Gjaldskrá skólamálsverða í grunnskólum Garðabæjar.

Guðrún Elín Herbertsdóttir, tók til máls.

María Grétarsdóttir tók til máls.

Sigríður Hulda Jónsdóttir, tók til máls

Bæjarstjórn samþykkir með átta atkvæðum nýja gjaldskrá skólamálsverða í grunnskólum og öðlast hún þegar gildi.

Guðrún Elín Herbertsdóttir, Baldur Ó. Svavarsson og Steinþór Einarsson sitja hjá við afgreiðslu málsins.

Forstöðumaður fræðslu- og menningarsviðs gerði grein fyrir undirbúningi skólastarfs í leik- og grunnskólum á næsta skólaári. Fjöldi barna í grunnskólum er um 2.500 og hefur fjölgað um 50 frá síðasta ári. Fram kom að öllum sex ára börnum var gefinn kostur að hefja undirbúning fyrir skólastarf í tómstundaheimilum skólanna í viku fyrir skólabyrjun.

Framkvæmdir við breytingar og viðhald á skólahúsnæði hafa gengið vel og hafa m.a verið gerðar breytingar innanhús í Garðaskóla til að rýma fleiri nemendur. Breytingarnar gera það að verkum að útihús við skólann nýtist til að mæta fjölgun nemenda í Flataskóla.

Þá kom fram að öll börn sem eru eins árs fyrir 1. september gefst kostur á leikskólavist á næsta skólaári.

Lögð fram tillaga um hækkun á gjaldskrá skólamálsverða í grunnskólum Garðabæjar þar sem gert er ráð fyrir hækkun á matargjaldi úr kr. 465 í kr. 474.

Bæjarráð vísar gjaldskránni til afgreiðslu bæjarstjórnar.