1. fundur

Áfrýjað er til fjölskylduráðs Garðabæjar ákvörðun afgreiðslufundar stuðnings- og stoðþjónustu frá 20.12.2022 um breytingu á fjölda samþykktra tíma í notendasamningi.

Ákvörðun afgreiðslufundar stuðnings- og stoðþjónustu frá 20.12.2022 er staðfest. Nánar er bókað um málið í trúnaðarmálahluta fundargerðar.

Mál nr. 2301235, umsókn um tryggingu/ábyrgðaryfirlýsingu til tryggingar húsaleigu lögð fyrir fjölskylduráð.

Tekið er fyrir mál nr. 2301235, umsókn um tryggingu/ábyrgðaryfirlýsingu til tryggingar húsaleigu. Fjölskylduráð fjallar um málið og samþykkir að verða við erindinu. Nánar er bókað um málið í trúnaðarmálahluta fundargerðarinnar.

Mál nr. 2301244, umsókn um námsstyrk lögð fyrir fjölskylduráð.

Tekið er fyrir mál nr. 2301244, umsókn um námsstyrk. Fjölskylduráð fjallar um málið og samþykkir að verða við erindinu. Nánar er bókað um málið í trúnaðarmálahluta fundargerðarinnar.

Viljayfirlýsing um heildarendurskoðun á þjónustu við eldra fólk var undirrituð 21.06.2022. Þar sem kveðið er á um aukið samstarf og samvinnu varðandi málefni eldra fólks með það markmið að tryggja samhæfða þjónustu við hæfi á réttu þjónustustigi og á réttum tíma. Á það bæði við um stuðningsþjónustu sveitarfélaga og heilbrigðisþjónustu ríkisins. Markmiðið er að tryggja samhæfða þjónustu. Verkefnastjórn hefur það hlutverk að leiða vinnu við heildarendurskoðun þjónustunnar og útfæra tímasett markmið í aðgerðaáætlun til fjögurra ára og í framhaldi vinna að innleiðingu og framkvæmd aðgerðaáætlunarinnar. Í september sl. var haldin vinnustofa um framtíð þjónustu við eldra fólk sem er hluti af vinnu heildarendurskoðunarinnar. Nú hefur verið lögð fram í samráðsgátt drög að þingsályktunartillögu um aðgerðaætlun um þjónustu við eldra fólk 2023-2027. Umsagnarfrestur er til 23.01.2023

Viljayfirlýsing heilbrigðisráðherra, félags- og vinnumarkaðsráðherra, fjármála- og efnahagsráðherra, fulltrúa Sambands íslenskra sveitarfélaga og Landsambands eldri borgara um heildarendurskoðun á þjónustu við eldra fólk var undirrituð 21.06.2022. Þar er kveðið á um aukið samstarf og samvinnu varðandi málefni eldra fólks með það markmið að tryggja samhæfða þjónustu við hæfi á réttu þjónustustigi og á réttum tíma. Á það bæði við um stuðningsþjónustu sveitarfélaga og heilbrigðisþjónustu ríkisins. Markmiðið er að tryggja samhæfða þjónustu.

Tillaga til þingsályktunar um aðgerðaáætlun um þjónustu við eldra fólk 2023-2027 frá félags- og vinnumarkaðsráðherra ásamt kynningarbæklingnum Gott að eldast, dags. 19.12.2022, lögð fram til kynningar.

Tilkynning frá félags- og vinnumarkaðsráðuneyti um stöðu aðgerða í framkvæmdaáætlun í málefnum fatlaðs fólks 2017-2021 lögð fram til kynningar.

Tilkynning frá félags- og vinnumarkaðsráðuneyti um stöðu aðgerða í framkvæmdaáætlun í málefnum fatlaðs fólks 2017-2021 lögð fram. Fyrir fundinum lá lokagreinargerð Félags- og vinnumarkaðsráðuneytis frá desember 2022 um stöðu aðgerða framkvæmdaáætlunar í málefnum fatlaðs fólks 2017-2021.

Þann 1. janúar 2023 tók sameiginlegt umdæmisráð barnaverndar í Kraganum til starfa. Á sama tíma voru barnaverndarnefndir lagðar niður sem áður gegndu úrskurðarhlutverki samkvæmt barnaverndarlögum. Umdæmisráð er sjálfstæð stjórnsýslunefnd sem er skipað þremur ráðsmönnum og jafn mörgum varamönnum til fimm ára í senn: lögfræðingi, sem er formaður ráðsins, félagsráðgjafa og sálfræðingi. Verkefni umdæmisráða barnaverndar er að úrskurða í málum samkvæmt 3. mgr. 13. gr. barnaverndarlaga nr. 80/2002.

Aðalmenn umdæmisráðs Kragans eru:

Ómar Örn Bjarnþórsson, lögfræðingur - formaður

Laufey Þorvaldsdóttir, félagsráðgjafi

Einar Ingi Magnússon, sálfræðingur

Varamenn umdæmisráðs Kragans eru:

Kolbrún Garðarsdóttir, lögfræðingur - varaformaður

Þóra Kemp, félagsráðgjafi

Eva Sjöfn Helgadóttir, sálfræðingur

Þann 1. janúar 2023 tók sameiginlegt umdæmisráð barnaverndar í Kraganum til starfa. Á sama tíma voru barnaverndarnefndir lagðar niður sem áður gegndu úrskurðarhlutverki samkvæmt barnaverndarlögum. Umdæmisráð er sjálfstæð stjórnsýslunefnd sem er skipað þremur ráðsmönnum og jafn mörgum varamönnum til fimm ára í senn: lögfræðingi, sem er formaður ráðsins, félagsráðgjafa og sálfræðingi. Verkefni umdæmisráða barnaverndar er að úrskurða í málum samkvæmt 3. mgr. 13. gr. barnaverndarlaga nr. 80/2002.

Aðalmenn umdæmisráðs Kragans eru:

Ómar Örn Bjarnþórsson, lögfræðingur - formaður

Laufey Þorvaldsdóttir, félagsráðgjafi

Einar Ingi Magnússon, sálfræðingur

Varamenn umdæmisráðs Kragans eru:

Kolbrún Garðarsdóttir, lögfræðingur - varaformaður

Þóra Kemp, félagsráðgjafi

Eva Sjöfn Helgadóttir, sálfræðingur

Lagt fram.