13. fundur

Hvatapeningar hækka úr 50.000,- í 55.000,- kr. fyrir hvert barn frá 5 ára til og með 18 ára.

Lagt fram til kynningar: Hvatapeningar hækka úr 50.000,- í 55.000,- kr. fyrir hvert barn frá 5 ára til og með 18 ára samkvæmt samþykktri fjárhagsáætlun fyrir árið 2023.

Bókun fulltrúa Framsóknar og Garðabæjarlista:

"Hækkun hvatapeninga er fagnaðarefni en betur má ef duga skal og er það skoðun Garðabæjarlistans og Framsóknar að lengra hefði þurft að ganga. Undanfarnar verðlagshækkanir eru þungar birgðar fyrir alla landsmenn og sérstaklega barnafjölskyldur. Tómstundir barna eru kostnaðarsamar og hvatapeningar flestum heimilum mikilvæg búbót".

Afreksstyrkir til einstaklinga eru auglýstir opnir til umsóknar til 1. febrúar 2023.

Afreksstyrkir til einstaklinga eru auglýstir opnir til umsóknar til 1. febrúar 2023 á vef Garðabæjar.

Drög að dagskrá íþróttahátíðar Garðabæjar kl. 13:00 8. janúar í Miðgarði

Dagskrá Íþróttahátíðar Garðabæjar 8. janúar 2023

1. Setning og tónlistaratriði: Einar Örn Magnússon syngur og Matthías Helgi Sigurðarson spilar á gítar.

2. Ávarp formanns ÍTG Hrannars Braga Eyjólfssonar. Þar verður meðal annars farið yfir þá hópa og einstaklinga sem unnið hafa til Íslands- og bikarmeistaratitla auk þess sem þeim eru gerð skil með myndasýningu eftir athöfnina og á vef bæjarins.

3. Afhending viðurkenninga til einstaklinga fyrir landsliðsþátttöku í fyrsta skipti með A-landsliði (1) eða U-landsliðum (58).

4. Viðurkenningar fyrir frammistöðu á erlendum vettvangi. Keppnisfólk úr Garðabæ sem hefur náð að vinna til verðlauna á EM, HM eða sterkum alþjóðamótum: Golf (1), dans (2), frjálsar (1), sund (1), kraftlyftingar (1), hópfimleikar (12).

5. Lið ársins 2022 - Karlasveit GKG.

6. Þjálfarar ársins 2022: Siggeir Magnússon handboltaþjálfari Stjörnunni og Auður Íris Ólafsdóttir körfuboltaþjálfari Stjörnunni.

7. Viðurkenning fyrir framlag til félagsmála í Garðabæ:

Steinar J. Lúðvíksson, Stjörnunni og Ragnheiður Stephensen, Stjörnunni og GKG.

8. Tilnefningar til íþróttakarls og íþróttakonu Garðabæjar alls 10 einstaklingar

Karlar (5) Alex Freyr Gunnarsson dans, Aron Friðrik Georgsson lyftingar, Guðmundur Ágúst Kristjánsson golf, Hilmar Snær Örvarsson skíði,Valgarð Reinhardsson fimleikar.

Konur (5) Ásta Kristinsdóttir fimleikar, Ekatarina Bond dansari, Helena Rut Örvarsdóttir handbolti, Hulda Clara Gestsdóttir golf, Jasmín Erla Ingadóttir knattspyrna.

9. Íþróttamenn ársins útnefndir

ÍTG hefur valið eftirtalið íþróttafólk sem íþróttakarl og íþróttakonu Garðabæjar fyrir árið 2022. Við valið var stuðst við niðurstöðu vefkosningar en ráðið var einhuga um niðurstöðuna.

Íþróttakarl Garðabæjar 2022 er Hilmar Snær Örvarsson skíðamaður og

Íþróttakona Garðabæjar 2022 er Ásta Kristinsdóttir fimleikakona.

Hátíðin hefst kl. 13:00 í Miðgarði og tekur um klukkustund. Auk allra verðlaunahafa er um 60 boðsgestum boðið eða um 200 manns.

Boðið er upp á veitingar að lokinni dagskrá.