfarandi bókun:

"Samfylkingin leggur áherslu á eftirfarandi þætti í vinnu fjárhagsáætlunar fyrir árið 2027.

1. Ábyrg fjármálastjórn og sjálfbærni í rekstri

Samfylkingin vill leggja sitt af mörkum við að greina og meta þær aðhaldsaðgerðir sem nauðsynlegar eru til að bæta rekstrarstöðu sveitarfélagsins. Sjálfbær rekstur er grunnurinn að öflugu sveitarfélagi til framtíðar og forsenda þess að við getum staðið undir góðri þjónustu og uppbyggingu til lengri tíma.

2. Forgangsröðun og grunnþjónusta

Við leggjum áherslu á skýra forgangsröðun þar sem grunnþjónusta bæjarins er höfð að leiðarljósi. Ráðdeild í rekstri þarf að fara saman við að standa vörð um góða þjónustu við íbúa.

3. Fjárfestum í samfélaginu

Þrátt fyrir aðhald í rekstri eigum við áfram að fjárfesta í samfélaginu. Við teljum mikilvægt að skoða af fullri alvöru útfærslu á lengri afgreiðslutíma sundlauganna á sunnudögum og lengri opnunartíma bókasafnsins. Við eigum að hafa opinn hug gagnvart þessum og sambærilegum verkefnum sem eru ekki kostnaðarsöm í stóra samhenginu en geta skapað Garðbæingum fleiri tækifæri til samveru og bætt lífsgæði. Hluti af því að fjárfesta í samfélaginu er einnig að miða almennar gjaldskrárhækkanir við 2,5% árið 2027 og leggja þannig okkar af mörkum til að verja ráðstöfunartekjur heimilanna.

Samfylkingin mun leggja áherslu á að fjárhagsáætlunin verði unnin áfram með ábyrgum hætti, að forgangsröðun sé skýr og að ákvarðanir um rekstur og fjárfestingar byggi á raunhæfum forsendum og langtímahagsmunum Garðabæjar."

Þorbjörg Þorvaldsdóttir tók til máls og lagði fram eftirfarandi bókun:

"Garðabæjarlistinn mun á milli umræðna í bæjarstjórn leggja áherslu á að bókasöfn bæjarins og sundlaugar verði varin fyrir aðhaldskröfum í fjárhagsáætlun ársins 2027 og að þjónusta þeirra verði efld, enda eru það stofnanir sem gagnast öllum íbúum jafnt. Í sítengdum nútíma þar sem samvera við annað fólk er á undanhaldi teljum við skipta höfuðmáli að svokölluð þriðju rými séu sett í forgang, með tilheyrandi jákvæðum áhrifum á samfélagið allt. Einnig mun listinn fylgja eftir tillögu um hækkun hvatapeninga og undirbúning systkinaafsláttar sem fyrr á árinu var vísað inn í vinnu við gerð fjárhagsáætlunar."


Björg Fenger tók til máls og lagði fram eftirfarandi bókun:

"Bæjarfulltrúar Sjálfstæðisflokksins leggja áherslu á að frumvarp að fjárhagsáætlun Garðabæjar 2027-2030, sem nú er lagt fram til fyrri umræðu, er ekki endanlegt. Núverandi efnahagsaðstæður kalla á að gætt sé sérstaks aðhalds í rekstrinum. Við áframhaldandi vinnu við fjárhagsáætlunina verður því, líkt og hingað til, lögð rík áhersla á ábyrga fjármálastjórn og traustan rekstur sveitarfélagsins.

Skýrt markmið þeirrar vinnu er að bæta rekstrarniðurstöðu A-hluta frá því sem nú liggur fyrir og snúa neikvæðri niðurstöðu við fyrir seinni umræðu. Þær breytingar og aðgerðir sem unnið verður að á milli umræðna munu því endurspeglast í frumvarpi að fjárhagsáætlun sem lagt verður fram til seinni umræðu."

Samkvæmt frumvarpinu eru niðurstöður A og B hluta þessar (í þúsundum króna):

2027 2028 2029 2030

Tekjur: 35.925.201 37.802.808 39.514.089 41.078.256

Gjöld: 31.425.986 33.062.682 34.463.773 35.961.469



Rnst. f. afskr. 4.499.215 4.740.127 5.050.315 5.116.787

Rnst. án fmst/gj 2.193.039 2.322.953 2.504.367 2.466.770

Afskriftir 2.306.175 2.417.174 2.545.948 2.650.017

Fmt/gj 2.017.459 1.870.350 1.756.135 1.416.358

Rekstrarniðurstaða 175.850 452.603 748.233 1.050.413

Framkvæmdir 3.984.000 3.884.000 3.969.000 3.524.000

Bæjarstjórn samþykkir að vísa frumvarpi að fjárhagsáætlun Garðabæjar fyrir árin 2027-2030 til síðari umræðu í bæjarstjórn og frekari vinnslu í bæjarráði.