11. fundur

Óskir Ungmennaráðs um aðstöðu í Miðgarði.

Óskir og þarfir fatlaðra vegna aðstöðu á 2. og 3. hæð í Miðgarði.

Rætt var um aðstöðumál og þarfir fatlaðra í íþróttahúsum og möguleika í Miðgarði í því samhengi.

Rúna benti á aðstöðu sem börn með mismunandi raskanir þyrftu. Gott væri að geta breytt til og farið í minni rými s.s. hugleiðsluherbergi.

Anna Karolína benti á að íþróttir fatlaðra þyrftu ekki endilega stóra sali og þau gætu nýtt sömu aðstöðu og ófatlaðir. Mikilvægt væri að huga að aðgengismálum eins og fyrir blinda og sjónskerta. Hún benti á að gott væri að hafa "hreyfiland" þar sem hægt væri að vinna með fjölbreytt áreiti til örvunar skynfæra. Slíkt hentaði einnig ófötluðum börnum. Bent var á að fatlaðir eru fjölbreyttur hópur sem æft getur og keppt í mörgum íþróttagreinum með ófötluðum.

Pála benti á að núna sæktu fatlaðir þjónustu út fyrir Garðabæ sem vel mætti koma upp í Miðgarði.

Valgerður Eyja og Tómas komu með hugmyndir ungmennaráðs. Rafíþróttaaðstaða, veislusalur með karioki, aðsetur UR með minni rýmum til að vera með starfsemi "ungmennahúss". Þar gætu unmenni í framhaldsskólum haldið vímulaus fyrirpartý o.fl.

Aðrir fundarmenn bentu á að sameiginlegt með öllum aðilum sem komið hefðu hingað til væri þörfin fyrir "afdrep".

Benti var á þörfina fyrir aðstöðu blásarasveitar TG.

Fyrirkomulag íþróttahátíðar Garðabæjar 2023 vegna ársins 2022.

Fyrirkomulag íþróttahátíðar Garðabæjar 2023 verður eftirfarandi:

Safnað verður upplýsingum um framúrskarandi árangur; Íslands-, bikar- eða deildarmeistarar og Íslandsmet og þeim gerð skil á myndrænan hátt á vefmiðlum og í Garðapóstinum.

Viðurkenningar verða veittar á opinni samkomu í Miðgarði kl. 13:00 8. janúar 2023 í eftirtöldum flokkum:

a) Árangur á erlendum vettvangi verðlaun EM-HM-ÓL

b) Keppni með landsliði, fyrsta skipti sem einstaklingur keppir með U eða A-landsliði (ekki nóg að vera tilnefndur eða vera varamaður)

c) Þjálfarar ársins karl og kona

d) Lið ársins í hópíþróttum

e) Heiðursviðurkenningar fyrir störf að félagsmálum

f) Íþróttafólk ársins karl og kona. Vefkosning fer fram yfir jólin sem gildir sem eitt atkvæði á móti fimm atkvæðum fulltrúa ÍTG.

Fylgiskjöl

• Fyrirkomulag íþróttahátíðar Garðabæjar 2022 afh 23.docx

Umsókn um ferðastyrk til Freyju Óskar Sigurðardóttur kr. 20.000 vegna ferðar á EM í dansi á vegum DSÍ 9.11.2022

ÍTG samþykkir umsókn um ferðastyrk til Freyju Óskar Sigurðardóttur kr. 20.000 vegna ferðar á EM í dansi á vegum DSÍ 9.11.2022

Umsókn um ferðastyrk til Freyju Óskar Sigurðardóttur kr. 20.000 vegna ferðar á HM í dansi á vegum DSÍ í Búlgaríu 8.12.2022.

ÍTG samþykkir umsókn um ferðastyrk til Freyju Óskar Sigurðardóttur kr. 20.000 vegna ferðar á HM í dansi á vegum DSÍ í Búlgaríu 8.12.2022.