26. fundur

Gunnar Einarsson bæjarstjóri er gestur fundarins.

Bæjarstjóri gerði grein fyrir hugmyndum um fjölgun leikskólarýma. Má þar fyrst nefna stækkun Lundabóls. $line$Einnig er verið að vinna að því að þróa leikskóladeild fyrir 4 og 5 ára börn í Flataskóla í samráði við skólastjórnendur.$line$Samhliða þessu er verið er að skoða frekari uppbyggingu ungbarnaleikskóla.$line$Að lokum nefndi bæjarstjóri að áætlað er að fyrsti áfangi leik- og grunnskóla í Urriðaholti verði tekinn í gagnið haustið 2016.$line$Umræður urðu um málið. Fram kom að mikilvægt er að leikskólanefnd sé upplýst um byggðarþróun í Garðabæ svo að hún geti brugðist við þörf íbúa fyrir leikskóladvöl og vistun hjá dagforeldrum.

Erindi frá Rannsóknarstofnun í menntunarfræðum ungra barna um útgáfu á bók.

Umsókn RannUng um styrk til útgáfu rits um innleiðingu grunnþátta menntunar í leikskólum í Kraganum rædd. $line$Í ritinu verður gerð grein fyrir niðurstöðum rannsóknar sem unnin var í einum leikskóla í Garðabæ, Hafnarfirði, Kópavogi, Mosfellsbæ og Seltjarnarnesi árin 2012-2014. Erindinu hefur verið vísað til nánari skoðunar við afgreiðslu fjárhagsáætlunar fyrir árið 2014.

Erindi Barnaheilla um þátttöku í tilraunaverkefni gegn einelti í leikskólum.

Barnaheill á Íslandi eru að kanna möguleika á að innleiða í leikskólum á Íslandi danskt forvarnarverkefni gegn einelti. Tilraunaverkefni verður hrundið af stað í einum leikskóla í Garðabæ á árinu 2014 ásamt einum leikskóla í sex öðrum sveitarfélögum. Erindinu hefur verið vísað til nánari skoðunar við afgreiðslu fjárhagsáætlunar fyrir árið 2014.

Í tilefni af umræðu í fjölmiðlum um kennara og aðra starfsmenn sem kvartað er undan var rætt um mikilvægi þess að viðbragðsáætlun sé til staðar í Garðabæ til að koma ábendingum um það sem betur má fara í farveg.