12. fundur

Mál lagt fyrir fjölskylduráð til upplýsinga um stöðu málaflokksins.

Tekið er fyrir mál nr. 2012178, yfirlit og staða verkefna í málaflokki fatlaðs fólks. Pála Marie Einarsdóttir, umsjónarþroskaþjálfi, gerir grein fyrir núverandi stöðu málaflokksins, helstu verkefnum sem framundan eru og áskorunum. M.a. rætt um kostnað, tekjur, áskoranir og tækifæri í þjónustuleiðum sem og mat á gæðum þjónustu. Fjölskylduráð þakkar umsjónarþroskaþjálfa fyrir greinargóða umfjöllun.

Svar starfsmanns fjölskyldusviðs við fyrirspurn um þjónustu við fatlað fólk með langvarandi stuðningsþarfir lagt fyrir fjölskylduráð til kynningar.

Tekið er fyrir mál 2011219. Svar umsjónarþroskaþjálfa Garðabæjar við fyrirspurn um þjónustu við fatlað fólk með langvarandi stuðningsþarfir er lagt fyrir fjölskylduráð til kynningar. Á fundinum kom fram fyrirspurn um hvort verið væri að veita þá þjónustu sem þjónustuþegar ættu rétt á, miðað við fyrirliggjandi mat og varpaði umsjónarþroskaþjálfi ljósi á þá stöðu.

Greinargerð varðandi úttekt á stuðningsfjölskyldu er lögð fyrir Fjölskylduráð til afgreiðslu.

Tekið er fyrir mál nr. 2009547, beiðni Keðjunnar um úttekt vegna umsóknar um leyfi til að gerast stuðningsfjölskylda. Sólveig Björg Arnarsdóttir, félagsráðgjafi, situr fundinn undir þessum lið. Fyrir liggur greinargerð ráðgjafa í barnavernd. Fjölskylduráð Garðabæjar mælir með útgáfu stuðningsfjölskylduleyfis til umsækjenda. Nánar er bókað um málið í trúnaðarmálahluta fundarins.

Lagt er fyrir mál nr. 2011383, drög að endurnýjuðum reglum Garðabæjar um veitingu fjárstyrks til greiðslu lögmannsaðstoðar sbr. 47. gr. barnaverndarlaga nr. 80/2002. Eldri reglur um málefnið eru frá 2003. Sigríður Logadóttir, lögfræðingur á stjórnsýslusviði Garðabæjar, setti drögin saman. Reglurnar eru settar með hliðsjón af 1. mgr. 47. gr. barnaverndarlaga þar sem segir að aðilar barnaverndarmáls skuli eiga þess kost að tjá sig munnlega eða skriflega, þ.m.t. með aðstoð lögmanns, um efni máls og annað sem lýtur að málsmeðferðinni áður en barnaverndarnefnd kveður upp úrskurð. Skv. drögunum er veittur fjárstyrkur vegna fyrirtöku á fundi fjölskylduráðs þegar til greina kemur að beita þvingunarúrræðum skv. barnaverndarlögum. Jafnframt sé veittur styrkum til greiðslu lögmannskostnaðar fyrir úskurðarnefnd velferðarmála, sbr. 2.2 mgr. 47. gr. barnaverndarlaga. Við ákvörðun um fjárstyrk verði tekið tillit til efnahags umsækjanda og fjárhæð styrksins skuli metin með hliðsjón af eðli og umfangi málsins.

Tekið er fyrir mál nr. 2011383. Fyrir fundinum liggja drög að endurnýjuðum reglum um veitingu fjárstyrks til greiðslu lögmannsaðstoðar sbr. 47. gr. barnaverndarlaga nr. 80/2002. Fjölskylduráð felur starfsmönnum fjölskyldusviðs að koma athugasemdum við reglurnar til lögfræðinga stjórnsýslusviðs.

Tölulegar upplýsingar í barnavernd og fjárhagsaðstoð.

Tekið er fyrir mál nr. 1903268, tölulegar upplýsingar er varða velferð barna og fjölskyldna. Fjallað var um málið og helstu upplýsingar.