23. fundur

Kynning

Edda Björg Sigurðardóttir kynnti Samskiptasáttmála Garðabæjar sem unnið hefur verið að undanfarin misseri.

ÍTG fagnar þeirri vinnu sem lögð hefur verið í samskiptasáttmálann og telur mikilvægt að taka upp kynningar og samræður við íþróttafélög og önnur frjáls félög í Garðabæ.

ÍTG fer yfir tilnefningar sem hafa borist og velur 5 karla og 5 konur til að vera í kjöri til íþróttafólks Garðabæjar 2023.

ÍTG tilnefnir eftirfarandi íþróttafólk til kjörs íþróttakarls og íþróttakonu Garðabæjar.

Konur:

Herdís Björg Jóhannsdóttir hestakona Spretti

Hulda Klara Gestsdóttir kylfingur GKG

Irma Gunnarsdóttir frjálsíþróttakona FH

Ísold Sævarsdóttir körfuboltakona Stjörnunni og frjálsíþróttakona FH

Lucie Martinsdóttir kraftlyftingakona Stjörnunni

Karlar:

Aron Snær Júlíusson golfari GKG

Dúi Þór Jónsson körfuboltamaður Álftanesi

Eggert Aron Guðmundsson knattspyrnumaður Stjörnunni

Friðbjörn Bragi Hlynsson kraftlyftingamaður Stjörnunni

Starri Friðriksson handboltamaður Stjörnunni

Fjallað um drög að reglum um hvatapeninga ársins 2024.

ÍTG samþykkir reglur um hvatapeninga fyrir árið 2024. Fjárhæð hvatapeninga verður óbreytt, 55.000 kr. fyrir börn aldrinum 5-18 ára. Sú nýbreytni verður tekin upp að hvatapeningar verða tekjutengdir. Heimili sem eru undir nánar tilgreindum viðmiðunartekjum geta sótt um „viðbótarhvatapeninga“ að fjárhæð 15.000 kr. fyrir hvert barn í þeirra forsjá. ÍTG leggur áherslu á að þessar nýju reglur verði vel kynntar, einkum hvað varðar „viðbótarhvatapeninga“ fyrir tekjulægri heimili.

Ársskýrsla Tennisfélags Garðabæjar fyrir 2022

Ársskýrsla Tennisfélags Garðabæjar fyrir árið 2022 lögð fram þar sem fram kemur fjöldi iðkenda og aðstaða félagsins til æfinga í Tennishöllinni í Kópavogi. Árið 2022 tóku í heildina 95 börn og unglingar þátt í starfi félagsins, þar af var um 61 einstaklingur sem æfði á sumarnámskeiðum og 34 börn og unglingar úr Garðabæ sem æfðu tennis 2-5 sinnum í viku. TFG leggur áherslu á að komið verði upp aðstöðu fyrir íþróttina í Garðabæ.

Fylgiskjöl

• Arskyrsla Tennisfelags Gardabaejar 2022.pdf

Umsókn um ferðastyrk kr. 20.000 til Freyju Arkar Sigurðardóttur vegna HM í 10 dönsum í Bremen í Þýskalandi 1.6.2023

ÍTG samþykkir ferðastyrk kr. 20.000 til Freyju Arkar Sigurðardóttur vegna HM í 10 dönsum í Bremen í Þýskalandi 1.6.2023

Umsókn um ferðastyrk til Freyju Arkar Sigurðardóttur vegna International Competition London í dansi 2.10.2023.

ÍTG samþykkir ferðastyrk kr. 20.000 til Freyju Arkar Sigurðardóttur vegna International Competition London í dansi 2.10.2023.

Umsókn um ferðastyrk til Sonju Lindar Sigsteinsdóttur Vegna ferðar á vegum HSÍ með U19 09.06 2023

ÍTG samþykkir ferðastyrk kr. 20.000 til Sonju Lindar Sigsteinsdóttur Vegna ferðar á vegum HSÍ með U19 09.06 2023